2021 жылғы әлемдегі ең керемет елдер аталды

2021 жылғы әлемдегі ең керемет елдер аталды

Америкалық US News & World Report жаңалықтар журналы 2021 жылғы үздік 10 елді атады.

US News & World Report журналы 2021 жылғы ең керемет ел Канада деп атады. Рейтинг тарихында Канада алғаш рет көшбасшы болды. Сондай-ақ, ел өмір сапасы мен әлеуметтік мақсаттар бойынша бірінші орында тұр. Соған байланысты оны тұрақты еңбек нарығы бар, адам құқығына қамқорлық жасайтын және әлеуметтік әділеттілікті ұстанатын мемлекет деп санауға болады. Жемқорлық аз және меншік құқығын құрметтейтін ел ретінде үлкен жетістікке жетті.

Ал Жапония бір орынға көтеріліп, 2021 жылы үздік екінші болды. Бұл ел Қытай мен Сингапур тарапынан қатаң бәсекелестікті көрсетіп келеді.

Германия үздік үштіккке кірді. US News & World Report журналы жаратылыстану және әлеуметтік ғылымдар, сондай-ақ өнер саласындағы жетекші әлемдік қайраткерлер Германияда дүниеге келгенін атап өтті.

Швейцария төртінші орында. 2020 жылдан бастап ел үш сатыдан айырылды.

News & World Report зерттеуіне сәйкес, бесінші орын бір жыл бұрынғыдай Аустралияға бұйырды. 

2021 жылы АҚШ алтыншы орынға көтерілді.

Жаңа Зеландия әлеуметтік мақсаттар мен нәсілдік теңдікті саналы түрде сақтау бойынша әлемде үшінші орында. Бұл оған өткен жылдан бастап төрт сатыға - 2021 жылы жетінші орынға көтерілуге көмектесті.

COVID-19 пандемиясының Ұлыбританияға қатты әсер еткені соншалық, патшалық биыл екі сатыға түсіп, сегізінші орында қалды.

Швеция Еуропадағы әйелдер үшін әлемдегі ең керемет ел болып саналады, дегенмен бұл скандинавиялық мемлекеті жыл ішінде бір орынға төмендеді және тоғызыншы орында қалды.

Нидерланды үздік ондықты қорытындылады, бірақ патшалық 2021 жылға арналған нәсілдік теңдікке деген міндеттеме тұрғысынан көшбасшы болды. Былтыр бұл ел рейтингтің тоғызыншы орынында болған.

дереккөз: kaz.tengritravel.kz





ОҚИ ОТЫРЫҢЫЗ

Соңғы жаңалықтар