Қазақстан саяхатшылар қызығушылығы артқан 5 елдің тізіміне енді

Қазақстан саяхатшылар қызығушылығы артқан 5 елдің тізіміне енді

Ұлыбританияның Compare the Market интернет басылымы соңғы 10 жыл ішінде саяхатшылар қызығушылығын арттырған елдер мен қалалардың тізімін жариялады. Бұл рейтингке Қазақстан да енген.

Басылым айрықша зерттеуін 2009 жылдан бергі Google Trends сұралымы статистикасы бойынша түзіп шыққан. Іздеу жүйесіндегі сұралымдар басты назарға алынған. Саяхатшылар соңғы жылдары қайда барғысы келетіні, нені көргісі келетіні жайлы ақпараттар жинақталған. Нәтижесінде жиһанкездердің қызығушылығын арттырған елдер мен қалалар рейтингі шыққан.

10 жыл ішінде саяхатшылар қызығушылығын арттырған елдер тізімін Филиппин аралдары бастады. Іздеу жүйесіндегі сұраныс 2009 жылдан бері 170,5 %-ға артқан. Одан кейінгі орында Оңтүстік Корея болса, үздік үштікке Сауд Арабиясы енген. Қазақстан - төртінші орында. Google Trends статистикасы бойынша Қазақстан жайлы ақпараттардың ізделуі 47,83 %-ға өскен. Қазақстаннан кейінгі орында Нидерланд елі тұр.

Іздеу жүйесінде сұралымы төмендеген елдер де бар. Оның бір себебі саяси ахуалдар мен сол елдегі жағдайға тікелей байланысты. Мысалы, Египет, Тунис, Түркия, Франция және Бразилия елдерінің туристік орталықтарына алдын ала тапсырыс беру мен ақпарат іздеу әлдеқайда азайған. Есесіне туристердің Оңтүстік-Шығыс Азия, Үндістан мен Таяу Шығыс елдеріне көбірек барғысы келетіні байқалған.

Саяхатшылар қызығушылығын арттырған қалалар көшін Венгрия елінің астанасы Будапешт бастады. 10 жылда бұл қала жайлы ақпарат пен тарихи орындарына көз сүзгісі келетін жандардың қатары 87 %-ға өскен. Одан кейінгі орындарға Сеул (Оңтүстік Корея астанасы) мен Копенгаген (Дания астанасы) жайғасқан. Сондай-ақ үздік бестікте Тель-Авив (Израиль) пен Варшава (Польша) қалалары да бар.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Тасбақалар қалайша өзен санитары болып жүр?
Тасбақалар қалайша өзен санитары болып жүр?
Эксперимент: Уикипедияда шағын қалалар туралы жаңа ақпарат туризмге ықпал еткен
Эксперимент: Уикипедияда шағын қалалар туралы жаңа ақпарат туризмге ықпал еткен
Әлем халықтарының ұлттық музыкасы жиналған сайт
Әлем халықтарының ұлттық музыкасы жиналған сайт
Тест: Ағылшынша сленгті қаншалықты жақсы білесіз?
Тест: Ағылшынша сленгті қаншалықты жақсы білесіз?
Артем Резников азулы ресейлік файтерді жеңді
Артем Резников азулы ресейлік файтерді жеңді
Әлемдегі ең қауіпті елдер
Әлемдегі ең қауіпті елдер