Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Лайфстайл / Әлемтану / Әлем алақанда / Алдағандар мен алданғандар

Алдағандар мен алданғандар

Алдағандар мен алданғандар

Адам – өте сенгіш жаратылыс, олар кез келген бос сөздің өзіне сенуге бейім келеді. Осыны пайдаланып қалғысы келетін мықтылар талай әлсізді жер соқтырды. Иә, әңгіме кеше ғана өткен күлкі күні туралы болып отыр. Сіз кімді және қалай алдадыңыз? Қызықты оқиғаларыңызды аңыз етіп айтып жүрген боларсыз. Ал төмендегі БАҚ-тың көмегімен ұйымдастырылған жаһандық ойындар аңызға айналуға әбден лайықты.

1. Швейцариядағы спагетти егістігі

ХХ ғасырдың ең ұтқыр әзілі ВВС арнасына тиесілі. Қызметкерлер 1957 жылдың 1 сәуірінде "Panorama" аталатын бағдарламада Швейцария жеріндегі спагетти егістігін көрсетеді. Деректі фильмде швейцарлық фермерлер талдардан макарондарды жұлып алып, себетке салып жатады. Осы жобадан кейін ВВС студиясына мыңдаған адам телефон шалады. Олар мұндай ағашты қайдан табуға, қалай өсіруге болатындығын сұрап, көшет сатып алғысы келетіндіктерін айтады. Кейбіреуі макаронның көлденең емес, тігінен өсетіндігіне таңғалып жатады. Редакцияға түскен сауалдардың ең көбі: "Өз жерімде спагетти ағашын қалай өсіруге болады?". Қызметкерлер оған: "Спагеттидің бір талын қызанақ тұздығы құйылған банкаға отырғызыңыз, сонда жақсы болады" деген жауап айтқан екен.

2. Түрлі-түсті теледидар және шұлық

1962 жылдың 1 сәуірінде Швециядағы жалғыз телевизиялық арнаның техникалық инженері Кьелл Стенсон көрермендерге түрлі-түсті сигналдарды қабылдауға болатын жаңа технологияның шыққанын хабарлайды. Олардан талап етілген бір ғана нәрсе болған – нейлонды шұлықты телеэкранға кигізу керек. Елең еткен көрермендер дереу шұлыққа жүгіре бастайды. Стенсон бәрінің көзінше шұлықты кигізіп көрсетеді, мыңдаған адам соны қайталаған екен.

3. Ыстық басты құрттар

"Discover" журналының 1985 жылғы сәуірдегі санында Антарктидадан бал ара құрттарының жаңа түрінің табылғандығы жазылады. Тілшілер олардың ғасырлық мұз бетімен асқан жылдамдықпен жүре алатындығын және ағзалардың температурасының өте жоғары, тіпті ұстағанда бастары ыстық болып тұратындығын да айтады. Құрттар пингвиндерді аулайды дегенді естігенде жағасын ұстамағандар болмады. Ең қызығы, 1837 жылы Антарктида зерттеушісі Филлип Пуассонның жоғалып кетуіне осы ыстық басты құрттардың қатысы бар деген тұжырым да айтылған. Осы мақалаға жазылған хаттар рекордтық көрсеткішке жетті.

4. "Солқолды бургер"

1998 жылы Burger King компаниясы USA Today басылымына 32 миллионға жуық солақай америкалықтарға арнап "Солқолды бургер" деген жаңа тағам ойлап тапқандарын жариялайды. Тағамның ерекшеліктері айтылып, солақайларға ыңғайлылығы ерекше мақталынады. Олар келесі күні Burger King мейрамханаларына мыңдаған адамның "солқолды бургер" және "оңқолды бургер" сұрап келгендігін жазып, келеке етеді.

5. Кім кімді алдады?

1976 жылдың наурыз айының соңында британ астрономы Патрик Мур BBC радиостанциясынан астрономия тарихында елеулі оқиға болатындығын хабарлайды. Яғни, сәуірдің бірінші жұлдызында таңғы 9:47-де Плутон планетасы Юпитердің үстімен өтіп, осының нәтижесінде тартылыс күш азайып, салмақсыздық байқалатын болады деп хабарланады. Мур тыңдармандарына дәл осы минутта ауаға секіретін болсаңыздар, жүзіп бара жатқан әсер аласыздар дейді. Айтылған уақыттан бірнеше минут өтісімен, радиостанцияға қоңыраулар түсе бастайды. Олар шынымен де басқаша әсерге бөленгендерін жеткізеді, тіпті, бір әйел бөлмесінде үстелдермен, орындықтармен бірге бірнеше минут бойы ұшып жүргендігін айтады.

6. Google Nose

Сіз бұл оқиғаның куәгері де болдыңыз. 2013 жылы Google компаниясы қолданушыларын Google Nose қызметін шығарғандарын айтып алдайды. Қызметкерлер енді сіздер өздеріңіз жұмыс істеп отырған құрылғының иісін сезе аласыздар дегенді айтты. YouTube компаниясының ресми арнасында бұл туралы жарнамалық видео да жарияланады. "Көмек керек пе?" деген батырманы басқандар "Бірінші сәуірмен!" деген жазуды оқып күлкіге қарқ болды.

7. Қазақтар да алдай алады

Биылғы күлкі күнінде Kinostan.kz сайты ойларынан "Мағауиннің "Шақан шері" шығармасының желісімен голливудтықтар кино түсірмек" деген өтірік ақпарат шығарып жариялайды. Бұл ақпаратты іле-шала бірнеше ақпарат агенттігі көшіріп басып, республикалық телеарна да эфирге шығарып жіберген.  

Ал сіз биыл алдандыңыз ба? Жоқ па?! Мүмкін алдаған шығарсыз?

Дайындаған: Айгерім Сматуллаева

Сурет: sostav.ru, macster.ru

Дайындаған: Кәусар Мұң
Қосылған күні: 03 сәуір 2014, 14:42
Пікірлер
+0
03 сәуір 2014, 14:32

1 сәуір - алдау күні екенін біле тұра қалай алданғандарын түсіне алмаймын -)))

+0
03 сәуір 2014, 15:18

1- сәуір бәрінде бар екен ғой)))

+0
03 сәуір 2014, 16:06

биылғы сәуірдің бірі күні,кешкісін жұмыстан үйге келіп, демалып алып бір жаққа біреумен кездесуге баруым керек болған, сол екі ортада Шымқаладан бір танысым,үлкен кісі өзінің Таразда екенін айтып, жолыға аламыз ба ,мен осындай кафеде отырмын деп шақырады..Шымқалаға барғанда ылғи құрақ ұшып күтіп алатын кісі еді, сөзін жрге қалдырмай,қазір 10 минутта болам деп,баратын жерімнін бәріне отказ беріп,әлгі кафеге барып,қай жерінде отырсыз деп хабарлассам трубкасын алмайды,бір кезде алып,естімей қалыппын,осындай жерінде отырмын дейді,айтқан жеріне кірсем ешкім жоқ, қайта звандасам тағы алмайды,әбден звандап ақыры сол кафеге заказ беріп 1 сағат қүтіп отыруыма тура келді.Трубканы алмаған соң, СМС жазып жібердім..Сөйтсем артынша бір СМС келіп тұр, ішінде 1 сәурінмен деген хаты бар..Не жынданарымды, не күлерімді білмей қалдым..Ақыры беріп қойған заказыма басқа достарды шақырып,күтіп жібердім.....

+0
03 сәуір 2014, 16:32

:idea: :idea: менде де болған осындай)))

+0
03 сәуір 2014, 20:35

Басында осы сайттан алданып жатыр едім, кенет Масагет Хан Тәңірдің шыңына жетті дегнде түсіндім, бұлар алдау операциясын бастаған ғой деп ;)

+0
03 сәуір 2014, 22:07

Мен Алданбадым!!! :) :)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.