Елімізде ауаны ластаушы негізгі факторлар – күкіртсутек, шаң және қара күйе

Елімізде ауаны ластаушы негізгі факторлар – күкіртсутек, шаң және қара күйе

Экология, геология және табиғи ресурстары министрі Мағзұм Мырзағалиев аймақтық экологиялық департамент басшыларымен қызметтік кездесу барысында осындай тапсырма берді. Жиында ведомство басшысы экологиялық реттеу және бақылау комитетінің төрағасы Зұлпыхар Жолдасовтың соңғы 9 айдағы жұмыс бойынша есебін тыңдады.

Комитет төрағасының сөзінше, аталған кезеңде Қазақстанда жоғары деңгейдегі ластану және 8 экстремалды жоғары ластану жағдайы тіркелген. Оның 58-і - табиғи, 240-ы - техногендік сипаттағы ластану. Ауаның негізгі ластаушылары – күкіртсутек, шаң және қара күйе. Ал су нысандарында 210 жоғары деңгейлі, 6 экстремалды жоғары деңгейлі ластану жағдайы тіркеліп отыр. Оған климаттық жағдайлар, ағын суларға түскен тарихи және өндірістік шығарындылар себеп болған.

«Біз су ресурстары мен атмосфералық ауаның экологиялық жағдайын кешенді түрде бақылаймыз. Бұдан бөлек, «Қазақстан ғарыш сапары» ұлттық компаниясымен бірге мониторинг жасап, стихиялы свалкаларды жоямыз. Соңғы 9 айда 7632 қоқыс орны анықталып, оның 5752-сінің көзін құрттық. Қалдық жиналу жағдайлары көбіне Ақмола облысында байқалды. Сонымен қатар ішкі істер органдарымен, еріктілермен бірге демалыс аумақтарында рейд жасап, құқықбұзушылық оқиғаларын тіркедік»,- деді Зұлпыхар Жолдасов.

Комитет төрағасы қазір қоғаммен кері байланыс жолға қойылғанын атап өтті. Енді азаматтар аумақтық департаменттерге ресми хат арқылы ғана емес, әлеуметтік желілер арқылы да жүгіне алады. Жедел желі қосылғалы бері стихиялы қоқыс орнына қатысты1000-ға жуық шағым түскен. Жемқорлық құқықбұзушылық бойынша профилактикалық жұмыс тұрақты түрде жүреді. Экология министрі Мағзұм Мырзағалиев экологиялық бақылау жұмысында халықпен кері байланыс үлкен рөл атқаратынын атап өтті. «Қазір халықпен ашық, сенімге құрылған өзара байланыс құру өте маңызды. Шын мәнінде біз бен қоғамның мүддесі бір: бәріміз таза ауа, экологиялық су үшін, табиғат және жануарларды қорғау үшін күресеміз. Сондықтан жұртшылыққа барынша ашық және әлеуметтік желіде қолжетімді болып, әр шағым-өтінішке жылдам жауап беріп отыруымыз керек», - деді министр.

Сонымен бірге ол тиімді жұмыс жүру үшін нақты KPI белгілеп, қызмет барысында соны басшылыққа алу керектігін тапсырды. «Нақты индикаторлар мен оған жету мерзімі көрсетілген жоспар жасап, оны бақылауда ұстау керек. Өздеріңіз білетіндей,, қазір Мәжілісте жаңа Экологиялық кодекс жобасы қаралып жатыр. Ол ең маңызды экологиялық проблемаларды шешетін құжат. Жаңа кодекстің маңызды пункттерінің бірі – өндіріске ең озық технологияларды енгізу. Дегенмен ірі кәсіпорындармен табиғатты қорғау шаралары бойынша жұмысты қазірден бастау керек», - деп атап өтті Мағзұм Мырзағалиев. Министр сала қызметкерлерінің жиі семинарларға қатысып, жетекші сарапшы мамандардан сабақ алу арқылы біліктілігін арттыру мәселесінің де маңызды екеніне тоқталды.

inform.kz

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Қазақтың байырғы баспана атаулары
Қазақтың байырғы баспана атаулары
Нұр-Сұлтанда жасанды сана рентген суретіне қарап диагноз қояды
Нұр-Сұлтанда жасанды сана рентген суретіне қарап диагноз қояды
Фейк: Тұзды ерітінді мен жусан коронавирустан қорғамайды
Фейк: Тұзды ерітінді мен жусан коронавирустан қорғамайды
Фэнтези жанрындағы үздік 100 кітап
Фэнтези жанрындағы үздік 100 кітап
Chevrolet кроссоверлері туралы не білесіз?
Chevrolet кроссоверлері туралы не білесіз?
Бэнкси картинасы 8 минут ішінде $10 миллионға сатылды
Бэнкси картинасы 8 минут ішінде $10 миллионға сатылды