Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Лайфстайл / Әлемтану / Қазақстаным / Астана сәулетінің бүгіні мен ертеңі

Астана сәулетінің бүгіні мен ертеңі

Астана сәулетінің бүгіні мен ертеңі

2 шілде күні, сағат 16.00-де Қазақстан Республикасы Ұлттық музейінде Астана күніне орай «Астана сәулеті: бүгін, ертең» атты дөңгелек үстел өтеді. Бұл туралы музейдің баспасөз қызметі хабарлады.

Шара шеңберінде Ұлттық музейдің залдарына экскурсия ұйымдастырылады. Жиын Ұлттық музейдің директоры Дархан Мыңбайдың алғы сөзімен ашылады.

Дөңгелек үстелге ҚР еңбек сіңірген және құрметті архитекторы, академик Серік Рустембеков, ҚР мемлекеттік елтаңбасының авторы, архитектор Жандарбек Мәлібеков, «Тілеп» қайырымдылық қорының президенті, құрылысшы Сапар Ысқақов, Премьер-министрдің жеке фотосуретшісі, фотожурналист Шүкір Шахай, Ұлттық музейдің сәулетшісі, архитектура докторы, Қазақстан Сәулетшілер одағының мүшесі, Мәскеу университетінің профессоры Владимир Лаптев, «Алғашқы Астаналықтар» жобасының авторы, ҚР Жазушылар одағының мүшесі, Астана қаласының бірінші баспасөз хатшысы Сәдібек Түгел қатысады.

Тақырыпты талқылау, сұрақтарға жауап беру, пікір алмасу түрінде өтетін дөңгелек үстелде Астана қаласының Бас жоспары ғылыми-зерттеу институты, «Астана ЭКСПО-2017» Ұлттық компаниясы, «Астана – жаңа қала» арнайы экономикалық аймағы өкілдерінің пікірлері тыңдалады.

Басқосу барысында Еуразия континентінде пайда болған жас Астананың әлемдік архитектурадан алатын орны, құрылыс кешендерінің өзіне тән ерекшеліктері және қаланың болашақтағы даму жоспары талқыланады. Сонымен қатар Еуропа мен Азияны тоғыстырып қана қоймай, Шығыс пен Батыстың, Солтүстік пен Оңтүстіктің үндестік алаңына айналып отырған шаһардың әлеуметтік һәм рухани өміріндегі ілкімді ізденістер мен соны соқпақтар сөз болады.

Бұған қоса уақыт пен талғамның, сын мен төзімнің тезінде шыңдалған жас қаланың «Орталық Азияның жауһары» деген атаққа ие болу жолындағы батыл бастамалары мен тыңға түрен салған идеялары ой елегінен өткізіледі.

Дөңгелек үстелге қатысушылар Астананы феномен ретінде қарастырып, оның әлем қауымдастығының рухани, діни және экономикалық орталығына айналып отырғандығын айтады.

Жиында «ЕХРО-2017 – болашақ энергиясы» жобасы таныстырылып, көрме кешендері жайлы жан-жақты мәлімет беріледі және Астананың қазіргі мәртебесі мен деңгейі оған тарихи, саяси, экономикалық, мәдени, рухани, танымдық тұрғыдан алғанда зор жауапкершілік жүктейтіндігі баяндалады.

Дайындаған: Ербол Жұмабайұлы
Фото: shop-travel.kz
Қосылған күні: 30 маусым 2015, 18:33

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.