Египетте жүздеген көне саркофаг табылды

Египетте жүздеген көне саркофаг табылды
Фото: Instagram.com/ministry_tourism_antiquities

Каирдің оңтүстігінде орналасқан Саккара археологиялық орнында жүздеген көне жәдігерлер көпшілікке ұсынылды. Экспонаттар арасында 2500 жыл бұрынғы 250 табыт пен 150 қола мүсін бар. Бұл туралы Deutsche Welle жазды.

Табылған заттар ежелгі Мысыр астанасы Мемфиске қызмет еткен ежелгі жерлеу орны немесе қорым орнынан табылған.

Мысыр Туризм және көне жәдігерлер министрлігі Instagram желісінде бұл табылған "табылған мүсіндердің кейінгі дәуірдегі ең үлкен қоймасы" екенін айтты. Оның ішінде Анубис, Амун, Мин, Осирис, Исис, Нефертум, Бастет және Хатор сияқты құдайлардың мүсіндері табылғаны атап өтілді.

Посмотреть эту публикацию в Instagram

Публикация от Ministry Tourism & Antiquities (@ministry_tourism_antiquities)

Сондай-ақ, жерлеу рәсімдерінде қолданылатын заттармен бірге боялған ағаш табыттар да табылды. Табыттардың бірінің ішінен археологтар жақсы сақталған иероглифпен жазылған папирус тауып, одан әрі талдау үшін Каирдегі Мысыр мұражайына жіберілді.

Кейінгі табылған табыттар Гизаның Ұлы пирамидаларының жанында салынып жатқан және 2022 жылдың соңында ашылуы тиіс Үлкен Египет мұражайына жеткізіледі.

Бұған дейін мысырлық археологтар Ніл өзенінің жағасынан 110 бейіт тапқан болатын.

Т. Раушанұлы