Фермер 4500 жылдық мүсін тапты

Фермер Газа секторынан 4500 жыл бұрынғы ежелгі құдайдың тас мүсінін тапты. Бұл туралы WAFA ақпараттық агенттігі жазды.

Палестиналық ғалымдар оны ежелгі ханаандық сұлулық, махаббат және соғыс құдайы Анат деп анықтады. Газаның оңтүстігіндегі Хан-Юнис қаласынан келген фермер өз жерінде егістік жұмыстарын жүргізу кезінде құдайдың өте сирек кездесетін тас мүсінін тапты.

Ancient sculpture found by farmer in #Gaza
Palestinian farmer found a rare 4,500-year-old stone sculpture while working his land in Khan Yunis. The Ministry of Tourism and Antiquities said the limestone head is believed to represent the Canaanite goddess 'Anat'. pic.twitter.com/xmKv4nCi4A

— Fady Hanona (@fadehossam) April 26, 2022

"Біз оны кездейсоқ тауып алдық. Ол лас екен, сумен жудық. Оның асыл зат екенін түсіндік, бірақ мұндай үлкен археологиялық құндылыққа ие екенін білмедік", - дейді фермер Нидал Абу Эйд.

Мүсін сынық күйінде сақталған. Қазіргі уақытта оның биіктігі 22 сантиметр болатын басы ғана қазып алынған. Мүсіннің өзі әктастан жасалған. Мамандардың айтуынша, ол біздің дәуірімізге дейінгі 2500 жылдарға жатады.

A 4,500 year old sculpture was excavated in Gaza this week. It's believed to be of a Canaanite woman named Anat who was regarded back then as a warrior-goddess.
In particular, Anat was regarded as the goddess of love and war; famous for her youthful vigour and ferocity in battle pic.twitter.com/tqNAnhJicM

— عائدون (@ghaxawi) April 26, 2022

Ханаандықтардың ең танымал құдайларының бірі – Анаттың мүсіні қазір Газадағы бірнеше мұражайлардың бірі ретінде қызмет ететін тарихи ғимарат Каср әл-Башаға қойылған.