Ғалымдар жер бетіндегі барша құс санын анықтады

Ғалымдар Жер бетіндегі барлық құс саны әр адамға шаққанда шамамен 6 құстан келетінін есептеді. Бұл есепке эму мен пингвин сияқты ұшпайтын құстарды да қосқан. Мұндай ақпаратты SciTechDaily хабарлады.

Аустралиядағы Жаңа Оңтүстік Уэльс Университетінің мәліметінше, қазір планетамызды шамамен 50 миллиард жабайы құс мекендейді. Ал қазір Жердегі адам саны – 8 миллиардқа жуық.

Зерттеу тобы құстардың таралуы мен олардың көп екені туралы нақты уақыт режиміндегі мәліметті беретін eBird онлайн-мәліметтер базасында тіркелген құстардың бір миллиардқа жуық бейнесін зерттеген. Планетаның 600 мыңнан астам қолданушысы 2010 жылдан 2019 жылға дейін құстарды бақылап, белгілі бір адамның қанаттыларды қай жерде және қашан көргенін тіркейді. Осы жазбалар арқылы ғалымдар қазіргі кезде тіршілік ететін құстардың 92 пайызы туралы мәліметтерді талдай алған. Зерттеушілердің пікірінше, қалған 8 пайызы сирек кездесетін құс түрлері.

Төрт түрлі құстың саны бір миллиардтан асады. Олар: үй торғайы, кәдімгі қараторғай, шағала және қарлығаш. Көптеген құстың саны аз. Мысалы, 1180 түрлі құстың саны 5 мыңға жетпейді және олар қорғауға алынған.

Зерттеу тобы алдағы уақытта қайта талдауды жоспарлап отыр. Осы жобаға қатысуға ниет білдірген кез келген адам eBird-те өз құсының бақылау аккаунтын жасай алады.

Бұған дейін Қазақстанда Таяу Шығыстағы соғысқа байланысты құстардың 150 түрі жоғалып кетуі мүмкін екені хабарланған болатын. Зерттеушілер құстардың қарулы қақтығыстар кезінде жойылатынын айтады. Бұрын Қазақстанда қанаттылардың түр-түрі болса, қазір оларды сирек кездестіресіз.