Көлемі футбол алаңындай астероид Жерге жақындап келеді

Көлемі футбол алаңындай астероид Жерге жақындап келеді
Фото: techno.24tv.ua

5 тамызда қауіпті 2009 PQ1 астероиды Жерден он бес миллион шақырым қашықтықта ұшып өтеді. Бұл туралы NASA ғарыш агенттігі хабарлады.

АҚШ ғарыш агенттігінің мәліметінше, астероидтің диаметрі 84 метрден 190 метрге дейін болуы мүмкін. Салыстыру үшін айтатын болсақ футбол алаңының орташа ұзындығы шамамен 100 метр.

Астероидтің Жерге жақындай алатын минималды қашықтығы 13,2 миллион шақырым болуы мүмкін, бұл 2009 PQ1 астероидының қаншалықты қауіпті астрономиялық нысан екенін көрсетеді.

Астероид 5 тамыз күні сағат 22: 35-те (Нұр-Сұлтан уақытымен) Жерге жақын қашықтықта ұшып өтетіні айтылған.

Айта кетейік 2009 PQ1 астероиды табылды 2009 жылы анықталған. Келесі жолы астероид Жерге жақын қашықтықта 2137 жылы ұшады.

Т. Раушанұлы