Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Денсаулық / Әкімдік "Алматыда жаппай менингит тарады" деген ақпаратты жоққа шығарды

Әкімдік "Алматыда жаппай менингит тарады" деген ақпаратты жоққа шығарды

Әкімдік

Миқұрт (менингит) — бұл халық арасында көп таралған дерттiң бiрi, өте қатерлі ми ауруы, мұнымен көбінесе балалар ауырады. Ол басқа аурулардың, шешек, мысқыл (шықшыт безінің қабынуы), көкжөтел немесе құлақтың қабынуы сияқты аурулардың асқынуынан болады. Туберкулезбен ауыратын анадан туған балалар кейде туғаннан кейінгі алғашқы айларда туберкулез менингитімен ауырады. 

Жақында "Алматыда жаппай менингит таралды" деген ақпарат шыққан еді. Мұның шындыққа сай келмейтін жалған ақпарат екенін 
 қалалық қоғамдық денсаулық сақтау басқармасы растады.

Әлеуметтік желіде балабақшаларда менингит жұқпасы тарағаны туралы хабарлама жарияланды. Қалалық қоғамдық денсаулық сақтау басқармасы дабыл қағуға ешқандай негіз жоқ екенін айтады.

Жыл басынан бері алматылық емханаларға 1470 адам менингит жұқпасы деген күдікпен қаралды. Олардың жартысында диагноз расталған жоқ. Бұл жұқпадан биыл адам өлімі тіркелген жоқ.

Оқи отырыңыз: Менингит несімен қауіпті және одан қалай қорғану керек?

Басқарма басшысының міндетін атқарушы Жанар Мадееваның айтуынша, балалар арасында көбінесе энтервирустық этиологиядан басталған менингит жұқпасы тіркелген.

Мамандар осыдан 2 жыл бұрын Алматыда 4 адамның өмірін жалмаған менингококк жұқпасы биыл тіркелмегенін айтты.

“Балаларда орта немесе жеңіл деңгейлі ауру болған. Алайда, балалардың барлығы дерлік толық жазылып кетті. Менингит жұқпасы бойынша эпидемиологиялық ахуал тұрақты. Алматыда негізінен сірлі менингит жиі кездеседі. Бұл жұқпа адам өліміне әкелмейді. Оның менингококктан қандай ерекшелігі бар? Сірлі менингит көбінесе суықтаудан, тұмау тигеннен кейін пайда болады”, - дейді Жанар Мадеева.

Алматы қалалық балаларға арналған жұқпалы аурулар ауруханасының бас дәрігері Ержан Сералиннің айтуынша, бұл дертті кез келген қоздырғыш – вирус, бактерия, зең тағы басқа патогендер туғызуы мүмкін.

“Кез келген менингит менингококк жұқпасы бола бермейді. Менингококк жұқпасынан болған менингит тез асқынады. Бірнеше сағат ішінде адам өліп кетуі де мүмкін. Егер дер кезінде науқасқа көмек көрсетілсе, жазылып кетеді. Іріңді менингиттен гөрі сірлі менигит анағұрлым жеңіл өтеді. Бірақ науқастар міндетті түрде ауруханаға жатуы тиіс. Айналасы 10 күнде науқастар толық айығып кетеді”, - деді Ержан Сералин.

Айта кету керек, 18 қазанда Қазақстанның бас санитар дәрігері Жандарбек Бекшин менингит жұқпасы бойынша эпидемиологиялық ахуал туралы айтқан болатын.

Оқи отырыңыз: Менингит (миқұрты) жайлы сенуге болмайтын 9 әпсана

Оның мәлімдеуінше, қазір Қазақстанда менингококк инфекциясын жұқтыру бойынша 50 жағдай тіркелді. Өткен жылы 83 еді. Яғни, бүгінгі күні менингит жұқтыру деңгейі 47 пайызға азайды.

Былтыр республика бойынша менингококк жұқпасынан 13 адам көз жұмған. Алматыда 5 адам көз жұмды. Оның екеуі - 5 жасқа дейінгі балалар. Екі баланың анасы аурудың алғашқы белгілері басталғанда жекеменшік емханадағы өздерінің жеке дәрігерлерінен кеңес алғаны белгілі болды. Сырқаттанғандардың бірі - 27 жастағы өрт сөндіруші Олжас Сүлейменовтың ауруы небәрі 12 сағаттың ішінде асқынып, кенеттен көз жұмған. Жалпы, Алматы облысында 4 адам көз жұмды.

Айта кетейік, біз "Менингит несімен қауіпті және одан қалай қорғану керек?" атты мақаламызда мениингиттің белгілері, шығу тарихы, мамандардың пікірі және балаларға жұқпау үшін қалай қорғану туралы айтқан болатынбыз.

0
Рейтинг: +0

Фото: vinnitsa.to
Қосылған күні: 06 желтоқсан 2019, 10:21

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.