Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Денсаулық / Жалаңаяқ жүрудің пайдасы

Жалаңаяқ жүрудің пайдасы

Жалаңаяқ жүрудің пайдасы

Жаз маусымында ағзаны шынықтыруға мүмкіндік мол.  Осы орайда сәтін салған жерде бір ауық жалаңаяқ жүру жайын да ұмытпау керек. Өйткені табанда  ағзаның ішкі жүйе мүшелерімен тікелей байланыстағы нүктелер көп. Оларға сырттай әсер ету арқылы денсаулықты жақсартуға болады.

Табандағы рефлекстік нүк­телердің арқасында ағза температурасы қалыпта ұсталады. Ғалымдар табанды мұздай суға батырғанда мұрындағы кілегей қабат тітіркеніп, оның температурасы бірнеше градус­қа төмендейтініне көз жет­кізген. Яғни суық аяқтан өтсе болды, ол тыныс жолдары арқылы білінетіні содан екен. Оның суықтауы шынықпаған адамдарда ағзаға түскен вирустардың күшейіп кетуін туындатады. (Дене температурасы қа­лыпты жағдайда мұндай вирус­тар бір-екі күнде өліп қалады).

Рефлексотерапевттердің па­йы­мынша, табанның ішкі ағза мүшелеріне байланысы мынадай:

- Табанның башпайлар жаққа жақын орта тұсы өкпемен байланысты;

- Табанның өз орта тұсы – жүрекпен;

- Үлкен башпайдың басталар тұсы – мимен және психикамен;

- Екінші башпайдың басталар тұсы омыртқамен, тірек-қимыл мүшелерімен;

- Үшінші башпай түбі – қан айналым жүйесімен, бұлшық еттермен;

- Төртінші башпай түбі асқазан және ұйқы безімен;

- Шынашақ түбі – бүйрекпен, несеп-жыныс жүйесімен;

- Табанның сыртқы жағының орта тұсы – өт қабымен;

- Табанның ішкі жоғарғы бе­тінің ортасы – бауырмен байланысты.

Осыларға қажетіне қарай жылумен, массажбен әсер етуге болады, оның денсаулыққа, көңіл-күйге әсері мол. Әсіресе ыстық, мұздай құм, қиыршық тас, кілемше үстімен жүрген пайдалы. Асфальт, қыр, шлак, шөп, қылқанжапырақты ағаш жапырағы инелері, мұз да осындай әсер береді. Массажды қажетіне, мақсатына қарай жасау керек.

Ал оны сергіту, босаңсыту, қоздыру, тыныштандыру сияқты мақсаттарда жасайды. Әрбір шынығудан соң  аяқты бөлме температурасындағы сумен мұқият тазалап жуу керек. Ал шынығуды бірден емес, біртіндеп бастаған, үнемі жүргізіп отырған абзал. Ыстық пен суықты кезек қолдану ағзаның қоршаған ортаның жайсыз әсерлерге бейімділігін арттырады.

Ал мұндай шынығуды жаз маусымының басында бастаған абзал. Ол үшін маусым – шілдеде үйде жалаңаяқ жүруді әдет ету керек. Күніне екі мәрте 8-10 градустық суға аяқты салып отыру керек. Мүмкін болса, 50 минут ылғал құмды басып жүрген жақсы.

Ал тамыз – қыркүйек айларында осындай шынығуды жалғастыра отырып, арасында қарағай бүршігі мен жапырағының үстімен аздап жүріп тұрған жақсы.

Қазан – қарашада аяқты үйде ауыспалы ваннаға салған дұрыс. Сөйтіп бұрынғыдай жалаңаяқ жүргенді жалғастыру керек.

Желтоқсан – ақпан аралығында да жаттығу жалғасады. Арасында қақ суын пайдаланып ванна жасаңыз. Жылы бөлмеде аяқты қармен ысқылап тұру керек.

Наурыз айында да шынығу жоғарыдағыдай тәртіппен жалғасады. Тітіркендіру үшін қылқанжапырақты ағаш жапырақ-бүршігін, қар, тас, құм қолданған дұрыс.

Осының бәрі ағзаға жайлы әсер етеді, емдеп-сауықтыруда маңызды роль атқарады.

zamana.kz

0
Рейтинг: +0

Дайындаған: Әсел Асанова
Фото: rbc.ru/
Қосылған күні: 16 маусым 2018, 20:48

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.