Мойын ауруынан құтылыңыз

Көп жағдайда ауыру сезімі туралы сөз қозғалғанда алдын алу оны емдеуге қарағанда оңай әрі арзан болып келетіні айтылады. Бұл рас, әрине, кей ауру түрлерін, мысалы, жас үлкеюімен байланысты ауруларды бақылау мүмкін емес. Бір жағынан, қауіпті азайтатын көптеген заттар бар. Алдымен, қандай қалыпта ұйықтайтыныңызға анализ жасап, оның мойын бөлігіне қандай әсер беретінін анықтап көрейік.

Мойын ауруы кезінде қандай қалыпта ұйықтаған жөн?

Мойын ауруы екі күйде жеңіл көтеріледі: бір қырымен немесе арқамен ұйықтау. Егер арқамен ұйықтасаңыз, мойынның табиғи иілімін ұстап тұру үшін дөңгелектеу жастық таңдаңыз. Сонымен қатар, басыңызды амортизациялайтын жайпақ жастық қолдануға болады. Бірақ жайпақ жастықтың тысына шағын валик салып қойыңыз немесе ішінде мойынға арналған сүйеніші бар арнайы жастық алыңыз.

Бір қырымен және арқамен ұйықтайтындарға қосымша бірнеше кеңес ұсынамыз:

- Құс жүнінен жасалған жастық қолданып көріңіз, себебі ол денеңіздің пішінін жеңіл қабылдайды. Алайда, уақыт өте мұндай жастықтар жарамсыз бола түседі. Сондықтан, оны жылына бір рет ауыстырып тұрған жөн.

- Келесі нұсқа – бас пен мойын пішінін есіне сақтайтын көбікті толтырмасы бар дәстүрлі жастық. Мұндай жастық өндірушілерінің айтуынша, ол омыртқаның дұрыс түзелуіне ықпал етеді.

- Өте биік немесе қатты жастықтарды қолданбауға тырысыңыз. Олар түні бойы мойын пішінін өзгертіп, таңертең ұйқыдан оянғанда қандай да бір ауру немесе қатайып қалғандай сезім болады. 

- Егер бір қырымен ұйықтасаңыз, арқаңызды тік ұстаңыз.

- Ұшақпен, пойызбен немесе көлікпен саяхаттау кезінде және теледидар қарау кезінде жай артқа шалқая салмай, таға секілді жастық қолданыңыз. Ол мойныңызды ұстап тұруға көмектеседі және ұйықтап кеткен жағдайда басыңыздың бір жаққа қисайып кетуінен қорғайды.

- Ішпен жату омыртқа жотасына зиянын тигізеді, себебі арқа бүгіледі және мойын бір жаққа бұрылады. Қандай қалыпта ұйықтайтыныңыз жас кезіңізден қалыптасады. Бұл әдетті өзгерту қиынға соқса да, тырысып көру керек.