Жазда не жеу керек?

12 маусым 2013, 11:11

Жаз мезгілінде көптеген ағза иелерінің тәбеті төмендейді. Тіпті кейде ас қорыту да нашар жұмыс жасайды.

Жаз – дәруменге бай жемістер мен көкөністерге құмарлана тоюдың уақыты. Денсаулығыңыздың сыр бермегенін қалап, қосымша дәруменмен байып алғыңыз келсе, біз ұсынған кеңестерге көңіл бөліңіз.

Жемістерді таңертең жеу керек. Жемістер жазда тез бұзылады. Оны көп сақтаудың қажеті шамалы. Оның үстіне жемістерді ұйықтар алдында немесе тамақтанып болған соң жеуден бас тартыңыз. Ал көкөністер жемістерге қарағанда, көпке шыдайды. Сондықтан оған келгенде, аса уақыт таңдап жатудың маңызы онша бола қоймас.

Жиі-жиі аскөк жеп тұрыңыз. Егер көкөністерден салат жасасаңыз, оған майонез емес, май қосыңыз.

Алыс шетелден әкелінген жемістер және көкөністермен тамақтанарда аздап күмән туғызған жөн. Оларды дүкеннен сатып аларда мұқият болу керек.

Мамыр айында ерте піскен құлпынай мен маусым болмай сатылымға шығып үлгерген қарбыздан бас тартыңыз.

Шамаңыздың келгенінше еттен және саңырауқұлақтан жасалған тағамдармен уақытша болса да қоштаса тұрыңыз. Тым болмаса мұндай тағамды оқта-текте ғана жеп тұрыңыз. Әйтеуір, күндегіден санын азайтсаңыз болғаны. Жаз мезгілінде тағамдар тез бұзылғыш келеді. Сондықтан қанша тоңазытқыштың төрінен орын алса да, ет пен саңырауқұлаққа аса сенім жоқ. Кез келген өнімнің ақталу мерзіміне мән беріңіз.

Өнімдерді қолдану, сақтау және тасымалдау

Жазда тағамдарды мейлінше көп уақытқа қалдырмай жеп отырған дұрыс. Бөлме жағдайында тағамды ауру туындататын бактерияның жаулап алуына тіпті екі сағат та жеткілікті.

Тоңазытқышыңыздың температурасын бірнеше градусқа төмендетіңіз. Осылай да өнімдерді ойдағыдай сақтауға болады. Тоңазытқышты әр апта сайын жуып-тазалап тұрыңыз. Ішінде уақыты өткен және иістенген не бүлінген өнімдер болса, бірден қоқысқа лақтырыңыз. Олардың басқа да таза өнімдерге зиян келтіргенін күтпеңіз. Ет пен жұмыртқаны сатып ала салысымен-ақ түгел жуып алыңыз. Көкөністер мен жемістерде мамандар сабынмен жууға да кеңес беріп отыр. Тек сабыннан кейін оны мұқият таза сумен шайып пайдаланыңыз. Бәріміздің атын естігеннен-ақ аузымыздан суымыз құритын құлпынайдың өзін жер алдында 5-7 минут суда ұстау керек. Тіпті суды қайта төгіп, қайта шайып алудың да ешқандай артықтығы жоқ.

Жаз мезгілінде өнімдер мен тағамдарды тасымалдау үшін аса жауапкершілік керек. Өйткені олар бір жерден екінші жерге жеткенше бүлініп үлгереді. Сондықтан бәріңізге термопакет сатып алуға кеңес береміз.

Айтпақшы, қарапайым болса да айтайық: тамақтанар алдында міндетті түрде қолыңызды сабындап жуып алыңыз. Егер жақын маңда су болмаса, спиртті залалсыздандырушы спрей қолданыңыз.

Жаз мезгілінде ағза көп мөлшерде сұйықтықтан айрылады. Мұндайда суық су сіздің ыстығыңызды басуы мүмкін, бірақ шөліңізді баспайды. Ыстық күнде ыстық көк шай ғана шөл қандырады.

Сонымен қатар мұндайда алмұрт дәмді және қышқыл дәмді сусын ішсеңіз де болады. Онымен қоса, зімбір шайы мен минералды сусын ұсына аламыз.

Ыстық күнде ішпеу керек сусындар: