Брэд Питтің 50 жыл бойы өзгеріске ұшыраған стилі

15 қыркүйек 2014, 19:27

Әлем Анджелина Джоли мен Брэд Питтің 23 тамызда Chateau Miraval сарайында өткен тойына қуануда. Қалыңдық дизайнер Луиджи Масси тіккен "Atelier Versace" көйлегін киді. Той суреттерін "HELLO!" және "People" журналдары 5 миллион АҚШ долларына сатып алды. Бар назар Анджелинаға ауып кетіп, Брэд шетте қалып қойған сияқты. Тек Анджелина емес, Брэдтің де бойынан 50 жыл ішінде үлкен өзгерістерді байқауға болады.

Уилльям Брэдли Питт 1963 жылдың 18 желтоқсанында Оклахома штатының Шони елді мекенінде туылған. Жоғарғы сыныпта оқып жүргенінде Питт спортпен белсенді түрде айналысып, командада гольф, теннис ойнайды. Мұнымен қатар театр қойылымында түрлі рөл сомадаған. 1982 жылы мектепті бітірген соң Миссури университетінің журналистика және жарнама мамандығын меңгереді. Алайда Питт бұл өз жолы емес екенін сезіп, диплом алуға 2 апта қалған кезде барлығын да тастап, Лос-Анджелеске кетіп қалады. Ол жерден бірден Лондонға аттанып, актерлік шеберлікке байланысты сабақ алады. Және аш қалмас үшін қатарынан бірнеше жұмыс істейді. Мұнымен қатар ол балапан болып киініп алып, El Pollo Loco мейрамханасына адамдарды шақыратын болған. Ал енді оның 50 жыл бойы өзгеріске ұшыраған стилін байқап көріңіздер.