Оқи отырыңыз

Өзі білмесе де елге ақыл айту – қазақтың қасиетті өнері.

Автор: Оралхан Бөкей

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Шаңырақ / Жігіт тапқаннан кейін ата-анаң қарсы болса...

Жігіт тапқаннан кейін ата-анаң қарсы болса...

Жігіт тапқаннан кейін ата-анаң қарсы болса...

Әке-шешесі мен сүйген жігіті ортасындағы талғам көптеген қыздардың басынан өткен. Әрі бұл талғамда қиналғандары да белгілі.

Ата-анасын таңдаса сүйген жігітін қия алмайды, ал жігітіне таңдау жасаса ата-анасының жүрегін жаралап, көңілдерін қалдырудан, опасыз ұрпақ атанудан қорқады.

Бірақ осындай талғам басына түскен бойжеткендердің басым көбі өз ата-анасын таңдайды екен.

Ендеше мұндай жағдай басына түскен аруларымызға психолог мамандар қандай кеңес айтады?

Мамандардың пікірінше, бұлай талғам жасау қате. Себебі, біріншіден, салыстырмалы түрде айтқанда әке-шешеміздің бізбен бірге бола алатын уақыты қысқа. Тіпті ата-анаңның айтқанын тыңдап басқа бір жігітпен тұрмыс құрсаң да, бәрібір ата-анаңның қасынан алыстап кетесің. Ал, олар табиғат заңы, уақыт заңымен қартайып, өз жайлы орындарын табатын болады. Ал сүйген жар өле-өлгенше сенің қасыңда, өзіңмен бірге болатын адам. Сондықтан, талғамды дұрыс жасау керек.

Екіншіден, шындығын айтар болсақ, ата-анамыздың не үшін бізді осылай талғам жасауға итермелейтінін білеміз. Бірақ қолбасшы бұйрығының барлығы дұрыс болуы екіталай, яғни, ата-анаңның жақсы көңілімен қате талғам жасауы да әбден мүмкін. Жігітің қандай адам, екеуің бірге өмір сүре аласыңдар ма, бір-біріңе үйлесім табуларың қиын ба, ол жағы сенің ата-анаңа емес, қайта саған ғана мәлім. Өйткені, онымен бірге талай күніңді өткіздің, болашақта да өткізуді ойлап жүрсің, ол сенің қасыңда. Әке-шешеңнің оған көңілінің толу-толмауы маңызды емес, маңыздысы сен, сенің оған көңіліңнің толу-толмауы.

Үшіншіден, ата-ананың сендердің некелеріңе қосылмауының мынадай үш себебі болады:

1) Аралық тым шалғай. Қызының алыс жерге барып жәбір-жапа шегуінен алаңдайды. Оның үстіне төркіндеп келуі де қолайсыз. Енді ойланып көріңіз, бұл қай заман, қандай дәуір. «Айшылық алыс жерлерден, жылдам хабар алғызған» заман емес пе? Ал, жәбір-жапа көру жағы тіптен мүмкін емес. Сенің алыс жерге ұзатылуың сенің қиналып, нашар өмір сүретініңнен дерек бермейді. Ендеше көрші ауылған ұзатылсам бақытты бола аламын деп ойлайсың ба? Ең бастысы өмірлік жар болатын адамды дұрыс таңдау.

2) Барған жері өте кедей. Байлық бар жердің бәрінде бақыт болады деу қате түсінік. Кедей адамға тұрмысқа шығу көңілсіз тұрмыстан көз ашпау деп қарау дұрыс па? Тәнің сау, жаның таза, ақша мен атақ, мүддені қайырып тастап қасыңда сүйген жарың, жайлы-жылы тұрағың, күн көруге жетерлік ақшаң, шын пейілді достарың болса бұдан артық не керек? Күндер өте келе байлық та, өзгесі де еңбекпен келсе оның қадірі арта бермей ме?! Жігіт адамның саған дейін бай-кедей болуы маңызды емес, маңыздысы оның ақша табатын қабілетінің, талабының, еңбекқорлығының болу-болмауында. Барған ауылың бай болса, бірақ жігітіңнің қолынан түк келмейтін арамтамақ болса, ол байлық та бір күні таусылады. Сонда не істейсің?

3) Ат-атағы жоқ, адамдары нашар. Ат пен атақ жасы келген кісілердің өз көзқарастары. Әке-шешесінің атағы шықпағанына олардың баласы кінәлі емес. Бұлай пейіл таныту теңсіздік. Әкесі қылмыскер болса баласы да сол атты мәңгі көтеріп жүруі керек деген ұғым жоқ. Олардың бұл жағдайға қалай душар болғанын түсінуге тырысу керек. Ал, жігіттің өз басы шынымен де арақ пен құмарға салынған ұр да жық біреу болса одан кері айналу сенің де борышың.

Сүйген жан жалғыз. Егер одан осы себептермен қол үзсең мәңгі өкініш арқалауың мүмкін. Жақсы жігіттер көп, бірақ, дәл ол сияқты жанды табуың мүмкін емес. Егер сен тек ата-анаңның көңілін ауыртпау үшін, опасыз қыз атанбау үшін сол жігітпен қоштаспақ болсаң, бұл талғамның дұрыс емес екенін үлкендерге түсіндіру керек. Сәтсіз махаббаттың жігіт жүрегіне де қанжардай қадалып, оның да өмірін күлге айналдыруың мүмкін.

Психологиялық сынақтар жайлы мынадай бір әңгіме бар. Психолог студент қызды (күйеуге шыққан) тақтаға шығарады. Одан өмірдегі ең жақын адамдарының аттарын жазуды сұрайды. Қыз бәрін тізіп жазады. Әлемде үлкен апат болып бұл адамдардан рет-ретімен айрылудың кезі келеді. Енді қыз сол ретті таңдауы керек. Қыз бәрін бір-бірлеп өшіріп шығады да, ең соңында ата-анасы мен күйеуі ғана қалады. Ол жылап тұрып күйеуін ғана қалдырып, ата-анасын да өшіреді.

Ұстазы одан: «Ата-анаң саған өмір сыйлады, сені мәпелеп бағып-қақты, бірақ оларды сақтап қалмағаның қалай?» деп сұрайды.

Қыз: «Дұрыс айтасыз, менің оларға деген махаббатым шексіз, бірақ, менің қасымда менімен мәңгі бірге болатын адам тек қана менің күйеуім» деп жауап берген.

Әйелдің күйеуге шығуы оның екінші рет өмірге келуі деген сөз бар. Бірінші өмірге келуді сенің тағдырың шешті, ал екінші рет өмірге келуді сен өз қалауыңмен шеше аласың. Ал осы өмірге талпыну, оның жарқын жағына қол созу тек сенің дұрыс шешім жасауыңмен ғана байланысты. Дұрыс талдау жасай алмасаң екінші өмірге келген сәтіңде қараңғы дүниеде қалып қоюың да әбден мүмкін.

Өзіңді сүйетін адамдардан айрылып қалма және өзің сүйетін адамдарды тастап кетпе.

Дайындаған: Сұңқар Ақбоз

Сурет: wechat.com

11074 14
Рейтинг: +5

Дайындаған: Meyirzhan Auelkhan
Қосылған күні: 10 желтоқсан 2013, 12:01
Пікірлер
+0
10 желтоқсан 2013, 13:04

Пойызда жасы қырықтардағы ерлі-зайыптыны жолықтырдым. Жалғыз қыздары Америкада оқып, сол жақта америкалыққа күйеуге шығып қалып қойған екен. Қыздарын көрмегендеріне 4 жыл болыпты. Осы төрт жылдан кейін енді ғана көрмек боп Алматыға бара жатқан беттері екен. Олардан "Қалайша бұған ерік бердіңіздер? Жалғыз қыздарыңыз болса" деп сұрадым. Олар бірауыздан былай деді: "Біз оны өсірдік, өмірдегі парызымызды өтеп, қияға қондырдық. Қайда жүрсе де, бақытты болғаны ғана біз үшін маңызды". Скайппен сөйлесіп тұрады екен. Өмірде осындай да оқиғалар бар. Ал жеке пікіріме келсем, ешқандай ата-ана баласының бақытсыз болғанын қаламайды. Ешбір адам бақытсыз болам деп шаңырақ құрмайды. Бұл - өмір. Бақытты бола алмай жатсаң, оған ата-анаңның да, басқаның да кінәсі жоқ. Мақалада дұрыс айтылған, қазір бұрынғы заман емес. Ұшақпен ұшып бара салуыңа болады. Ұшып келе салуыңа болады дегендей. Тек жағдайыңды жасай алсаң болғаны...

+0
10 желтоқсан 2013, 17:19

+0
10 желтоқсан 2013, 13:06

Ата-ананы, жалпы үлкендерді тыңдау керек дер едім. :x

+0
10 желтоқсан 2013, 13:12

"Жігіт адамның саған дейін бай-кедей болуы маңызды емес, маңыздысы оның ақша табатын қабілетінің, талабының, еңбекқорлығының болу-болмауында." менің қағидам :lol:

+0
10 желтоқсан 2013, 13:13

Баланың бағын байламау керек, бірін-бірі сүйсе байлық та, бақ та болып жатар

+0
10 желтоқсан 2013, 13:27

"Бақытты болғың келсе, бол!" Бейсен Құранбектің сөзі еді, өзіме ұнадйы :)

+0
10 желтоқсан 2013, 14:52

Қиын расымен, бірақ менің ата-анам бұлай істемеген бұрын қазір білмейм

+0
10 желтоқсан 2013, 16:30

керемет жазба. Біраз ойландырып тастады. Буынсыз жерге пышақ ұрғандай болды ғой. Әке-шешесінің атағы шықпағанына олардың баласы кінәлі емес мына ой ұнады маған. :shock:

+0
10 желтоқсан 2013, 16:40

ия, осыны түсінетін қыздар болсағой шіркін

+0
10 желтоқсан 2013, 16:41

Ата ананың айтқанын тыңдау керек, бір білгені бар шығар ;) . Өзім анамның айтқанынан ассам, міндетті түрде пәлеге душар боламын.

+0
10 желтоқсан 2013, 17:28

Жақында ғана Хабар телеарнасынан көрген сериал үзіндісі осыған сәйкес келед. Байдын қызы мен жарлның баласы кездесіп жүреді. Қыз бар жоғы 15 те екен. Қыздың ата-анасы олардың жүреуіне мүлде қарсын. Әлгі жігіт бірде қыздың үйіне барып, қызыдың ата-анасынан алдынан өтпекші болад. Бірақ қыздың ата-анасы қуып шығады. Қыз ойланбастан жігіттің үйіне қашып барад. Қыздың ата-анасы қызны тауып алып кетеді. Артынан екуі қол ұстасып дәрі ішеді. Бірақ сол кезде жігіттің анасы келіп оларды құтқарады. Осыдан кейін қыздың ата-анасы оларғ мектеп бітіргеннен соң үйленуге рұхсатын береді. Мұнда мен ине айтпақ болдым, пост аастына жазылған пікірдің басып көпшілігі ата-анаға салып отыр. Негізі жжар өзіңдікі, өзің таңдағаның дұрыс па еді деймін. Жігітті немесе қызды ата-анаңыздың талғамымен емес, өзіңіздің ерекше ұнайтын талғамыңызға қарай таңдаңыздар!

+0
11 желтоқсан 2013, 10:37

топас сериалдың тағы бір құрбаны. осындай топас сериал, кинолардың әсерінен қаншама жас сана бұзылып жатыр.

+0
10 желтоқсан 2013, 20:01

мен ата-анама, әсіресе, әкеме жігітімнің барын, оның ата-анасымен танысқанымды айтуға батылым жетпейді. Анам түсінер, әкеме жеткізуге қымсынам. Жасым 20-ға таяп қалды,жігітім "үйленейік" деп жүр, ал мен қарсымын. Себебі, ата-анама жеткізе алмаймын ол хабарды. :(

+0
10 желтоқсан 2013, 20:10

Бір рет ата-анамды таңдадым. Әкемнің бір ауыз сөзі маған заң. Осы жолы көремін не дер екенін. Айтқанынан шықпаймын, өкінбеймін де.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл, 13 маусым

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

Қайсар До Бон Сун #1
Қайсар До Бон Сун #1

До Бон Сун – ерекше қыз.Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық...