Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол МОЛДАЖАН

Статус: Арнайы жобалар директоры

Материал жіберу БЛОГ ЖАЗУ
Негізгі / Бойжеткен / Психология / Ана баулыған бала епті

Ана баулыған бала епті

Ана баулыған бала епті

Бала естігенін емес, көргенінен сабақ алады. Көп жағдайда адамдар отбасында дұрыс тәрбие көрмегендіктен, үлкен өмірге дайындықсыз барады. Өйткені олар өздері үшін басқа біреудің шешім қабылдайтынына әбден төселіп қалған. Өмірлерінде өздері шешім қабылдауы тиіс кез келгенде қатты қиналады. Сол себепті баланың өз қиындығын өзі шешіп үйренуіне жағдай жасауымыз керек. Есейген сайын жауапкершілік те арта түсуі керек.

1. Қиындықты балаңыздың орнына емес, бірге шешіңіздер. Көрші орыс халқы бесіктен белі шықпаған баласына таңдау жасатады. Мұны дүкенде тұрған кезде сан рет байқаған шығарсыз. Жастайынан таңдау жасап үйренген бала есейе келе ақ пен қараның парқын оңай ажыратады. 

2. Оған дайын жауап ұсынбас бұрын, сұрақ қойыңыз. Осылайша оны сұрақтың жауабын іздеуге үйретесіз. «Қалай ойлайсың қазір не нәрсе дұрыс емес?», «Бұл ситуацияға өзгеріс енгізуіміз үшін не істеуіміз керек?», «Қалай ойлайсың бұл адамның бұлай әрекет жасауына не себеп болды?» сынды сұрақтарды жиі қойыңыз. Балаңыздың жауабы қандай болса да, біреудің таңған пікірінен әлдеқайда жақсы.

3. Ескертуді ойынға айналдырыңыз. Баланы қате әрекеті үшін жазғырудың қажеті жоқ. Бар болғаны жақсылық пен жамандық тақырыбында ойлануға жағдай жасаңыз. Оны сүйікті ойыншықтарының немесе кітаптардың көмегімен жүзеге асыруға болады. Бала ойдан шығарылған сюжеттің арқасында көп нәрсе үйренеді.

4. Баланың сәтсіздіктерін сабырмен қабыл алыңыз. Әдетте бірден ұрысып, кейде қол көтереміз. Егер осылай жалғаса беретін болса, бала көп ұзамай бізбен сырласуды, қиындығымен бөлісуді доғарады. 

5. Қатемен жұмыс жасауына мүмкіндік беріңіз. Талабы жоғары ұстазы немесе орынсыз күле беретін сыныптасы ұнамайтын кездер болады. Әдетте ата-аналар мұндай жағдайда баланы басқа сыныпқа ауыстыруға асығады. Алайда балаңыздың үлкен өмірде бұдан асқан қиындыққа тап болатынын біліңіз. Қоғамда түрлі адаммен араласуына тура келеді. Осыған орай, бала өз бойында сабырлық, қырағылық, байқағыштық сынды қасиеттерді жастайынан тәрбиелеуі тиіс.

6. Арасында жазалаңыз. Кез келген адам өз қателіктері үшін жауап бергені абзал. Сол кезде істі бастамас бұрын нәтижесін ойлайды. 

7. Балаңызға жауапкершілікті мойнына алуына жағдай жасаңыз. Бала қалаған ойыншығын немесе жоғарғы орнын таңдап қана қоймай, ересектердің де мәселесіне араласа алады. Біз оларға сенім артқан сайын, олар жауапкершілікті сезінеді. Осылайша жауапкершілік пен көшбасшылық қасиеттерге ие болады.

Баланы үнемі қамқорлыққа алып, асты-үстіне түсудің қажеті жоқ. Әр адам — өз алдына қайталанбас тұлға. Ата-аналар өз кезегінде кеңес айтып, тек дұрыс жолға бағыттап отыруы тиіс.

Дайындаған: Қарлыға Бүйенбай
Фото: Баурджан Бисмильдин
Қосылған күні: 27 мамыр 2015, 11:23

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.