Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Өзгенің пікіріне қаншалықты тәуелдісіз?

Өзгенің пікіріне қаншалықты тәуелдісіз?

Өзгенің пікіріне қаншалықты тәуелдісіз?

Қаншалықты санаспайтын адам болсаңыз да, өзгенің, сырт көздің пікір, сыны сіз үшін әсер етпей қоймайды. Ал егер оған үлкен мән берсеңіз, тіпті өміріңізді де өзгертесіз. Адам баласы әр кезде, әр жерде өзінің сыйлы, құрметті болғанын қалайды. Бірақ бәріне бірдей жағу мүмкін бе?

Бастысы – өзгенің пікірін тыңдаңыз, бірақ оған үлкен мән берудің қажеті жоқ. Осымен мақаламызды аяқтауға да болатын сияқты. Бірақ мәселенің күрмеуі оңай шешілмейтінін сіз бен біз біліп отырмыз.

Адамдар сіздің әрбір ісіңізге соншалықты мән беріп қарай бермейді

Сіздің айналаңыздағы адамдар өз істерімен әуре. Өз ойлағандарын жүзеге асырып, мақсатына қол жеткізу үшін жүр. Әрине, олардың өз өмірі бар және оларға сіздің өміріңіз тек екінші кезекте ғана маңызды бола алады. Ал егер өзгелермен бір көзқараста болып қалып жатсаңыз да, мойындаңыз, мұндай жағдай сирек болады емес пе? Мәселен, қандай киім киіп жүргеніңізге айналаңыздағы адамдар қаншалықты мән беріп жүр? Ал бірақ сіз күнде таңертең «Не киемін?» деген мәселеге тоқталасыз. Ойланып көріңіз, сіздің кірлеген жейдеңізді немесе сыныптасыңыз немесе әріптесіңіздің балағы кірлеп қалғанын жұрт қаншалықты байқап отыр? Бұған бірінші кезекте сіз ешқандай да уақыт жоғалтпай, тіпті бас та қатыруға келмейтін іс деп қарайсыз. Міне, айналаңыздағы адамдар да дәл осындай.

Бұл сізді толғандырмауы керек

Сіз туралы елдің не ойлайтыны – өздерінің ісі. Сіз туралы ойға сіздің араласуыңыз да қажет емес. Ал егер де өзіңіз туралы естіген өзгенің сөзі болса да, бір пікір сізді өзгертіп жібере алмайды. Бірақ сол пікірге қаншалықты мән берсеңіз, сіз соншалықты оның пікіріне тәуелді екеніңізді ғана көрсетесіз. Мұндай жағдай сізде болмауы керек емес пе еді? Сіз өзгенің пікірін басқара алмайсыз, сондықтан да өзгенің емес, өз басыңыздағы мәселелерді шешіп алғаныңыз орынды болмақ.

Сіз сияқты адам табылмайды

Иә, сіздей, дәл сіздей адамның табыла қоюы екіталай. Осыны мәңгіге есіңізде сақтаңыз. Қоршаған ортаның көзқарасы мен пікіріне қолайлы болуға асықпай, өз діттегеніңіз бойынша өмір сүріп көріңіз. Егер сіз өзгенің пікірімен, сіз туралы ойларымен өмір сүретін болсаңыз – өзіңізді жоғалтып аласыз. Есіңізде сақтайтын тағы бір жағдай – сіз жалғызсыз, олар – көп. Ақырында бәріне бірдей жағып болмайсыз. Қандай керемет адам болсаңыз да, сізге көңілі тартпайтын (іштей болса да) адамның болуы заңдылық. Бұл – өмір.

Оның орнына өз меніңізді жоғалтпай, бұл әлемде сіз сияқты адамның жоқтығын біліңіз. Бірегейлігіңізді жоғалтпаңыз. Өзіңізді құрметтеп үйреніңіз. Сонда ғана сізді өзгелер құрметтей бастайды.

Бірақ неліктен сіз оларды әлі де тыңдайсыз?

Өзге біреу сіздің пікіріңізге қарсы болса немесе ойыңызбен келісе алмаса өміріңіз өзгеріп кете ме? Сізге айтылған сынның әрқайсысына түзеле берсеңіз, әрине, құбыжыққа айналып кетуіңіз де мүмкін ғой? Себебі сын айтатындар өте көп. Ал орынды сын айтатындар тек ілуде біреу ғана емес пе еді? Сізге айтылған теріс көзқарастарға алып-ұшып қарсы шықпай, әліптің артын бағуға болатынын ескеріңіз. Сын айтқан адамның сөзі, делік, бір апта өткен соң соншалықты маңызды бола ма? Міне, осы мәселені қайта бір ойластырып көргеніңіз абзал.

Сіз телепат емессіз

Егер сіздің қандай да бір ғажайып, адам сенбейтін қасиеттеріңіз болмаса адамдардың ойына кіріп-шыға алмайтыныңыз белгілі. Сіз де, біз де қарапайым адамдармыз. Ал біз сияқты қарапайым адам өзгенің басында қандай ой-идеялар барын қайдан анықтап алмақпыз? Мұндағы басты проблема – өзгелер тек сіз жайлы ғана ойлайды деп алдануыңызда. Мұның қате екенін енді аңғарып отырған шығарсыз? Өзгенің пікірімен сол адамдардың ойын оқып қоя алатын адамдар-ақ санаса берсе қайтеді?

Осы күнмен өмір сүріңіз және өзіңіз туралы шындықты ойлаңыз

Әр күні қандай көңіл-күймен жүретініңіз тек сізге байланысты екенін де естен шығармаңыз. Егер қоғамның сіз туралы жаман ойлап қалмауы үшін алаңдап, уайымға салынатын болсаңыз сол күніңізді босқа жұмсадым дей беріңіз. Бұл туралы ойламаңыз. Сіз туралы жаман ойлап қалу уайымынан арылыңыз. Сонда ғана әр адамның өз пікірі болатынын және әр кәлладағы бір оймен санасу-санаспауды өзіңіз шешетін боласыз.

Сізді түсінетін адамдармен жақын болыңыз

Қолдау бәрімізге де керек. Сізді қиын сәттерде қолдап, қолтығыңыздан демей алатын адамдардың болғаны жақсы, әрине. Енді ойланып көріңіз: өзгелерге мойынсұнып, ойдағы арманыңыздан бас тартасыз ба, әлде өз арманыңызға қол жеткізу үшін бәріне де барасыз ба?

Өзгелер де сырт көздің пікірімен санасады

Тек қана сіз емес, өзгелер де сырт көздің пікірімен әрқашан да санасады. Соның ішінде сіздің де пікіріңізбен санасады. Мұндай жағдайда сізге сын айтқан адамның орнында болып көруіңіз керек. Сонда ғана түсіністік орын алмақ.  

Ал сіз өзгенің пікіріне тәуелдісіз бе?

Дайындаған: Ардақ Құлтай

Сурет: www.psyh.ru

Дайындаған: Ардақ Құлтай
Қосылған күні: 15 сәуір 2014, 16:00
Пікірлер
+0
15 сәуір 2014, 16:07

өзге деген де, өзім деген де қиын шауа болып тұр ғой. Өзгенің пікірімен де санасқан дұрыс

+0
15 сәуір 2014, 16:10

Әркімнің жеке позициясы болу керек. Бірақ менің ойым осындай деп баса беруге де болмайды. Айналаңдағы адамдармен санасқан жөн. Себебі әркімнің өзінің мүддесі болады. Мүдделер қарама-қайшы келіп жатса, арты жақсылыққа апармайды. Жұртты тыңдаған да дұрыс, бірақ олардың ойы осы екен деп ішкі пікірдің өзгеруі қате деп ойлаймын.

+0
15 сәуір 2014, 16:15

Сіз де қызық екенсіз, пікір өзінен-өзі өзгермейді, өзгелерді тыңдап, оны таразылаған соң өзгереді ғой...

+0
15 сәуір 2014, 16:17

Менің айтқым келгені ол емес еді. Кейбір адамдар өзі ақылды деп санайтын адамдардың сөзіне еш таразыға салмастан еріп кете барады. Осындай өз пікірі жоқ адамдарға қатысты айтқаным

+0
15 сәуір 2014, 16:20

Ал өз пікірі бола тұра,өзінің қателігін мойындайтын адамдарға көзқарасыңыз қандай?

+0
15 сәуір 2014, 16:20

Олардыкі де дұрыс емес деп ойлайсыз ба?

+0
15 сәуір 2014, 16:24

Әлбетте дұрыс емес. Біреу айтты екен деп қалайша пікір өзгеруі мүмкін? Онай мойындағыштарды шыншыл деп мойындамаймын

+0
15 сәуір 2014, 16:26

олардың да сіздің бұл пікіріңізге мән бермегені абзал сияқты

+0
15 сәуір 2014, 16:28

Біресе жұртты тыңдау керек дейсіз, біресе мән бермегені абзал дейсіз, сізді түсіне алмадым

+0
15 сәуір 2014, 16:34

Сіз ғой адамды шатастырып, отырған. Өзіңіз өзгелердің пікіріне еретіндерді жек көремін дейміз. Бірақ, өз пікіріңізді өзгелерге таңып қоюдың шебері сияқтысыз ғой

+0
15 сәуір 2014, 16:38

:) әңгімеміз осы жерден тығырыққа тіреліп тұрған сияқты. Сізбен пікір таластырсам, өз ойыма қарсы шыққан болам, пікір таластырмайын десем, сонда өзімнің пікірім бар деген сөз қайда қалады? Не істесем екен? :)

+0
15 сәуір 2014, 16:39

Сол себепті ойланып барып сөйлегеніміз абзал болар?

+0
15 сәуір 2014, 16:43

Зұлпыхар, басыңа сурет қой, әйтпесе басыңды алам)))

+0
15 сәуір 2014, 16:49

Қойдым Ескендір, соғыс іздеп жүрмісің? :)

+0
15 сәуір 2014, 16:13

Әдетте өзгелердің пікіріне қатты мән беретін адамдар "Жұрттың пікірі ешқандай да маңызды емес" деп айтады екен... Бір жақты тыңдап, тыңдамау емес... Тыңдауға лайық адамдардың пікірімен ғана санасып, өзгелеріне мүлдем мән бермеген жөн шығар... ал бір жақты мүлдем қарамаймын дейтіндей, Джунглиде өмір сүріп жатқан жоқпыз ғой ;)

+0
15 сәуір 2014, 17:08

осы сөз биылғы сөздеріңнің алды болды) мен де солай ойлаймын) бірақ, қазір өзімді тәрбиелеп, адамдардың ризалығын табу үшін өмір сүруден тиылып жүрмін, қолымнан келсе, керемет болар еді, ол күн де алыс емес деп ойлаймын :geek:

+0
15 сәуір 2014, 16:31

Бұрын еретін едім, қазір бәрібір болып кетті кімнің не айтатыны, кімнің не айтқаны. Ел не демейді.

+0
15 сәуір 2014, 16:42

көктем шөп жемейді

+0
15 сәуір 2014, 16:34

Құлақ асуға тұрарлық пікірлерге құлақ асам. Құдай сана берген соң жаман мен жақсыны айыра алатын қасиетіміз бар ғой.

+0
15 сәуір 2014, 16:40

Адам күні адаммен ғой. Бүгінгі электроника ғасырында бір адаммен шынайы, дос пейілде пікірлерсудің өзі бір ғанибет сияқты. Ешкім де сізге қастандық ойлағанынан пікір айтып, ақыл айтады деп ойламаймын.

+0
15 сәуір 2014, 16:42

Мен көбіре көп адамдардың мен туралы, әсіресе менің жүріс-тұрысым, бет-әлпетім, сөз сөйлесіме не айтатынына назар аудармаймын. Тек адамдық намысыма, ұстанған пинциптеріме тимесе болғаны. )

+0
15 сәуір 2014, 16:46

Сонда сіз нәзік жандысыз ба? :ugeek:

+0
15 сәуір 2014, 16:49

:idea: Бойжеткен, сізбен танысуға бола ма?

+0
15 сәуір 2014, 16:54

Ух, неткен батыл жігітсіз! :)

+0
15 сәуір 2014, 16:48

бұл бізді толғандырмайтын мәселе болуы тиіс, дұрыс еш бас ауыртпаған. Өз жолыңмен дұрыс жүріп отырсаң, ел сен турады не жаман нәрсе айта алар

+0
15 сәуір 2014, 16:49

Өзгелердің пікіріне қаншалықты тәуелді екенімді білмеймін, бірақ көңіліне тәп-тәуелдімін!

+0
15 сәуір 2014, 18:04

Иә, адамның көңілі деген қиын нәрсе. Сен қанша кешірім сұрағаныңмен көңілі бір қалса, баяғыдай болмайды. Ал өзгенің айтқаны да орынды болса санасуға тура келеді дер едім.

+0
15 сәуір 2014, 22:05

"Сізге айтылған сынның әрқайсысына түзеле берсеңіз, әрине, құбыжыққа айналып кетуіңіз де мүмкін ғой? Себебі сын айтатындар өте көп".Иә, өте орынды, әсіресе әртіс, әншілер үшін аса қажет кеңес екен.Осындай кеңестер лайым көп болғай, рахмет! :mrgreen:

+0
15 сәуір 2014, 22:54

Пікірге тәуелді болу адамның табиғатында бар сияқты. Егер ақылды адам болса оған берілмейді немесе таразылайды, ақымақ жан өзін танымайды, сондықан оған пікірге тәуелді болу салдары болады.

+0
16 сәуір 2014, 01:01

сұраймын кейде пікірлерін, білмейтінімді ақылдасып ойларын білемін. Бірақ соңында өз дегенімді істеймін, елдің ойына тәуелді емеспін :)

+0
17 сәуір 2014, 13:06

Озгенин пикирине ман бере берсен оз озине сенимдилигин алсиреп калады. Ести пикир де бар, кур далбаса да бар. Осынын барин сузгиден откизу оз колымызда

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.