Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Жұмыстан сын естісеңіз...

Жұмыстан сын естісеңіз...

Жұмыстан сын естісеңіз...

"Сын - шын болсын, шын - сын болсын"

Мұхтар Әуезов

Бар ынтасын салып жасаған жұмысынан сын есту кім-кімге де оңай соқпайды. Бірақ сын түзу болса, оның маман ретінде шыңдалуға тигізер пайдасы орасан.

Сонымен сынға бойды қалай үйрету керек? Жалпы сынды қайтсек дұрыс қабылдаймыз? Massaget.kz бүгін осы төңіректе әңгімелеседі. 

♦ Сіз міні жоқ керемет адам емессіз!

Бұл сөзіміз құлағыңызға түрпідей тиер, бірақ бұл дүниеде ешкім де идеал адам емес. Жұмысымды кемшіліксіз керемет атқарып жүрмін деген ойдан арылғаныңыз жөн. Қателеспейтін адам жоқ, сіз де екі қол, екі аяғы бар қарапайым адамдардың бірісіз... 

♦ Жұмысыңызға тексеріс жүргізіп отырыңыз

Жұмыс күні аяқтала салысымен күн сайын жұмысыңызға тексеріс жүргізіп отыруды әдетке айналдырыңыз. Біреуден сын естігенше, сол сынды алдын ала өзіңізге өзіңіз айтып қойыңыз. 

♦ Сынды жүрекке жақын қабылдамаңыз

Жұмысыңызды сынға алса, онда сын айтушы адамның сізге деген пышағы артына жасырынып тұр деген сөз емес. Сынды сізге, сіздің адам ретіндегі болмысыңызға емес, жұмысыңызға айтатыны есіңізде болсын. 

♦ Сынды мұқият тыңдаңыз

Сізге сын айтып жатқан кезде, ашуға берілмей мұқият тыңдаңыз. Бұрынғы қателіктеріңізді қайталай көрмеңіз. Сынды кәдімгі кеңес ретінде қабылдасаңыз нұр үстіне нұр болмақ. 

♦ Қате сын...

Барлық сын шын мәнінде дұрыс бола бермейді. Егер сын расымен қисынсыз болса, оған келіспеуіңізге де болады. Сабырмен отырып, сын айтушы екеуіңіз сынды талқылап көріңіздер. Ал сын айтушы сізге дауыс көтеріп, мінез көрсетіп жатса, сабырлыққа шақырып, жұмысыңыздан қандай қателік көріп тұрғанын тыңдай біліңіз.  

♦ Дегенмен "Сырт көз – сыншы"

Сырт көзге бәрі анық көрінеді. Сондықтан егер бір сынды бір емес, бірнеше адам айтар болса, ойланып көргеніңіз жөн болар. Сынды қабылдай білу де үлкен ақылдылық! 

♦ Оқиғаны ой елегінен өткізіңіз

Сын айтып жатқан кезде бәрі қалай өрбігенін үйге барып ойланыңыз. Ол не деді? Сіз не дедіңіз? Бұның бәрі маман ретінде өсуіңізге зор септігін тигізбек. 

Сынай білу

Енді өзіңіздің де бір әріптесіңіздің жұмысына көңіліңіз толмай қалды делік. Сын айтпауға болмайын деп тұр. Сынды қалай дұрыс айту керек?

Ешқашан сынды оның жеке басына, намысына тиетіндей етіп, дауыс көтеріп айтпаңыз! "Сынды жұрттың көзінше айту дұрыс па?" десеңіз, алдымен оған сыныңызды оңашада айтып көріңіз. Ал одан ешқандай оң қорытынды шықпаса, елдің көзінше айтсаңыз, әбестік емес. 

Сын айтқанда оның жұмысындағы жетістігін де қоса айтыңыз. Мысалы: "Сіз мына жобаны жақсы жасауға тырысып, еңбектеніпсіз, бірақ бір жерлерін жөнді түсінбеген сияқтысыз". 

Сын естіген адам бәрібір төмендеп, сынмен келіссе, тіпті өз-өзін жегідей жеуге дейін барады. Сондықтан бір қателік жіберді екен деп оны соншалықты тұқыртуға болмайды. Әріптесіңізге үміт беріңіз. Жұмыстағы сын адамның маман ретінде қалыптасуы үшін ғана керек! Артық кетпей, тек қана нақтылықпен сөйлегеніңіз жөн. 

Дайындаған: Мейіргүл Оңғарова 

Сурет: psychologies.ru

Қосылған күні: 08 қаңтар 2014, 20:58
Пікірлер
+0
08 қаңтар 2014, 22:11

Дұрыс ой екен мынау, бастық аздап қатты сөйлеп қойса да жыным келетін болыпты сабырлы болу керек

+0
09 қаңтар 2014, 08:43

бұл тұста Ауезовтің сөзінен артық ұтқырлықты таппаймыз ғой...

+0
09 қаңтар 2014, 08:56

таң атпастан сын естіп алдым, ал енді өзімді жегідей жеп отырмын, сынды дұрыс қабылдай аламын, бәрін түсініп тұрамын, бірақ бәрібір де жұмыс істеуге құлшынысым қалмайды 8-)

+0
09 қаңтар 2014, 16:54

Неге екенін білмеймін сын естігенді ұнатамын да тұрамын. Жасап болған жұмысымның кемшілік тұстарын шынайы айтса екен деп қалаймын да тұрамын...

+0
24 сәуір 2014, 15:20

МАГАН УНАМАЙТ :(

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.