Оқи отырыңыз

Өзі білмесе де елге ақыл айту – қазақтың қасиетті өнері.

Автор: Оралхан Бөкей

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Такси жүргізушісімен не үшін ұрысасыз?

Такси жүргізушісімен не үшін ұрысасыз?

Такси жүргізушісімен не үшін ұрысасыз?

Алып шаһарда тұратын адамдар жұмыстан үйге, үйден жұмысқа шыққанда немесе басқа да мақсаттармен такси көмегіне жүгінуге мәжбүр. Көбі арнайы жедел таксилерді шақыртқаннан гөрі жолға шығып, қол көтеріп такси ұстағанды жөн көреді. Немесе жағдай соған келіп тіреледі. Жолы бір болған жүргізушілер жолаушы ұсынған сомаға келісіп отырғызып алса, енді біреулері қалаға нан табудың қамымен жолаушы тасу үшін арнайы шығады. Әйткенмен бәрі бірдей такси этикетін дұрыс сақтай бермейді.

Сонымен, такси жүргізушісімен не үшін ұрысасыз?

Жолақысына келіспей қалғаны үшін

Сіз түсініңіз. Сізге керек ақша оған да керек. Сізде бар бала-шаға онда да бар. Ол да солардың қамы үшін жолға шығуға мәжбүр. Сол үшін ең алдымен өзіңіз діттеген жеріңізге жетуіңіз үшін қанша теңге төлеу керек екендігіңізді ақылға салып алыңыз. Жердің мына басынан ана басына дейін сізді такси жүргізушісі тегін әкелмейді. "Судың да сұрауы бар". Жолға шыққанда саудаласудың түкке де керегі жоқ. «Кемедегілердің жаны бір» деген бар емес пе? Одан да түрлі апатты жағдайлардың қайталанғанын қаламай, өзіңізге де, өзгеге де сәтті сапар тілеп отырыңыз.

Ақшаны ұсақтамай қойғаны үшін

Ірі көлемдегі ақшамен жолақысын төлеу кезінде де керіс пайда болады. Сізге қайтаратын ұсақ ақшасы болмаған такси жүргізушісі сізге ұнамай қалуы мүмкін. Екі тарап та жолдан түсіп, дүкенге немесе жанармай бекетіне барып ақшаны ұсақтаудан қашады. «Менің міндетім емес» деп жолашуы отырса, «Ұсақ ақшам жоқ» деп көлік жүргізушісі тымыраяды. Екі жақтан да тыныштық тілесеңіз, таксиге отырарда ақшаңызды ұсақтап алуға көңіл бөліңіз. Немесе көлік жүргізушісіне ұсақ ақшаңыздың жоқтығын такси тоқтатып, есікті ішінен жауып үлгермей жатып ескертуді ұмытпаңыз. Ал такси жүргізушілері осы жәйтті естен шығармауы керек. Жұмысқа шығар алдында алдын-ала ақшасын ұсақтап, жолға дайындалғаны абзал. Сонда «Құда да тыныш, құдағи да тыныш» болмақ.

Көлікте шылым шеккені үшін

Такси жүргізушісінің жолы бір болғандықтан сізді ала кетуі мүмкін. Мұндайда ол көбіне сөзден ұтып кетеді. Өзінің арнайы такси жүргізу қызметінің қызметкері емес екенін айтып, сізді әуреге салуы да әдбен мүмкін. Сондықтан да, ол өз көлігінде жолаушылардың рұқсатын алмай-ақ шылым шегіп, басқа да жат қылықтарды жасауда өзін еркін санайды. Ұстанымы - «Өз көлігімде өзім не істесем де құқылымын». Бәленің бәрі осыдан басталады. Шылымның иісін жақтырмайтын жолаушы үшін бұл нағыз қорлықпен тең дүние. Иістен басы ауырып, беті тыржиған жолаушы жүргізушіден шылым шегуді доғаруын өтінсе, онда тұрған ештеңе жоқ. Бірақ түймедейді түйедей етіп ұрыс шығарудан қашқан жөн. Егер ол әдептен аспаған жүргізуші болса, сол арада-ақ өз қылығы үшін кешірім сұрап, шылым тұқылының көзін жояды. Ал егер сіздің мұныңызға кері жауып қайтарып, қылығын жалғастыра берсе, оны өз ары білсін.

Діттеген жеріне дәл апармағаны үшін

Таксиге отырар алдында жүргізушіге дәл қай жерге баруыңыз керектігін жақсылап түсіндіріңіз. Осы үшін де дау туып кетері рас. Көшелердің қиылысын жақсылап түсіндіріңіз. Кейбір жүргізушілер сізді діттеген жеріңізден асырып, не жеткізбей тастап кетуі мүмкін. Бұған себеп те көп. Сондықтан бәрін жолға шығарда келісіп, түсіндіріп қойыңыз. Келісілген жерге дейін жеткізбесе, бұл – такси жүргізушісіне сын.

Жеке өмірді қазбалағаны үшін

Кейбір іші пысқан такси жүргізушілер жолаушымен әңгіме-дүкен құрудан қашпайды. Әңгімелесіп барып жолды қысқартуды ойлайды. Әйткенмен такси жүргізушісінің барлық сұрағына жауап беруге көп жолаушы үстірт қарай алмайды. Әңгімеге тартқан жүргізуші өз сұрағына жауап ала алмай немесе кері сөз естіп те тыныш отырмайды. Осылайша тағы бір шудың шеті қылт етеді. Жолаушы жүргізушімен сырласып мұңдасуға құқылы емес. Ал егер айтып жатса, ол өз еркінде. Жеке өмірін қазбалап, болмайтын әңгімемен жолаушысын жалықтырған жүргізушінің сүйкімі жоқ. Оның міндеті – жолаушыны барар жеріне жеткізу. Ал қалғаны көңіл күйдің еншісінде.

Ал сіз такси жүргізушісімен қандай жағдайдаларда келіспей қаласыз?

Дайындаған: Ақерке Әбілхан

Сурет: voxpopuli.kz

469 0
Рейтинг: +0

Дайындаған: Ақерке Әбілхан
Қосылған күні: 01 қараша 2013, 11:30
Пікірлер
+0
01 қараша 2013, 11:45

таксистермен сөзге келіп көрмеппін, тек әдейі басқа жолдармен айналып кетіп, зәремді ұшыратындар болмаса))

+0
01 қараша 2013, 11:52

оқып отырып есіме түсіп кетті ғой :) Құрбым екеуміз жұмыстан отчет жасап кеш шыққанбыз. Такси ұстадық, өзі атаған бағасына келістік себебі уакыт уже кеш болатын. Құрбым екеуміз аузы-аузымызға жұқпай әңгімені айтып келе жаттық. Содан таксист араласты әңгімемізге, жастау келген жігіт. Не дерсіз, бізге сол таксист "чайкавать етуге шыктындар ма?" дейді күліп. Алдымен неге олай айтқанының себебін сурадым. Жауабы қатты ызыамды келтиргені сонша ашуланып қолымдағы сумкаммен ұруға кірістім. адам сияқты отырдық, өзі әңгімемізге араласты, біз темболее намекать етпедік те ештене. не керек сөйтіп, төбелесіп бірақ шыққаным бар. :lol: негізі өзім спокойная қыз едим :)

+0
01 қараша 2013, 11:55

:lol: :lol:

+0
01 қараша 2013, 11:57

Бір жездем досы екеуі қызып алып, таксиге отырыпты. Қалталарында ақша жоқ. таксиды лақтырмақшы екен. Сөтіп екеуі келісіп, бір көшедегі светофорга келгенде түсе салып қашамыз депті. Светофорға келгенде жездем қаша жөнеліпті. Сөйтсе артында отырған досы ұйықтап қалған екен. Жаңағы таксист досын ұрып кеткен екен

+0
01 қараша 2013, 12:04

Бәрі дұрыс қой Ақерке, бірақ бұл таксидің сапасы құнына сай, "калымить" етіп жүрген таксистердің (ал бұл қазір Алматыдағы таксистердің көбісі) бағасы ойға қонымды, арзан. Олармен темекі шегіп, ақшаңды қайтармағандығы үшін ұрсысып та қаламыз. Ыңғайлықты қалайтын адам такси қыззметтерін көрсететін арнайы такситтерді шақырту керек. Бағасы 1000 нан жоғары, есесіне шылым да шекпейді, әңгіме де айтпайды)

+0
01 қараша 2013, 12:17

Бұрын Рысқұловтың бойынан Достық даңғылына дейін 500 тг такси ұстайтынмын. Сөйтіп бір күні орыс шал айқайламасы бар ма, "Да пошла ты" деп кәдімгідей жынданып. Сол бағаға келіссе келісті, келіспесе өз жөнімен кете бермей ме. :evil:

+0
01 қараша 2013, 12:19

Астанада бір таксиске 500 десем, ренішін жасыра алмай, шаңдатып кетеді :mrgreen: Пппп...

+0
01 қараша 2013, 12:32

Тек қана артқы орынға отырам, сөйлемеймiн, маған сөйлеп, сұрақтар қоюына да мұрша бермеймiн ( ән тыңдасам да наушник салып алам ), ақшаны дайындап мiнем, «Темекi шексем қарсы емессiз бе?» дегендерге басымды шайқаймын. Ұрысып көрмегем. Қатты асығып тұрмасам арты бос емес көлiкке отырмаймын - мен шынымен сондаймын!

+0
01 қараша 2013, 12:34

*тыңдамасам да

+0
01 қараша 2013, 13:09

Кеше бір Шумахерге отырғам, машина көп арасымен 100 ды ұстап әбден есті алды. ұрсыстық сосын

+0
01 қараша 2013, 13:34

Мен жалғыз отырғанымда ұрыспақ түгіл, терезеге қарап қорқып отырамын...

+0
01 қараша 2013, 13:34

Ұрсысып көрмеппін. Таксиге сирек отырамын. Не автобус, не жаяу.

+0
01 қараша 2013, 13:47

Жасыратыны жоқ, таңертен жұмысқа келерде, кешке жұмыстан қайтқанда жолай адам аламын. Дұрыс баға айтса отырғызам, болмаса басымды шайқап кете барам. Неше түрлі адам отырады, музыкамды қойып үндемей отыра берем өз-өзіммен. Кейбір қыздар болады, өздері әңгімеге тартып, қылмыңдайтын. Сосын клиенттермен саудаласып тұратын таксистерге жыным келеді. Кейде Х, Н, 13 деген нөмірлер, автобустар алдымды орамақшы боп жатса жібермеймін, қысып кетсе қуып жетіп өзін қысамын. Жыным ұстаса жамман ерегесем. Сол кезде клиенттердің көздері шарасынан шыға жаздап отырады. Біррет автобустың водительімен төбелескенім бар жолдың ортасында. Папам ажыратып алған :mrgreen:

+0
01 қараша 2013, 13:50

бұзық екенсіз, Тауұлы :shock:

+0
02 қараша 2013, 12:26

қыздардың қорқып отырған түрлерін көрсем күлкім келеді. Маған ұнайд сөйткен :mrgreen:

+0
02 қараша 2013, 12:29

Шынымды айтсам, мен де тура сондаймын. Жылдамдықты сүйем, көліктерді обгон жасаганнан күштііі әсер алам, жол бермегенге жол бермей, қырсығатыным да бар :oops: :oops:

+0
02 қараша 2013, 12:31

ия, кайф қой! :D дауай бір күні жарысайық?

+0
02 қараша 2013, 12:32

ок келістік, бірақ менікі ескілеу көлік мазда хеджбек

+0
02 қараша 2013, 12:36

Объемың қанша? 2...?

+0
02 қараша 2013, 12:38

2,0 гой,92 жылғы

+0
02 қараша 2013, 12:46

менікі әлсіздеу екен, дегенмен жарысуға болады ;)

+0
01 қараша 2013, 20:08

Бір рет кешке қарай досым екеуміз таксилетіп жүріп, екі жас жігітті алдық. Бірі орыс, бірі қазақ. Екеуі "осындай жерге барып, дәл осы жерге қайтып келу керек, екі мың" деді. Содан әлгі екеуін діттеген жеріне апарып, қайтып әкелдік. Жолдың ортасында біреуі "Қап! Майда жоқ, сенде бар ма?" деп екіншісінен сұрады. Екіншісі қалтасын қопарды да: "Қап, менде де жоқ екен" деді. Екеуі "Енді не істейміз?" деп, "Братан, мына жерде банкоматқа соғып кетсек бола ма?" деді. Досым "жақсы" деп, тура жолдан банкоматқа тоқтады. Содан тоқтай бере сала, екеуі де апыр-топыр түсіп кетті. Бакномат жаққа бара жатқандай болған. Секунд өтпей терезеден қарасақ, зым-зия. Соған қарағанда сол жердің қуыстарын білетін әккі біреулер болуы керек. Осылай сан соғып қалғанымыз бар ))))

+0
02 қараша 2013, 01:47

кобине акшага келиспей урысып калам

+0
02 қараша 2013, 13:32

Қазір біздің қоғамда ең жаман әдет көлік жүргізушілердің мәдениетінің төмендігі. Қысып кету, оған жауап беремін деп ол оны қысып жіберу, темекі шегу клиенттері болсада, жылдамдықты бәсеңдетпеу. Сосын ең сорақысы мынау, Өзін абыройлы екенін көрсету үшін /крутой/ ол адамдар көліктерін арақ ішіпте айдай береді, ременін тақпайды, қатты жүреді. Оны жолдастары мақтайды "Ой ол крутой, ремен тақпай айдай береді, арақ ішіп алыпта көлігін айдап жүре береді " деп. Осы қылық крутойлықпа әлде ақымақтық ба? Жақында ғана Түркістан қаласына Мерседес Спринтер деген шағын автобуспен барып келдім. Шопыр темекені көп шегеді екен және ұялы телефонымен өте жиі сөйлеседі. Менің қасымда келіншегім және кішкентай балам болғасын ескерту жасап едім тыңдамады, сосын дауыс көтердім "Иә көлігіңді жүргіз немесе темекі шегіп ұялы телефонмен сөйлес " деп. Тахидың қызметіғой бұл автобуста . Мәдениетті адам ременін тағып айдауы керек, ішімдік сәл ішседе рөлге отырмауы тиіс, қатты айдамауы керек көлікті. Қатты жүруге Қазақстанда жол жағыдайы жақсы емес және алдыңнан қандай есер соқ шыға келетінін кім білсін..

+0
07 қараша 2013, 16:23

Екеуі басымнан өтіпті, ВДНХ-дан Алматы 1-ге дейін бір әйел адам отырды, сәл масаңдау екен. Көлікке отырысымен темекісін тұтатқасын, темекі шекпеуіңізді өтінемін деп ем, мен саған аз төлеп отырмын ба деп ал кеп сөйлесін, все успакойтесь (орыс болатын) деп ем, одан әрі кетті. қысқасы маған ерегесті ме , басқа себебі бар ма әйтеуір жеткенше бірінен кейін бірін тұтатып 4 дана шылым шекті. Ол кезде жаңа үйленген кезім болатын, жұмыссыз жүргем, несие бар дегендей, жеткізіп тастадым әйтеуір 2000 теңгеге
2) бір аяғы ауыр әйел адамды жетер жеріне жеткізгеннен кейін 10 000 теңге ұсынды, 9 800 тг қайтару керек болған соң дайындап алып шықпайсыз ба, деп ем жап-жас жігітсің дүкенге жүгіріп бара салсаң нең кетеді, көріп тұрсың аяғым ауыр дей мебірдеңе деп кетті, енді аяғыңыз ауыр болса менен көтерген жоқсыз оны маған несін айтасыз деп, осы күнгі еркектің бәрі қатын деп сөгіп ол кетті,
еркек болса ғой 1 төбелесіп алып спокойно кете беретін))))

+0
19 сәуір 2016, 15:15

кейбір таксист жігіттер мен айтқан бағадан арзан айтады.мен отыра кетем.жеткеннен кейін номерімді сұрайды.мен номерді алу үшін арзан сұрадыңыз ба деп ұрысып қалам.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл, 13 маусым

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

Қайсар До Бон Сун #1
Қайсар До Бон Сун #1

До Бон Сун – ерекше қыз.Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық...