Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Бойжеткен / Психология / Қазақстан әйелдерінің көбі өткен жазға риза емес

Қазақстан әйелдерінің көбі өткен жазға риза емес

Қазақстан әйелдерінің көбі өткен жазға риза емес

Қазақстандық әйелдердің жартысына жуығы өткен жазға көңілдері толмағанын білдіреді. Себебі – көп.

26 пайыз қазақстандық әйелдер қауымы кеше ғана кеткен жазда атап айтарлық ештеңе де болмағанын айтады. Өйткені өздері бүкіл жазды жұмыспен өткізген. Жазда демалыс алып, демалысқа шықпағандықтан бұл жаздың олар үшін түк те сүйкімі болмаған көрінеді.

Сауалнамаға қатысқандардың 19 пайызы үшін жаз мезгілі күрделі бас қатыратын мәселелер мен түңілетін оқиғаларға толы болған. Әйткенмен олардың біразының бағына жазда жантайып демалу бақыты бұйырған. Бірақ түрлі қиындықтар мен уайымдар ешқандай да демалыстың сәтті өтуіне жол бермейді. Демек олар демалыстың болмағандығына емес, шешімі табылмайтын мәселелердің шиеленісіп кеткендігіне қапалы. Мұндай кезде теңіз жағасындағы демалыс та, қымбат қонақ үйдегі тынығу да жаныңа ем болуы неғайбыл.

Ал кейбірі іш пысқаннан жазды жақсы өткізе алмаған көрінеді. Олар сауалнамаға қатысқан қазақстандықтардың 12 пайызын құрап отыр. Олар өздерін жалғыз сезінгеннен немесе бір жаққа баруға идея болмағандықтан жапа шеккен секілді.

Бірақ мұндай «қызықсыз» жазда жолы болғандар да баршылық. Олар сауалнамаға қатысушы топтың 12 пайызын құрайды. Бұл пайыздың басын құрап отырған ханымдар өткен жазды нағыз демалыстың қайнар көзіне балайды. Олар кеткен жаздың өте көп қызықты естеліктерге бай күндері жайлы әңгімені қуана айтады.

Ал сауалнамаға қатысқан қазақстандық әйелдер қауымының 5 пайызы осы жазда жұбайлы болып үлгеріпті. Биылғы жаз мезгілі біреуді екеу етті. Өмірлік жарын тапқан арулар осы жаздың өткен жаздардан тым ерекше өткендігін және үнемі есте қаларлығын жасырмады.

Сонымен қатар, тағы 5 пайызы жаз мезгіліне толықтай көңілдерінің тоқтығын, өткен күнге өкпесінің жоқтығын білдірді. Олар үшін бұл жаз көпке дейін естен шықпайтындай болып өткен. Әйткенмен бақытты арулар жаз мезгіліне не үшін көңілдерінің толғандығы жайындағы тақырыпқа тереңірек енуді қалаған жоқ. Әрине, әркімнің өз қызығы өзінде!..

Ал сауалнамаға қатысушылардың ішінде өткен жазға қанағат еткендердің саны 21 пайызды құрайды. «Өткен жазға қанағаттанасыз ба?» деген сауланамаға көбі толық тоқталмай-ақ «Ия, әбден көңілім толады» деп қысқа ғана қайырды.

Мүмкін сіздердің де өміріңізге бұл жаз ешқандай да өзгеріс енгізбеген шығар?.. Бәлкім сіздер де жаз бойы демалыс дегенді ұмытып, жұмыстан бас алмай бір тынбаған шығарсыз?.. Әйткенмен біліңіз, мәселе – жазда емес. Бақыт мен сәттілік мезгіл таңдамайды. Ал егер жазға сенсеңіз, келер жылдың да жазы барын естеріңізге салып өткіміз келеді.

Ал басқаңыз алтын күзден бақыт күтіңіз!

Дайындаған: Ақерке Әбілхан

Сурет: vk.com

Дайындаған: Ақерке Әбілхан
Қосылған күні: 03 қыркүйек 2013, 15:37

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.