Қарым-қатынаста көмекші сөздер

Қарым-қатынаста көмекші сөздер

Ерте ме, кеш пе, әйтеуір әр жұп қиындықтарға тап болып, аралары суып кететін кездері болады. Бір-бірімізге қарапайым, бірақ сондай қажетті махаббат сөздерін, "комплименттер" айтуды ұмытамыз.

Осындай ұсақ-түйектермен бірге екеу арасындағы романтика да кетеді. Қарым-қатынастар бір сарынды, үйреншікті болып қалмас үшін, қарапайым, бірақ сондай қажетті сөздерді айтуды ұмытпайық.

Мен сені сүйемін

Қарапайым ба? Бірақ осы сөздерді соңғы рет қашан айтқаныңызды еске алыңызшы. Бұл сөздерді жарыңызға жұмысқа шығарда, қоштасқанда, ұйықтарда, телефонмен сөйлескенде, тіпті хабарлама арқылы да айтудан шаршамаңыз. Үлкен маңыздылығы бар сөздердің үйреншікті болып кетуінен қорықпаңыз, керісінше бұл сөздер кез келген қарым-қатынастарға қажет энергия көзіне айналады.

Сен маған қажетсін

Әсіресе жігіттерге өзінің маңыздылығын, нәзік жанды жарына қажеттілігін білу керек. Кейде болса да, тәуелсіздігіңізді қойып, нәзік, күтім мен қорғанысты қажет ететін ару болыңыз. Бұндай қызды жігіт те қолында аялап ұстағысы келеді. 

Кешірші

Өз кінәсін мойындаған адамнан тек сол кінәсі үшін кешірім сұраған адам артық. Қарым-қатынаста да осылай. "Қыз екенмін, менікі ылғи дұрыс болу керек" деген ұстаным өте қате. Жігіттердің де "Айтқанымды істейді" де осы қатардан. Қателерді уақытында мойындап, кешірім сұрау араларыңызда пайда болған көп қиындықтарды шешіп, ұрыстардың алдын алады.

Сен ең...

Ең жақсысың, ең кереметсің, ең әдемісің, ең ақылдысың... Қызға да, жігіттерге де мұндай сөздерді айтып тұру керек. Бір жағынан сіз бірге болсаңыз, оның онсыз да ең, ең екені түсінікті деп ойлайсыз ба? Жоқ, жұбыңызға сіз үшін ол әлемдегі ең керемет жан болғанын есту әр кез жанын жібіте алады. Содай-ақ бұл адамның өзіне деген сенімділігін арттырады. Ал бұл өмірде өте керек қасиет.

Рахмет

Бұл сиқырлы сөзді дүкендегі сатушыға не автобустағы кондукторға оңайлықпен айтамыз. Ал сүйіктімізге жасаған сыйлықтары, атқарған шаруалары, дәмді ас үшін алғыс айтуға ұмытамыз. "Рахмет" оның күші мен уақыты үшін алғыс болады. Жарыңыз алда да сіздің алғысыңызды есту үшін барын салады.

Жақындарымызға жылы сөз айтудан ұялмайық.

Дайындаған: Сания Аринова

Сурет:vk.com

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Тасбақалар қалайша өзен санитары болып жүр?
Тасбақалар қалайша өзен санитары болып жүр?
Эксперимент: Уикипедияда шағын қалалар туралы жаңа ақпарат туризмге ықпал еткен
Эксперимент: Уикипедияда шағын қалалар туралы жаңа ақпарат туризмге ықпал еткен
Әлем халықтарының ұлттық музыкасы жиналған сайт
Әлем халықтарының ұлттық музыкасы жиналған сайт
Тест: Ағылшынша сленгті қаншалықты жақсы білесіз?
Тест: Ағылшынша сленгті қаншалықты жақсы білесіз?
Артем Резников азулы ресейлік файтерді жеңді
Артем Резников азулы ресейлік файтерді жеңді
Әлемдегі ең қауіпті елдер
Әлемдегі ең қауіпті елдер