Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Сымбат / Тоналды кремді қалай таңдау керек?

Тоналды кремді қалай таңдау керек?

Тоналды кремді қалай таңдау керек?

Тоналды крем таңдаудың қиындығы көптеген қыздарға белгілі. Дұрыс таңдалмаған крем бет-әлпетті жасанды етіп қана қоймай, теріге зиян келтіруі де мүмкін. Сапалы, лайықталып таңдалған крем терінің ұсақ кемшіліктерін жасырып, терінің сау, жұмсақ және жарқырап көрінуіне ықпал етеді.

Тері типіне назар аударыңыз

Егер тоналды крем теріңіздің типіне сәйкес болмаса, тіпті ең қымбат крем дегеннің өзі теріге тегіс жатпайды және кемшіліктеріңізді айқындап тұрады. Құрғақ және жұқа теріге құрамында майы бар, қою текстуралы немесе ылғалдандыратын крем жарайды, ал майлы тері үшін тегістеуіш, терінің жылтырауын ұзақ уақытқа басатын, oil free деген белгісі бар крем қажет.

Егер тері құрамдастырылған – бет терісі құрғақ, ал маңдай, мұрын, иек тұсы майлы болса, онда бір емес, екі тоналды крем таңдау қажет, бірақ оларды бетке толық жақпаңыз.

Егде жастағы әйелдерге крем-мусс таңдаған дұрыс – ол ұсақ әжімдерді жасырып, теріге тегіс жатады. Безеулер мен қызаруға бейім сезімтал теріге гипоаллергенді крем, проблемалы теріге – антибактериалды қоспасы бар кремдер қажет.

Түсін таңдаймыз

Тері маска сияқты көрінбес үшін қарапайым ережені ұстанған жөн – тоналды крем теріден бір реңкке ашық немесе терімен түстес болуы қажет. Егер күмәндансаңыз және екі реңктің біреуін таңдай алмай тұрған болсаңыз – ашығырағын таңдаңыз, ол барынша табиғи көрінетін болады. Тым қошқыл реңктер бет-әлпетті қартайтып жібереді, ал тым ашық реңк сізді жапон гейшасына ұқсатуы мүмкін.

Қараторы теріге сары пигменттері бар реңктерді таңдамаған жөн, ол сарылықты арттырып, сырт көзге жасанды көрсететін болады. Кремнің түсін алақанның сыртына жағып емес, бет пен иектің арасындағы бет терісіне жағып таңдайды.

Жаққан соң бірнеше минут күте тұрыңыз, сонда ғана оның реңкі нақты айқындала бастайды. Кремнің түсін тек күндізгі жарықпен тексеріңіз – айнаны терезенің алдына әкеліңіз немесе далаға шығыңыз. Электр жарығы реңктің түсін бұрмалайды. Егер крем дұрыс таңдалған болса, онда ол теріде аса білінбейді, тері тегіс және жұп-жұмыр көрінетін болады.

Бағасы мен сапасы

Тоналды крем таңдауда ақша үнемдеу туралы ойламағаныңыз абзал. Сізге арзан тауар белгісінің кремі де жарауы мүмкін, бірақ өз денсаулығыңыз бен сұлулығыңыз үшін тоналды кремді өзін танытқан өнімдердің арасынан таңдаған жөн. Дүкен аралауға арнайы уақыт бөліңіз, тоналды кремнің реңкін жағып көру арқылы асықпай таңдаңыз.

Сапалы тоналды крем ағып кетпеуі керек, тесіктерді бітеп, теріні қызартпауы тиіс. Шынымен жақсы крем жеңіл жағылады, тегіс жатады және киімге қатты жұқпайды.

Сурет: wday.ru, zapyataya.com

Дайындаған: Анар Мұстафина

Дайындаған: Anara Mustafina
Қосылған күні: 18 сәуір 2014, 09:43
Пікірлер
+0
19 сәуір 2014, 11:57

Нивеаныкы жақсы екен, маған ұнады!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.