Макияж жасаудың майталманы

21 қазан 2013, 17:45

Егер сіз Голливудтың бүкіл бикештері табиғатынан сұлу деп ойласаңыз, қатты қателесесіз. Олардың дені көпшілігінің теңдессіз әдемілігі гримерлер мен визажистердің сиқырлы қолында. Ресейдегі Вадим Андреев есімді визажист әйел затының бетінде нағыз кереметті тудырып, нығыз әрі ұқыпты жағылған опа-далап табиғи кескіні орта деңгейлі қыздың өзін әйгілі актрисаға айналатынын көрсетеді...

Талантты визажист Вадим Андреев Санкт-Петербургте тұрады. Визаж өнерін 16 жасында меңгере бастаған. Жас өрім жігіттің бұл ермегі көпшілікке түрпідей әсер қалдырған. Соған қарамастан, Вадим стилист-визажист атанып, көп күттірмей керемет дарындылығының арқасында танымал жанға айналған. Көптеген сериалдарда визаж жасаудағы шеберлігі хош көріліпті.

Вадим Андреевтің веб-сайтынан макияж алдындағы, макияждан кейінгі қыз-келіншектердің кескінін көруге болады. Вадимнің басты мақсаты – опа-далапты қалыңдатып жаға бермей, кез келген әйелдің шынайы бет-бейнесін сәл түзеу немесе алып тастау.

Вадим әйел баласының жасырын жатқан сұлулығын аңғаруға келгенде бар күшін салады.