Теңдесі жоқ су асты кемесі – «USS Virginia»
АҚШ-тың болашақтағы теңіз әскери техникасына қосылатын тағы бір ерекше жаңалық – «USS Virginia» су асты кемесі. Бұл – жаңа техникамен жабдықталған, жер бетіндегі ең заманауи су асты кемесі. Жағалауға дейін жүзіп бара алатын және жасырын түрде жауды алыстан бақылау тетігі бар, жау кемесіне қарсы лезде жауап беретін ракеталары бар жаңа заманның жаңа су асты атом кемесі.
Ең бірінші «USS Virginia» су асты кемесінің үлгісі 2000 жылы қыркүйек айында жарыққа шыққан. 2003 жылы 16 тамыз күні су астына арнайы сынаққа аттанды. Тек 2004 жылдан бастап теңіз әскери техникасын толыққанды пайдалана бастады.
Бұл сіз ойлағандай су астында жүзетін сүңгуір кеме ғана емес, іші қару-жарақпен жабдықталған бір әлем.
«USS Virginia» несімен ерекшеленеді:
- бомбалаушы және атқылаушы кемелерге қарсы төтеп бере алады;
- 1500 км дейін қанатты ракеталар жібере алады;
- қауіпті жағдай туған сәтте «USS Virginia» су асты кемесі 250 м тереңдікке дейін сүңгіп кете алады;
- Жаудың тұрған жерін дәлме-дәл көрсететін арнайы жаңа технологиямен жабдықталған құрылғысы бар;
- су астында еркін қозғалуына ядролық реактор көмектеседі;
- негізгі құрылысы турасында барлық ақпарат көзі құпия сақталған;
- жұмыс күшін өндіруші реактор 30 жылға есептелген. Ендеше осы уақыт ішінде оған қайта-қайта май толтырудың қажеті жоқ.
