Instagram желісінде ең танымал қазақстандық жұлдыздар

Instagram әлеуметтік желісіндегі instavideo_kaz парақшасының әкімшілігі бүгінде осы желідегі ең танымал қазақстандық жұлдыздардың ондығын ұсынды. Тізімдегілердің басым бөлігі шоу-бизнес өкілдері.

Бірінші орында продюсер, тележүргізуші әрі актриса Баян Есентаева. Оның парақшасына 1,1 миллион қолданушы жазылған. Екінші орында 977 мың фолловерімен Аша Матай келе жатыр. Ал үшінші орын instavideo_kaz парақшасының аккаунты - 889 мың жазылушы.

Сонымен қатар, топ-10 тізіміне әнші Айқын (819 мың), әнші Кәмшат Жолдыбаева (776 мың), Қарағат Әбілдина (759 мың), Қайрат Нұртас (760 мың), Айдана Меденова (758 мың), Сәкен Майғазиев (738 мың) әрі блогер-әзілкеш Нұрлан Батыров (726 мың) кірді.