Көктем дедім есімім...

Көктем дедім есімім...
жеке
блог

Кірпіктерін әзер ашып шық жатыр

Жарысуға дайындалып жылға тұр

Жаңбырменен қауышамын,

Алақай

Деп аспанға көтерілді қолшатыр

 

Биші қыздай майысады жел cұлу

Бар даусымен күлер болды енді су

Қыр астынан бой көтерер қызғалдақ

Күнге қарап сыбырлайды «мен – сұлу».

 

Жер-бесіктен басын созып өскіндер

Рахмет, ана, еңбегіңіз өстім дер

Жапырағымен билеп және сыр айтып

Бойжеттім мен

Құлағымды тестім дер.

 

Қар жылаған... сұрағандай кешірім

Мейірімге ашық менің есігім

Біреу маған талмай ұзақ қарады

Көктем дедім,

Көктем дедім есімім.


Жұлдыз БЕЙСЕК.