Кәсіби маманның ерік қасиеттерінің дамуы жайлы

Кәсіби маманның ерік қасиеттерінің дамуы жайлы
жеке
блог

Әрбір адам өз алдына жеке тұлға, индивид. Әрбір адам -  қоғамның бір бөлшегі. Әрбір адамның өзінің әлеуметтік орны бар, ол студент, оқушы, ана, әке, ұстаз т.б қызметтерді атқаруы мүмкін. Адамның өмірге келгендегі мақсаты мен арманы арқылы адамның кім екендігін байқай аламыз. Әрбір адамның өзіндік дамуы мен тұлға болып қалыптасуы үлкен рөл атқарады дегім келеді. Себебі, бүгінгі жас, ол ертеңгі ұрпақ. Ол – ертеңгі мемлекеттің болашағы яки маман иесі.

Бір сәтке белгілі бір тұлғаның кәсіби маман болғанға дейінгі кейіпіне үңілсек дегім келеді. Ол, өсе келе, өмірден алған сабақтарын ой – елегінен өткізіп, сан қиындықтар мен тосқауылдардан, толқыннан аман – есен өткен қайық секілді. Бұл жерде, айтпақ ойым – өзіңе деген сенімің мен ерік – жігерің.

Жалпы, адам өзінің армандаған арманы мен мақсатына міндетті түрде жетеді дегенді естуіміз бар, әлбетте. Тек, оны өздеріне сенгендер және талмай еңбектеніп, ақыл, қайрат, жігерді бірге алып, шыңды бағындыра алғандар ғана осы сөздің растығын мәлімдейді .

Адам үнемі білім, ғылым, адами құндылық жағынан жетіліп отыруы тиіс. Бұл ауқымды тақырып дер едім. Себебі, бұл тақырыпта бос уақытыңды қалай өткізген дұрыс, кітапты қалай таңдауға болады, тайм – менеджмент деген не, күнделікті әдеттер, пайдалы, ойлау қабілетің мен сананың ашылуына жол жасайтын кинолар немесе хобби, олар тым көп. Әр адам өзіне не қажет екендігін білмейінше, оны зерттеп түсінгенінше, өмір лезде, әп – сәтте өтіп кетеді дегім келеді. Өмірде белгілі бір нәрсеге деген қызығушылық пен жақындарыңа сыйлаған қайырымдылық пен жақсылық өмірге деген құлшынысыңды арттырады дегім келеді. Әркімнің өзінің шындығы бар, тек ақиқат біреу. Яғни, біреуге алты саны тоғыз болып көрінуі мүмкін.

Бар маманның ерік – жігерінің бар болуы, ол өте  маңызды болып табылады. Неге десеңіз, себебі маманның ерекшілігі оның кәсібилігінде, шеберлігінде дегім келеді. Ал, ондай дәрежеге жету тек мықтының мықтысында. Мысалға, өзімнің өмірлік тәжірибе сүйене отырып, бір ойға тоқталғым келіп отыр. Жетістікке жетіп, сан мадақтамалар алып, өз мақсатыңа жету – ол қиынның қиыны, тек өзіңнің сүйген ісің болса, ол бір қатты шаршап – шалдыққаннан кейін, дем алып, анаңның өзіңе берген, дәмі бал татыған шәй сияқты дегім келеді. Көрермендер тек жетістіктің өзін көреді. Ал, сол шыңның не болмаса әрбір айсбергтің астында оның негізі – қызықтары мен шыжықтары қатар жүретінін көре алмайды. Міне, ерік – жігері мықты, өзіне сенімді болу арқылы адам бағындырмас асуларды алады дегім келеді.

Осы тақырыпта табандылық, ерік – жігер, батылдық, ынталылық деп аталатын ұғымдарды атағым келеді. Іске қызығушылық ынталылық арқылы жүзеге асады. Ертең де бітіруге болатын істі - бүгін жүзеге асырып, тындыру табандылықпен жүреді. Тәуекелге барып, өзге адамдардың ойларына көңіл аудармау батылдықпен қатар жүреді.

Белгілі бір қасиеттерді дамыта отырып, еңбегіңнің жемісін көруіңе болады. Менің ойымша, ең маңыздысы ерік – жігер қасиеті, себебі әр істің қиыншылығы бар, ал осындай сәттерде ерік – жігер үлкен рөл атқарады.

Кәсіби даму адамнан саналы, бағытталған, белсенді оқуды талап етеді. Мұндай оқу басқа формалардан анық ерекшеленеді. Әрбір адам өзінің қандай бағытта дамуы керек, ақпараттарды қандай әдістермен алатынын, қандай жолмен меңгеретінін өзі шешеді.

Еліміздің бүгіні мен ертеңі өскелең ұрпақ еншісінде. Ал осы ұрпақты бүгінгі таңда жан–жақты, терең білімді, интеллектуалдық деңгейі  жоғары, өзбетімен ізденуге қабілетті етіп қалыптастырудың бірден-бір жолы – оқушыны шығармашылыққа жетелеу. Бұл мұғалімнен терең біліктілікті қажет етеді. Себебі шығармашыл ұстаз ғана шығармашыл тұлғаны қалыптастыра алады деп ойлаймын.

Ерік – жігердің мықты болуы адамның өзіне, еңбегіне және болашағына тығыз байланысты деп қорытындылаймын.

 

Сұлтан Бағдат Сұлтанқызы

Журналистика факультеті

1 - курс студенті