Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Біздің елдің концерттері

Біздің елдің концерттері

Біздің елдің концерттері

Бала күнімнен концерттік кештерге көп барамын. Әншілердің есеп беру, шығармашылық кештері, белгілі бір күнге, шараға ұйымдастырылатын концерттердің барлығына мені қызықтырады. Алайда, менің барғым келмейді. Себебі, олардың барлығы бір сарынды болады. Шетел жұлдыздарының концерттерін әлемдік телеарналар мен ғаламтордан көргенде еліміздегі концерттерге қарап, қаным қараяды. Бізде шоу жоқ, бізде ізденіс жоқ, бізде жаңа дүниеге ұмтылыс жоқ. Әрине, бұл менің ойым. Оған біреу келісер, біреу келіспес.

Жазбамды «Біздің елдің концерттері» деп бекерден бекер атаған жоқпын. Біздің елдің концерттері жайлы сөз қозғағым келеді. Тоқсан әншіні жинап алатын «солянка» концерттерден миым баяғыда ашыған. Үздіксіз фанера қосылу тұрады. Барлығы кезекпен айтып шығады. Бітті. Концер аяқталды. Сау болыңыздар!

Әншілердің жеке шығармашылық кештері мен есеп беру концерттері туралы кеңінен тоқталғым келіп тұр.

1-кезең. Хабарландыру

Ұйымдастырушылар хабарландыру қағазын ілгенде алдыларына жан салмайды. Әншінің боянып-сыланып түскен суретін қойып, дәу әріптермен кеш туралы ақпаратты жазып қояды. Хабарландыруда, міндетті түрде, «Келіңіздер, көріңіздер!» деп жазады. Бұл сөз сан мың рет радио мен ТД-дан қайталанады.Содан кейін «кеш қонақтары» деп әншілердің тізімін жазып қояды. Сонда оның несі жеке концерт, несі есеп беру?!

2-кезең. Концерт басталмай тұрып...

Концерт өз уақытында басталса, Алатауда қар көшкіні болады. 18-00де дейтін концерт 18-30да басталады. Біз барлығын күтеміз, сосын барып бастаймыз. Концерт басталуын күткен халық іші пыса бастап, шыдамсыздық танытып, жан-жағына қарай бастайды. Осы кезде, міндетті түрде, досын, группаласын, класстасын, құдасын, келінінің төркінін, біреудің бірдеңесін көріп қояды. Өсек басталады. Ол концерт басталды-ау дегенде «Жарайды, антракта жалғастырамыз» деумен бітеді. Кей кезде «Сендердің жандарыңда ешкім жоқ па? Мен отыра салайын, ешкім келмейді бәрібірде»  делінеді.

3-кезең. Концерт басталды. Бірінші бөлім

Фанфары. Шымылдық ашылып, сахнаға қызыл, жасыл, көк түсті жарық түседі. Ортаға екі жүргізуші шығады. Ер-азамат жылтыр костюм киіп алған. Шашқа өлгенше гель жаққан. Жанындағы серігі әйел азаматының үстінде апамның пердесінен тігілген ұзын көйлек. Соңғы күн өмір сүретіндей мэйк-ап жасаған. Шашты қатырған. Екеуі шығып, былай дейді:

Ер-азамат: «Армысың, әлеумет?! Бүгінгі кешке қош келіпсіздер»

Әр жерден шыққан өтірік-шапалақ

Әйел-азамат: «Халқының аяулы қызы я ұлы Бәленбай Бәленнің «Пәленше де пәленше» концерті бастауға рұқсат етіңіздер»

Өтірік шапалақ.

Сосын мақтау кетеді:

«Халқының аяулы қызы я ұлы Бәленбай Бәлен осындай да осындай» деп бүкіл жеті атасынан бастап, барлығын айтып шығады. Соңында

«Олай болса, әлеумет, Бәленбай Бәлен қызыңды я ұлыңды қарсы ал» деп кеш иесін шақырады.

Жүргізушілер орнынан қозғалып үлгерместен, фанера қосылып, Бәленбай Бәлен деген әншіміз жер жыртуға шыққандай сахнаға атып шығады. Сосын фанерамен бір ән айтып береді. Ән біткен соң, иіледі, халық шапалақ соғады, ол болса, ынтыға былай дейді:

«Қайырлы кеш, құрметті өнерсүйер қауым! Алтын уақыттарыңызды қиып, менің концертіме келгендеріңізге үлкен рахмет! (Осы жерде тағы бір иіледі). Келесі әнімді мен өздеріңізге арнаймын»

Осы сөзді айту мұң екен, екінші әннің фанерасы қосыла кетеді. Ән басталады, сахнаға өлгенше боянған жылтыр көйлек киген бишілер шығады. Сосын фанера бітеді, әнші бишілермен бірге иіліп, «Пәленше ансабмлі» деп өзі жариялайды. Гұл алу процесі басталады.

Осы ретпен тағы 1-2 ән айтылады да, әнші «Ал енді мені сыйлап, осы кешке арнайы келіп отырған Пәлен де Пәлен деген ағамды/әпкемді шақырамын» деп ортаға аты аталған кісіні шақырады. Өз кезегінде ол тойдан құр қалғандай қолына бір гүлін алып, сахнаға шығады да: «Ал енді осы Бәленбай да Бәлен деген қызымыз я ұлымыз концертін ұйымдастырып отыр екен, кешің құтты болсын! Өнерің өрге жүзсін! Мен концертіңе сый болсын деген ниетпен әнімді әкеліп отырмын» деп бір ән емес-ау, «жұп болсын» деп, кем дегенде, екі ән айтады. Сосын сахнаға жаңағы кеш иесі киімін ауыстырып шығады да, ән айтқан ағасына/әпкесіне алғысын жаудырады. Осы жерде «шапанизация» процесі басталады. Концерт біткенше өнердегі бірталай аға-әпкелер сахнаға шығады. Бұл кісілердің есімдері хабарландыруда жазылған.

Кеш жалғасады. Бәленбай Бәлен әншіміз екі ән айтқан соң, былай дейді:

«Осы кешті ұйымдастыруға көмек беріп, маған қамқор болған Пәленше деген ағам отыр. Пәлен аға, орныңыздан тұрып қойыңызшы. Келесі әнімді осы ағама арнаймын»

Фанера қосылады. Ән айтылады. Өтірік шапалақ кетеді. Айтпақшы, концерт біткенше демеуші «Бәке, Сәке» деген ағалар орындарынан тұрады.

4-кезең. Антракт

Көрермендер өз әңгімелерін жалғастырады. Фотоға түседі. Ауқаттанады. Сыртқа шығып келеді. Көрермен залынан танымал біреуді көрсе, міндетті түрде, соның жанына барады, автограф алады, фотоға түседі. Орнынан қозғалуға ерінгендер барлығына сырттай бақылап, іштей өсектеп отырады.

5-кезең. Екінші бөлім

Бишілермен бірге киімін ауыстырған әнші шығады. Баяғы фанера. Ол бітеді, халық қол соғады. Гүл кетеді. Екі әннен соң, тағы бір өнердегі әпкесі/ағасы шығады. Сосын өзі шығады. Бір кезде «Келесі әнімді мені өсірген ата-анама арнаймын, орындарыңыздан тұрып қойыңыздар, менің әке-шешем осындай да осындай» деген сөздер айтылады.

Фанера қосылады. Ән айтылады. Өтірік шапалақ кетеді. Иілу, гүл алу процесі жалғасады.

Кеш соңында киімдерін ауыстырған екі жүргізуші шығады.

Ер-азамат: «Осымен Бәленбай Бәленнің «Пәленше де пәленше» атты концерті аяқталды»

Әйел-азамат: «Назарларыңызға рахмет! Қош, сау болыңыздар!»

Осы сөздерді айтып жатқанда халық орнына тұрып кетеді. Солай, концерт бітеді.

Мен мұндай концерттерден шаршадым. Сол үшін де барғым келмейді. Бізге үлкен шоу керек. Бір сценариймен өтетін концерттер адам баласын жалықтырады. Көрермен жаңа дүниені көргісі келеді. Ол концертке демалу үшін барады. Ол фанерадан рухани азық ала алмайды. Фанераны өзі-ақ үйінде тыңдай алады. Ол концертке «шапанизация» процесін, әншінің Бәкеғ Сәкесін көру үшін бармайды. Көрермен ән тыңдауға, сүйікті әншісінің өнеріне тәнті болуға барады. 

9326 24
Рейтинг: +0

Жазылған уақыты: 28 ақпан 2012, 14:51
Тегтер: концерт, әнші
Пікірлер
+0
28 ақпан 2012, 15:03

Өлтіріп жазыпсың Ғазиза. Айтатын түк те қалдырмапсың ғой. Айтпақшы, концерт басталмай жатса бірнеше рет қол қызарғанша шапалақтаймыз. )))

+0
28 ақпан 2012, 15:05

Ол таныстарын кездестірмей, өсек айта алмай қалғандар шапалақтайды))))

+0
28 ақпан 2012, 15:11

танысты залға кірмей тұрып кіреберісте кездестіріп қаласың ғой. иә,иә өсектен құр қалған соң шапалақтамай не істеймін басқа.))

+0
28 ақпан 2012, 15:29

Қатырыпсың, Ғазиза! Біздің жақта ондай концерттер өте бермейтін болған соң, ТД-дан монтаждалған дайын нұсқасын көріп мәз боламыз ғой. Сенің жазбаңды оқып, сол кәнсертте бастан-аяқ отырғандай болдым. ))

+0
28 ақпан 2012, 15:40

Қазақстандық әншілерді қаралау, менсінбеу ма бұл??? Олардан нәтиже күткенше, өзіңнің үлесіңді қоспайсың ба???

+0
28 ақпан 2012, 15:42

Қосамын, ата! Сіз ғана емес, бізде "аттандатып" жүрміз))

+0
28 ақпан 2012, 15:50

Аттандап деп мені мазақ қылып тұрсың ба??? Мен керек десең Қазақстанға Әділдік, имандылық, инабаттылық, адалдық және тоқал алушылық секілді ҚАСИЕТТЕРДІ енгізіп, өз үлесімді қосып жүрмін!!!

+0
28 ақпан 2012, 16:00

Мммм))

+0
28 ақпан 2012, 16:16

ҒАЗИЗА, 5!

+0
28 ақпан 2012, 16:43

Рахмет)

+0
28 ақпан 2012, 16:23

Фонаграммасыз да айта алатын әншілер көп!!!

+0
28 ақпан 2012, 16:39

Иә, өте көп. Алайда, олардың қолдары қысқа. Үлкен концерт өткізу үшін, үлкен қаражат керек. Ал бізде, өкінішке орай, сондай әншілерге қолдау көрсетілмейді.

+0
28 ақпан 2012, 17:10

Қазір фанаграммасыз өлең айтқызбаса, әншілер не істейді? өле ма?

+0
28 ақпан 2012, 17:15

Оларға кім айтқызбай жатыр? Кім олардың аузына қалақай жағып қойды? Айтамын деген әнші айтады. Бірде бір фанерасыз өткен кештерде болдым. Сондықтан да, жанды дауыста кеш өткізуге әбден мүмкін

+0
28 ақпан 2012, 16:56

Газиза, пикирин оте орынды! Типти, кей аншилеримизге дап-дайын сценарий екен. Дегенмен, бираз уакыт отандык концертке бармаганын коринип тур, расында. ))) Ойткени, казир сарайларымыз ар сагатты жалга беретиндиктен, гул алып-беру процесин концерттин ен сонгы болигине ыгыстырган. )))

+0
28 ақпан 2012, 16:58

Жоқ, концертке көп барамын. Бір байқағаным, біздің қазақ уақыттың тығыздығы, жалға алу дегенді түсінбейді. Сондықтан да, гүл беру, шапан кигізу процестері ретсіз бола береді)))))

+0
28 ақпан 2012, 17:00

ал мен сонгы кездери сондай артык "процесстерден" жалыкканым сондай, дайын концертти теледидардан кор салгандыхош коремин )))

+0
28 ақпан 2012, 17:02

Өзі де солай істеуге мәжбүр болдық. Бір сарындылық жалықтырады. Одан да мұндай концерттерді асықпай жылы үйде, жастыққа жайғаса жатып, көрген артық)

+0
28 ақпан 2012, 20:32

Дұрыс айтасыз, бізге "ноу-хау" керек...

+0
28 ақпан 2012, 21:14

Тв-дан қараған рахат екен ғой. Кейде қаламызға мынадай әншілер келеді деп хабарландыруда көрсетеді де, концертіне барсаң кейбір әншілер тіптен жоқ болып шығады, "ауырып қап,жаңа ғана қайтадан еліне ұшып кетті" деп жатады, онысы несі екен, а?

+0
28 ақпан 2012, 21:33

Ол, бәлкім, концерт ұйымдастырушылары тарапынан кеткен қателік шығар. Бізде бір жылдары Алматыда сондай болған. Алматының клубтарының біріне Верка Сердючка келеді деп барлығы сол жаққа жиналды. Алайда, ол келген жоқ. Кейін ол жұлдыз тіпті, шақырылмаған болып шықты.

+0
28 ақпан 2012, 21:41

Мүмкін..., бірақ қайта-қайта қателесе беруі де күмәнді

+0
28 ақпан 2012, 21:15

Мен тірі концертті анда-санда бір көргеннен ба, кәдімгідей демалып қайтам концерттен. Дегенмен, рас айтасың, бір сарында жүреді барлығы, жаңа леп керек-ақ...

+0
23 қараша 2013, 10:51

Пендеге ауыз берген сөйлесін деп. Напсі берген өзін өзі ұстасын деп. Концерт бір сарында өтіліп жатқанын көре тұра талайлар сол концерттен қалмайды-ақ. Алайда, сабыр сақтағанымыз дұрыс секілді. Біреуге шоу концерт керек, біреуге салмақты өтетін концерт керек. Жалпы көпшілікпен санаса жүру қажет. Халықтың алдында жүр деп әншілерді қаралау, оларды сыйламау ұят болады. Алдымен жыртығымызды жамайық, одан кейін өзге ге сын айтайық Құрметті менің бауырларым!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев