Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Блог құрылтай: Q&A

Блог құрылтай: Q&A

Блог құрылтай: Q&A

Керекинфо еркін блог жүйесінде болсын, басқа ресурстар да болсын «Блог құрылтай», «Блогкемп» деген алашапқынның басталғанына көп бола қойған жоқ. Алда болар шараға қатысты жарияланған, жарияланатын жазбалар «тақырып аясынан тыс жердегі» юзердің әуелі сұрау белгісін (не бұл?), содан кейін сұрау белгісі мен леп белгісін (не айтып кеттіңдер?!), соңынан тек леп белгісін (ой, немене, блогкемп, блогкемп деп бәрің, басқа әңгіме жоқ па!) туғызуы мүмкін. Қызықтың көкесі әлі алда, Құдай сәтін салса, наурыздың аяғына таман он жазбаның тоғызы құрылтай туралы болады, сол кезде «асанқайғылатқан» кейбіреулер болмаса, өзгеміз баяғы сауын айтқан қазақтың ар жақ-бер жағынан табылармыз деп үміттенемін.

Содан, не керек, ұзын сөздің қысқасы, жинақы сөздің нұсқасы, бұл постымды блогкемптың не екенін білгім келеді деген жанға арнаймын. Әрине, баз біреулеріңіздің, тіпті басым көпшілігіңіздің бұл тақырыптың жілігін шағып, майын ішкен, тісқаққан, кәнігі мамандары екеніңізге шүбәм жоқ, алайда кезекті сөз кеудеден итерілмес деген үміттемін.

Қазнетте жүрген жақсымыз бар, жаманымыз бар блогкемп бойынша ауызбіршілік танытады деп имандай сенемін.

Сонымен, Блогкемп немесе блог құрылтай дегеніміз не?

Blogcamp.kz сайтында "BlogCamp — дүние жүзіне кең таралған жаңа медиа өкілдерінің жиыны. Ел ішінде түсінікті болуы үшін біз іс-шараны «Блогшылар құрылтайы» деп те атап отырмыз", — дейді.

Әрине, блогшылар мен жаңа медиа өкілдерінің айырмашылығы бар: жаңа медиа өкілінің блогшы болуы міндетті емес, алайда блогшы — жаңа медиа өкілі. Сондықтан, егер сіздің өз сайтыңыз болса, алайда блог жүргізбейтін болсаңыз, бұл шараның маған еш қатысы жоқ екен деп ойламаңыз.

Анықтама: жаңа медиа — жиырмасыншы ғасырдың аяғында пайда болған, ерекше қарқынмен дамып келе жатқан интерактивті электронды басылымдар мен тұтынушылардың (қолданушылардың) ресурстың (сайттың) контенттін (мазмұнын) түзуіне ат салысуы нәтижесінде пайда болатын жаңа қарым-қатынас формаларына қатысты термин. Жаңа медианың басты ерекшеліктері интерактивтілік пен сандық технология деп түсінемін өз басым.

Неге кемп (немесе кэмп, немесе camp)?

Ағылшын тілінде camp сөзінің лагерь, қала сыртындағы үй, табиғатқа шығу, шатырда өмір сүру секілді мағыналарға ие екенін білесіз. Міне, біздің кемп те осы маңайдан: мүдделес, тақырыптас адамдардың ӨЗ ЕРІКТЕРІМЕН бас қосып, бейресми түрде жиналуы кемп, нақтылап айтсақ баркемп деп аталады. Кемп міндетті түрде жаңа медиаға, әлеуметтік желілерге, Қазнетке, сайттарға қатысты болуы керек деген қате, мәселен, осы жұма күні Анар Бекжігіт, Анар Мұстафина үшеуміз бас қосып «Сыракемп» жасап жіберсек те болады.

Көтек, баркемпі несі тағы?

Баркемп (BarCamp)- ҚАТЫСУШЫЛАРДЫҢ ӨЗДЕРІ ұйымдастыратын жиын. Біздің тілге тиек, етке сүйек болып отырған блогкемпіміз, яғни блог құрылтайымыз осы баркемптің бір саласы.

Баркемп кезінде қатысушылар баяндамалар, презентациялар жасайды, тренингтер өткізеді, қандай да бір тақырыптарды талқылайды. Ұсынылатын материалдың бәрін ұйымдастырушылар, яғни қатысушылар өздері даярлайды.

Баркемптың (блогкемптың деп оқыңыз) тарихы мен өзге де ұңғыл-шұңғылы туралы өткен жылғы құрылтай алдында жариялаған жазбамнан үзінді келтіре кетейін.

Баркэмптың (БлогКэмптың ағасы деп түсініңіз) тарихына аз-мұз тоқталсақ.
Ерте-ерте-ертеде, ерте болғанда 2005 жылы Тим О’Рейли дейтін веб 2.0 идеологы өз достарына арнап Foobar дейтін шара ұйымдастырады. Ал алғашқы баркэмп сол жылы тамылжыған тамыз айының 19-21 жұлдыздарында Калифорния штаты, Пало Альто қаласында Socialtext компаниясының кеңсесінде өтеді. Бас-аяғы бір аптаның ішінде ұйымдастырылған шараға 200-дей адам қатысады. Шара бейресми сипатта өтеді. Қатысушылар шатырларда жатқан. Шара форматының көптің көңіліне жаққаны соншалық, содан бері баркэмп әлем бойынша 350-ден астам қалада өткен. Ал ТМД шеңберінде аталған шара алғаш рет Украинада ұйымдастырылса (2007 жылы тамызда өткен Blogcamp), 2009 жылдың сәуірінде Алматыда қазақстандық баркэмп болды.

Жалпы Баркэмп Блогкэмп болмысынан мен қазаққа жақын бір қасиет байқадым (жалт еткенге жармаса кетер мінез емес бұл, блогкэмптың сырын ашамын дегендегі арам ойым ғой). Өзектілігі күйіп тұрған “ Төртеу түгел болса төбедегі келеді” деп басталатын мақалды осы шараға ұран қылып алса да болатын сияқты. Себебі, DIY (do it yourself) немесе Өзің Жасап ал идеясы – кэмп атаулының миға басылған девизі. Себебі, бастамашыл топтың болғанына қарамастан, Блогкэмпке келген әр азамат әлгі мысалдағы қарлығашқа ұқсап су тасып, қолы қалт еткен кезде көмегін беріп қалуы қажет. Сонда ғана [бей]конференция (кэмп жиындарын осылай да атайды) мақсатына жетеді, ойдағыдай өтеді, келгендердің көңілінен шығып, бір жерге бас қосқандардың бірлігін көрсетеді.

Блогкэмп ресми шара емес. Қылқына галстук тағып, қыдиып-қыдиып отырып қайтатын жер де емес. Блогкэмп – жауыр болған тіркеспен айтсақ, “бір терінің пұшпағын илеп жүрген” блогшылардың бас қосып, жиналып, бір-бірін тек аватардан ғана емес, анфасынан, профилінен, артынан, астынан, үстінен қарап, танысатын жері Тәжірибе, идея алмасып, пікір таластырып, достық сезіммен қимай-қимай қоштасатын орын.


Биылғы шара Екінші Блог құрылтай болмақ. Өткен жылы аман-есен Алматыда өткізген едік. Енді, Астанаға ат байламақпыз.

Кэмп қатысушыларының ережелері:

  1. байланыс мәліметтерімен алмасуды тоқтатпаңыз. Әңгіме барысында, ол жаңа танысқан жан болсын, ескі танысыңыз болсын, түрлі идеяларды, жобаларды талқылаудан қашқақтамаңыз.
  2. шара барысында қандай да бір проблемалар пайда болса, оны шешіп тастауға тырысыңыз. есіңізде болсын, блогкэмптың жақсы я жаман өтуі сізге (!) байланысты.
  3. презентация жасаушыларға көмек көрсетіңіз, өз идеяларыңызды ұсыныңыз, балама ойлар айтыңыз, идеяларыңызбен, фактілеріңізбен алмасыңыз. Өз презентацияңызды жасап келуге қалай да болса тырысыңыз.
  4. барлық презентацияларды аудиоға, видеоға түсіріп алуға тырысыңыз, оның бәрін Интернетке салып отырыңыз.
  5. Ең бастысы: ашық болыңыз, қызығушылық танытыңыз, ойларыңызды ортаға салыңыз.


Менің сөзім осы. Егер қызықтыра алған болсам, қуанышымда шек жоқ. Ал егер мына сілтеме арқылы өтіп, құрылтайға (блог құрылтайға, блогкемпке, кемпке) тіркелсеңіз, онда Астанада қасиетті Наурыз мейрамында арқа-жарқа болып аман-есен көрісерміз.

Пайдалы сілтемелер:

BlogCamp деген не?

Блог Құрылтайдың 9 ережесі

Презентацияны қалай жасаймын?

Блогкемпке тіркелу

Блогкемптің ресми сайты

Керекинфодағы Блогкемп қауымдастығы

 

Жазба Керекинфо еркін блог жүйесінен аздаған өзгерістермен алынды.

610 0
Рейтинг: +0

Жазылған уақыты: 08 ақпан 2012, 15:22
Тегтер: блогкемп, блог құрылтай, Блог құрылтай 2011, Алматы, Блог құрылтай 2012, Астана, баркемп, кемп, Қазнет, blogcamp, barcamp, блогкемп дегеніміз не, баркемп дегеніміз не, сұрақ-жауап, Q&A
Пікірлер
+0
08 ақпан 2012, 15:38

Димаш, қош келдің! Блогкэмп жайлы толыққанды мәлімет жазғаныңа рахмет! Осы Блогкэмп аясында ҚазНЕТ (дәл қазақша нет) қарқынды дамып, жаңа белеске көтерілер деп сенемін!

+0
08 ақпан 2012, 15:46

Мен де үміттімін, Анар) Бөтен ауылға келіп, байқастай басып жүргенде үйге шақырып, шай бергеніңе рахмет)))

+0
08 ақпан 2012, 15:50

Ас болсын, бауырым! ))

+0
08 ақпан 2012, 15:49

Дінмұхаммед (Қонаев?) Қисық Зийәддин, бұл өте жақсы, жақсы нәрсе құрылтай жасау, проблемаларды шешу, соңыңа дейін оқи алмадым, анау латынша терминдер басымды біраз қатырды, бірақ негізінде ісің оң болсын, осындай жас отан, стунденттік ректорат, блог жүргізушілердің құрылтайы қазақ жастарына, менің ойымша пайдалы нәрселер. Менің айпақ ойым мына қазақ ақпаратты, қазақ уикипедиясын, қазақ блогтарды, қазақ техникалық аудармаларды, қазақ кітаптарды сандық түрге айналу мәселесі, қазақ құрылысы жөніндегі мәселелрді, яғни барлық қазақша жазбалар жайында тақырып құрып сол проблемаларды шешсеңіздер! Өйткені не деген масқара жеті миллион қазақ халқы бар, ал жазбалары мүлдем жоқ десе болады, осы проблеммаларды шешіңіздер, өтініш болсын.

+0
08 ақпан 2012, 15:54

Marationok Сәммитстаннан, Сізге өтініш, аты-жөнімді дұрыс жазсаңыз екен, жаңсақ басып, жаңылыс жаздым дейтін болсаңыз, оныңызға күмәнім бар, басқа қылжаққа қосыла кететін жазған басым дәл осы жеке басқа қатысты мәліметтерге келгенде қисая қаламын. Ал ниетіңізге рахмет.

+0
08 ақпан 2012, 16:02

Қателіқ кетті, дұрыс түсінбедін, Қонаевтың құрметіне қойылдама деп сұрағым келгені, жаман ойлар, немесе мазақ жоқ.
Менің ойым, есімің пайғамбардың құрметіне қойылған, сәләху алейхи уә сәләм, ісің оң болсын.Атына заты сай болсын

+0
08 ақпан 2012, 16:06

Рахмет, Дінмұхамед деп бір "м"-мен, сосын Зиядин деп жазып жүрмін, жазып жүр. Соны ескерсеңіз етті деген үміт қой:)
Тағы бір мәрте рахмет!

+0
08 ақпан 2012, 15:52

Димаааш, сәлем ))) Бұйыртса барамыз Блогкампқа! )

+0
08 ақпан 2012, 15:54

Сәлем))) әрине, барамыз, сенің презентацияңа қатыспай кетпеймін:))))

+0
08 ақпан 2012, 16:34

келістік ))

+0
08 ақпан 2012, 16:04

Төрлетіңіз)) Димеке, қош келіпсіз! Шара туралы құлақтандырғаныңызға рахмет! Иншаллаһ, кездесеміз!

+0
08 ақпан 2012, 16:07

Рахмет, Ғазиза. Жаңа ғана Анардан ет жеп шығып едім, шай да жарайды, тамаққа әуре болма))

+0
08 ақпан 2012, 16:10

Әуре болғаны несі?! ))) Көбігін алып, тұздығын дайындап қойдым)))

+0
08 ақпан 2012, 16:22

Қап-ай ә, қап-ай ә, әуре болдың-ау, жарығым, енді, бопты, тамақ ішіп кетейік)))

+0
08 ақпан 2012, 16:29

сол 23-і болатын болды ма?

+0
08 ақпан 2012, 16:43

2012 жылдың 22-24-наурыз аралығында Астана қаласы Назарбаев Университетінде өтетін BlogCamp 2012 өтеді дейді ресми сайт:)

+0
08 ақпан 2012, 16:30

айтпақшы тіркелу қай уақытқа дейін жалғасады?

+0
08 ақпан 2012, 16:44

Соңғы күн 2012-нің 20 ақпаны.

+0
08 ақпан 2012, 16:35

Димаш! Қайырымды куратор, хош келіпсіз, Һәм лекцияларыңызды да ұмытпай қолтықтай келіпсіз... )))

+0
08 ақпан 2012, 16:45

Тәк... тәәәәк... бұ қайсысы болды екен. Ұстаздық еткен 50 жылымның ішінде алдымнан талай адам өтті ғой, қайсібірің есімдесіңдер...

+0
15 ақпан 2012, 00:03

"сендер көпсіңдер, ал мен жалғызбын" деуші еді ұстаздарымыз )))

+0
08 ақпан 2012, 17:03

Жасыңыз келді ғой, түсінеміз, әрине... )))

+0
08 ақпан 2012, 17:09

Оппа, предьява!? Қай жерде қол ұстасып қыдырып едік, соны айтсаңыз, бәлкім сап етіп еске түсер...

+0
08 ақпан 2012, 20:02

ТууууҺҺҺ, тыныш енді, құпиямызды құрдымға жібересіз....)))

+0
10 ақпан 2012, 14:47

Қап, қап, базадан туған күн арқылы термесем, басқа ілік жоқ...Әйтсе де, интриганың босанғанын жоққа шығармаймын:)))

+0
08 ақпан 2012, 17:07

Қош келдің Димаш! Блогкэмп жайлы түсінікті етіп жақсы жазыпсың. Рахмет. Қап, сауалнамаға Алматыда өтсе екен деп толтырып ем, болмады ғой. Астана жақпайды маған. ))

+0
08 ақпан 2012, 17:10

Екі-үш күнге барсаңыз... ештеңе етпес? Ол жақта да ел бар, жұрт бар дегендей...

+0
08 ақпан 2012, 17:14

Презентация жасау міндеттіме? Жәй тыңдап, көріп қайтсақ дегенім ғой.

+0
08 ақпан 2012, 17:24

Мүмкіндігінше, жасаған дұрыс. Тіпті болмаса басқа қатысушылармен бірігіп дайындауға да болады. Мысалы, маған сіздің презентацияңыз қызық болып тұр:))

+0
08 ақпан 2012, 18:56

Жезде, бұйырса, биыл тағы шулатамыз ғой деймін екеуміз :))))))))

+0
08 ақпан 2012, 20:17

Алматы аз еді саған:))))

+0
09 ақпан 2012, 15:25

әрине, шулатып жүретін де адам керек шығар Астанаға )))))

+0
08 ақпан 2012, 19:24

есіме салғаның жақсы болды ғой презентацияны реттей беретін, былтыр менде дайындалатын уақыт болмай қап еді

+0
08 ақпан 2012, 20:17

Сөйт, сен шықпасаң, енді білмеймін:)

+0
09 ақпан 2012, 22:46

Айтатын затым жоқ болып тұр презентацияға :(

+0
10 ақпан 2012, 14:48

Қысқа киім киіп кел. Айту қажеттілігі жоққа шығады, алайда, презентацияыңды бәрі үздік деп таниды.

+0
15 ақпан 2012, 00:05

әсіресе арқасы ашық кофта киіп келсе, презентация жасаушы адам тақтаға қарап сөйлей берсе екен дейтін шығар )))

+0
15 ақпан 2012, 13:06

Декольтесі терең болса бері қарап сөйлесе екен деп тілейтін болар, ә?)))

+0
11 ақпан 2012, 18:06

ээээ.... ммм.... хихихи....

+0
14 ақпан 2012, 17:06

Өтірік күлмеш.

+0
15 ақпан 2012, 00:06

Барғеееем келеді боғіреееем, фақат бара алмаймын қасыңа, бара алмадым ... )))

+0
15 ақпан 2012, 13:06

Қап, сені көре алмайтын болдым ба...

+0
20 ақпан 2012, 01:49

қызыық...өте "грамотно"(осы сөзді ойыма түсіре алмай-ақ қойдым,ғафу өтінемін))жазыпсыз.Ой,идея дегендер жетіп жатыр-ақ,соларды BlogCamp тұрмақ, Массагетке әлі жариялай алмай-ақ қойдым((((.Тым "қазақисын" деуші еді достарым,өзіме ойлары ұқсас адамдармен бірге тілдесіп,көрісіп қайту бақытына ие бола алмайтыным жаныма батып барады(мында қатты кетіп қалыппын ғой)))Шынымен қатысатын адамдарға тек сәттілік,жұмыстарыңыз жемісті бола берсін))

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев