Жаңа кітап: қазаққа қуаныш па, жұбаныш па?
жеке
блог

Жаңа кітап: қазаққа қуаныш па, жұбаныш па?

                                                                                                                                                                                         Тұсаукесер

кітап

Класс тайм 26.05.13

   Еліміздегі білім қайнар көзінің орталығы саналатын Ұлттық кітапхананың көрме залында Михаил Терентьевтің «История завоевания Средней Азии с картами и планами» атты үштомдық кітабының факсимильдік басылымының тұсаукесер рәсімі өтті. Бұл еңбек Орта Азия мен Қазақстан туралы ресейлік революцияға дейінгі іргелі тарихи және ғылыми зерттеулердің бірі болып табылады.

   Жарыққа шыққан басылым  - ҚР Ұлттық кітапханасы мен TANARIS PRODUCTION кинокомпаниясының бірлескен жобасы. Жалпы бұл ғылыми еңбектің ішінде тарихтың айтылмаған тұстарын да кездестіруге болады дейді белгілі ғалымдар мен көпшілік қауым. Бір қызығы қаншама қазақ ақшаларын сарп еткен аталмыш кітаптың ішінде казақ ұлтын «дикори» деп айтатын тұстар да баршылық дейді белгілі инженер-геолог Балтабек Қуандықов. Мұнысына қарамастан кітаптың тұсаукесер тойына жиналған қауым туындының жарыққа шыққанына мәз-мейрам. Қанша жерден тарихтың тың тұстарынан хабардар етсе де, қазақты жабайы деп айтқан ғалымнан не пайда. Орыстың генералы жазған тарихи бұл кітапты саясаттың сараң жолы деп қарауға да болады. Қазақ қашанда тойшыл ғой, сондықтан да болар кез келген жайтты барынша тойлауға тырысады. Не болса да білім әлеміне тағы да бір кітап енді, бұл кітаптың қазақша нұсқасы да болашақта жарыққа шығып қалар деген тілек те бар. Ащы шындықтар жазылған бұл еңбектің бағасын да, шындығын да саралайтын оқырман қауым әрине, өзіңіз.

                                                                                                                                                                                    Гүлжан Серік