Қыз дегенің...

Қыз дегенің...
жеке
блог

                                       Қыз дегенің...

Сөздеріне шарбат қосып, көздеріне ар ілген,

Лала гүлдей айналаға шығаратын лағыл дем.

Жанары-нұр, жүрегі-сыр қырмызыдай қыздарды,

«Көркем» деймін, «сұлу» деймін еркелетіп бәрін мен.

 

Келбетіне Күн ойнатып, жербетіне төккен нұр,

Хош иіспен баурап алар көңіліне еккен гүл.

Мұз денені ізгі өлеңі ерітіп-ақ жіберер,

Қыз дегенің-құлпыратын, жаймашуақ  Көктем бұл.

 

Тал бойына-нәзіктілік, санасына-бал ой тән,

Бізге күліп,жымиғаны-шуақ шашар арай таң.

Қыз дегенің-өмір мәні, қыз дегенің-махаббат,

Қыз дегенің-әдемілік, нәзіктілік, тағы айтам.

 

Ерке дыбыс елеңдетіп, жібереді бізді арбап,

Сендерсіңдер-қырымдағы жайқалатын қызғалдақ.

Серілердің сезімдерін сездіртетін қылықпен,

Қыздар деген-асыл арман, қыздар-өмір, қыздар-бақ.

 

«Қыз ғұмыры-жұмбақ әлем» деп айтылған жолды ұғам,

Сендер үшін дастан жазып, қалдырамыз мол мұра.

Ақтарыла қоймайтұғын, көңілдері-сыр сандық,

Қыздың жаны-ешкім білмес,шешімі жоқ формула.

 

 

 МЕРЕКЕЛЕРІҢІЗБЕН ШЫН ЖҮРЕКТЕН ҚҰТТЫҚТАЙМЫН!!!!