жеке
блог

Сен мені іздеші

Көңілде сезім жоқ, бар сағым,

Көрмеппін көзімді құрғатып

Мен сені іздеуден шаршадым,

Сен мені іздеші бір уақыт.

 

Жанымды жаулады алып мұң,

Қонар ма бізге де бір бақыт?!

Мен сені құр ойлап жалықтым,

Сен мені ойлашы бір уақыт.

 

Өмірдің мәні де жоқ, ботам,

Егер сен болмасаң тіреуім.

Көп хаттар жазуды тоқтатам,

Оқышы тек қана біреуін.

 

Бекерге күшімді салыппын,

Табам деп бақ құсын өзіңдей.

Ұйқысыз түндерден зарықтым,

Мені ойлап, сен көрші көз ілмей.

 

Жанымның жайқалмас терегі,

Сезімнің таппасам бір емін.

Мен сені жек көргім келеді,

Әттең‑ай, көнбейді жүрегім.

Бөлісу:
Пікір қалдыру үшін сайтқа кіріңіз
Өзгерту



Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі