Қадырдың бір өлеңі

Қадырдың бір өлеңі
жеке
блог

О, тіршілік!

 Не берсең де арнап бер,

 Алтын балық ілінетін қармақ бер!

 Бақыт бер де,

 Бармақтай сол бақытты

 Басып тұрар батпандай бір салмақ бер!

 

 Және дос бер, айтқанымды мақұл дер,

 Жүйрік бер де

 Соған шыдар тақым бер!

 Мен жазбаған,

 Жұрт жазбаған жыр сыйла,

 Жүректерге соны ұғатын ақыл бер!

 

 Мені күтіп тұрса алда биіктер,

 Шапағатты шуағыңды құйып көр.

 Абырой мен даңқыңды аяма,

 Және соған майыспайтын иық бер!