жеке
блог

СОЛАЙ...

Еңсемiздi езетін мұң-ау бiздiң,
(Қолыңыздан келе ме жылау Сiздiң?!)
Мен сезбейдi дейсiң бе,
Сеземiн ғой -
Сенен салқын емесiн мынау Күздiң…

Көңілдің жапырағы тоналғасын,
Жүректің өтеу қылдым оған жасын,
Мен ұқпайды деймісің,
Ұғамын ғой -
Ол күндердің мәңгілік оралмасын.
 

Жүрегiне батпасын жасы кiмнiң,
Жылағанда иiлiп басы Гүлдiң.
Мен бiлмейдi дейсiң бе,
Бiлемiн ғой -
Сенен ұзақ емесiн осы түннiң.

Адастыра алмаспын енді есімді,
Тоз-тоз ойым тозаң боп желге сіңді.
Мен түсінбес дейсің бе,
Түсінем ғой -
Күзге еріп бұ қалаға келмесіңді.

Жүрегiм бәрiн iшiп жүрсiң удың,
Қайыры жоқ сенi ойлап күрсiнудiң.
Ақындар сұлулықты ұнатады,
Кетерсің бағын ашып бiр сұлудың..




Ең қызықты блогтар

18 мамыр – Халықаралық мұражай күні
Педагогтің эмоционалдық жануы және психологиялық саулығы
Еңбекті қорғау компания дамуының басым бағыты
Болашақта өзімді қалай елестетемін?
Әлемдегі өзгерістерге сай өзгере біл
Кәсіби маманның ерік қасиеттерінің дамуы жайлы

Жұлдызды блогтар