Оқи отырыңыз

Бір қазақ ең кемі екі ақыл айтып кетеді. Өз қара бас сол екі ақылдың біреуін орындап жүрген болса, әлдеқашан адам болып кетер еді.

Автор: Ғабит Мүсірепов

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Аман болыңыз, АҚ ПАТШАМ!

Аман болыңыз, АҚ ПАТШАМ!

Аман болыңыз, АҚ ПАТШАМ!

   2012 жылдың 16 - қарашасы біз үшін, яғни жастар үшін елеулі һәм маңызды күн болды. Албырт сезім алып-ұшып, тағатсыздана күттік сол күнді. Себебі, ол күн "Жас Отан" Жастар Қанатының 2-Съезі өтеді деп белгіленген күн болатын. Уақыт жарықтық, бір орында тұрсын ба, сол күнге аман-есен жеткізді. Аллаға мың шүкір! Артынып-тартынып, қағаз-қапшығымызды түгендеп бас қалаға аттандық. Жамбыл облысынан шыққан жүзге жуық делегаттың әрбірінің көзіндегі от, жүректеріндегі елге деген жалынды сезімдері айрықша байқалды. Пойызда отырған әр ауданның "Жас Отан" ЖҚ Атқарушы хатшылары жергілікті телеарнаның тілшісіне жарыса-жармаса сұхбат беріп жатты. Яғни, Съезден не күтетіні, дайындықтары туралы ойларымен бөлісті.

Елорда зәулім сарайымен жарқырап, күнімен күлімдеп, қар-боранысыз қарсы алды, жастарын. Пойыздан күтіп алған ұйымдастырушылар қонақ үйге жайғастырып, қаланы аралатты. Астананың алып "Бәйтерегіне" бас сұғып, "Хан шатырында" серуендеп, Әзірет Сұлтан мешітіне барып тілек тілеп қайттық. 

12 мың орындық "Сарыарқадай" алыстан көздің жауын алатын сәулетті ғимаратқа таңертең ерте жиналдық. Жүрек лүпілі жиілейді екен, "қазір Елбасы келеді" деген сайын. Жан-жағыңа көз тастап, республиканың түкпір-түкпірінен жиналған мыңдаған қайратты да сауатты жастарды көріп, дүбірлеген даталы күнде сол жерде болғаныңа кәдімгідей марқайып қалады екенсің. Съездің күн тәртібі бойынша Атқарушы хатшыны сайлаумен қатар, 2020 жылға дейінгі "Жастар Отанға!" Стратегиясының қабылданатыны тағы бар. Жоғарыда айтқан бұл күннің маңыздылығы осы. 

Жайнап отырған жастарын көп күттірмей ҚР Президенті, Елбасымыз Н.Ә.Назарбаев залға қарай бет алды. Ентелеген жастар Елбасын қуанышқа толы көздерімен, алақанынан от шыққанша жаудырған шапалағымен қарсы алды. Жастарға арналған салмақты сөзін күттік елеңдеп. Президент мінбеге шығып, жас достарына деген ізгі-тілегін арнап, әр аймақтың жастарына жалынды сәлемін жолдады. Ойларын, кеңестерін жалпақ тілмен жеткізді. Тыңғылықты тапсырмаларын берді. Ауылдың жастарына да көңіл бөлді. Айтайын дегенім, Елбасының жастарға деген құрметі, жанашырлығы. Әр айтқан сөзінен кейін еріксіз орнымыздан тұрып, шапалақтап мазасын алдық. "Әр сөзінен кейін шапалақтаңдар", - деп ешкім тапсырма берген жоқ. Бұл жастардың шексіз ризашылықтары деп білемін. Жаның шабыттанып, ерекше рухтанасың. Барлық саланы қамтып, алда атқарылар шаруларды саралап берген Елбасы сөз соңында жастармен суретке түсті. Шынын айту керек, тек Елбасы артындағы орындарға жайғасқан жастармен ғана суретке түседі деп жоспарланған. Бірақ олай болмады. Елбасы қолын бұлғап бар жасты жанына шақырды. Міне, сол мүмкіндікті жібермеуге тырысу мақсат болды. Жарыса барған жастарды тоқтата алмады жауапты тұлғалар. Амалын тауып, үлгергендер Елбасының жанында тұрып суретке түсу бақытына ие болды. Мен де бармын солардың қатарында. Тау тұлғаның мысы қандай, көзіме жас келіп, "рахмет Сізге, аман болыңыз!" деп үлгердім. "Жақсы, бәрің түстіңдер ғой, жарайсыңдар",- деп білегімнен ұстап, жымия қарады. Міне, бақыттың бірі осы екен. 

Кім демесін, Президенттің аты - Президент! "Ханын сыйламаған ел азады" деген бар. Елбасының сөздері мен үшін қанатты, бастамалары берік. Тек қолдау керек. Сонда ғана өркендейміз ары қарай. Өйткені, Елбасының ойында жастарды тура жолдан тайдыратын, халықты аздыратын пікір жоқ. Елбасының тапсырмасын орындауға жауапты әр шенеуніктің ойы Елбасымен бірге болып, адал қызмет етсе, әлі талайды таңқалдырады Қазақстан. Асқақ арманға адал еңбекпен жетуге сенейік!

Аман болыңыз, АҚ ПАТШАМ! 

 

P.S. жалғасы бар, фоторепортаж кейін болады

Рейтинг: +0

Жазылған уақыты: 18 қараша 2012, 13:26
Тегтер: Қазақстан, жастар, Съезд, Елбасы, сурет, естелік
Пікірлер
+0
18 қараша 2012, 13:30

жақсы жазылған екен. Ол кісінің мысы басатынын біраз адамдардан естіген едім...

+0
18 қараша 2012, 18:50

Қалжыңмен де, риясыз күлкімен де, "Адам бол!" деп түйілген қабақпен де жастарды тек жарқын болашаққа қарай бағыттап отырды мінберде... Шіркін, мен де бір көрер ме екем жақыннан?..

+0
18 қараша 2012, 19:17

Тегінде жәй адам патша болмайды. Тәңірдің қалауымен, елдің маңдайына жазылатын тағдыр шығар. Хан Абылайды да Бұхар жырау кемшін кеткен тұстарын сынап, ақылға салып отырған. Елдің бағына біткен елбасы болып, азғын жолға адастыра көрмесін.

+0
18 қараша 2012, 22:38

Президенттің саясатына еш қарсылығым жоқ жалпы. Бірақ съезде тым әсіре мақтау орын алып жатты. Әсіресе жастардың екі сөзінің бірі "сіздің арқаңызда", "салихалы саясатыңыздың" арқасында деп, жағымпаздану тым артық сияқты. Президент өзі де көп сөзді қойып, жұмыс жасауға шақырады негізі. Әсіресе, Ильинге айтқан сөзі есімде: "Жаттанды сөздерді қайтесің, медаль аламын болды" десеңші дегені. :)

+0
18 қараша 2012, 23:35

дұрыс айтасың, саястына қарсылығымыз жоқ. Бірақ әсіре мақтау, не болса соны елбасының есімімен байланыстырып айту тым артық. Бірде универде халықаралық конференция болып жатқан. Қабырғада Әбіш Кекілбаевтың тәуелсіздік туралы айтқан пікірі жазылып тұрды. Оны сол жердегі шетелден келген қонақтардан бастап бәріміз оқып алғанбыз. Сөз арасында ректор еш саспастан қабырғаға бір қарап әлгі сөзді елбасымыз НӘН айтпақшы деп қойып қалды. Жазылып тұрмаған басқа біреудің сөзін айтса еш білінбей қалар еді. Осындайда ойлайсың қадірлі адамның қадірін кетіретін жағымпаздар ау деп. Жақсы адамның жақсылығын айтқан жөн ғой әрине. Бірақ орнымен айтылса екен деген бір тілек бар да бізде :)

+0
19 қараша 2012, 00:37

Нұреке І -нің ұстанған саясатына қарсылық жоқ, әрине...
Мысы басу дегенді кімнің ойлап тапқанын білмеймін, ол жай ғана психологиялық әсер. Ондай күй әркімде болады.
Жалпы, жастардың сол "жарысқазаны" жамырап барып, жамырап келгеннен басқа ештеңе де болған жоқ. Жастардың өзіндік жолы болу керек. Анау "қалтадағы" ағалары сықылды бас-көз демей, асырып-асқақтатып мақтай берудің, жөнсіз табына берудің қажеті шамалы. Даурықты. Дабыра қылды. Дүрлікті. Дүбірлетті. Дүние осылай қалмақ емес, сірә. Ал, көрейік, "Жас Отанның" не тындырарын.

+0
19 қараша 2012, 01:24

менің ойыма "жас отан жастар қанаты" деп кілең жағымпаз жастарды тәрбиелеп жатыр екен деп ойладым. тіпті "Сізідң сыйлаған тұмарыңыздың арқасында Обама АҚШ сайламында жеңіске жетті" деген сияқты сөздер де айтылды. бұл деген сұмдық қой.

+0
19 қараша 2012, 05:29

Кеңестік кезеңде қызыл галстук байлаған пионерлер осылай жазатын еді. Әсіре мақтау-мадақтау. Осы бір ұлттық менталитетімізге жат қылықтан әлі де арыла қоймағанымызды аңғардым. Түркіменстанға күлуші едік...

+0
19 қараша 2012, 08:59

Аман болсын!

+0
19 қараша 2012, 09:44

Арманың орындалып ақ патшаңның ақ жүзін көру бақытына кенеліпсің. Жарайсың! Өзің үшін сондай қуаныштымын! Съезге барған жастар ақ патшаны көргеннен бұрын, көптеп фотоға түсіп қайтқандай ғой)))

+0
19 қараша 2012, 21:01

ия арман орындалды, шүкір, Елбасымен суретке түстім ля ля ля)))

+0
19 қараша 2012, 12:27

Әрине мұндай дүние біздің ұлттық танымымызға жат. кеңестік кезеңдегі құлдық санадан әлі арылмай келеміз. ел болашағының тізгінін ұстайды деген "Жас отан" осылай істеп отырса, өзге жұрт не болмақ. кешегі батыр бабаларымыз хан алдына қамшысын сүйретіп кіретін ер жүрек, қаймықпас еді. бүгінгілер түлкі бұлғаңға сала бастады. Кешегілер кезі келгенде ханның басынан қарғитын бөрі еді, бүгінгілер кезегі тисе табанын жалап, бұтының арасынан өте шығатын бұралқы болыппыз. осындай жастарға ашынбағанда қайтесің

+0
19 қараша 2012, 21:06

жақсылығын сезініп жүрген жастар алғысын айтады осылай, жағымпаздық бөлек әңгіме!

+0
20 қараша 2012, 01:35

Ақ-Бөрі ағаның пікірі ұнап отыр

+0
19 қараша 2012, 15:16

Жарайсың, Нұрзияш! Жақсы әсер алып қайтыпсың.

+0
19 қараша 2012, 17:21

Шулап қол соққандары әрине жағымпаздық, орнымен соғу керек шапалақты да!
Елбасымыздың айтқанының бәрі дұрыс, бәрі орынды - бірақ соның бәрін ол кісі жалғыз қадағалай алмайды, сеніп тапсырған ойына келгендерді жасайды! Бәрі де берген сөздеріне берік, елге адал қызмет атқарса екен!

+0
19 қараша 2012, 18:08

цотонода аграрлы универдің нақ қасында тұрам. 3-күн массовкаға дайындалғандары былай тұрсын, сол күні таңғы алтыда барлығының жарықтары жанып, 7-де 8 аутобыспен алып кетті. аядым байғұстарды.
назик кеткен соң зал босап қалыпты дид.. не керегі бар осындай көзбояушылықтың?!.. анабір студентің ваще кетті. Тұмар туралы айтып лағып.. Ренжіме, Нұрзия. мына постыңа жоғарыдағылар секілді "мәдес" дей алмайд кем.. "АҚ ПАТШАМ" :)))))))))) өлдім.. :))))))))))))))))

+0
19 қараша 2012, 20:40

еехх жігіттер, қыздар өздеріңіз патшаны жақыннан көріп, суретке түссеңіз әсеріңізді жазасыз сонда, мен саясат туралы емес Елбасына деген пікірмді айттым!

+0
19 қараша 2012, 21:24

бұқақақақа :lol: , әййййй, қайтейін!

+0
19 қараша 2012, 22:03

күлкің керемет!

+0
19 қараша 2012, 22:04

қайбір жетіскенімнен күліп отыр дейсіз

+0
20 қараша 2012, 00:11

рахмет, ешкімнің алдында ақталғым келмейді, әркімнің санасы өзіне, менің Елбасына деген пікірім осылай қалады, ал, Съез туралы мақалам міндетті түрде болады Құдай қаласа!

+0
20 қараша 2012, 00:14

Данагүл балапан, жылыңа қарасам, кішкентай қыз сияқтысың, саған әлі ерте бұлай деу, жағдай жасалып тұрғанда оқуға бөл көңіліңді

+0
19 қараша 2012, 22:35

Өліп-өшіп мақтаған екенсіз. Кеңестің қалдығын қашан тастаймыз екен. Әй қайдам Әбішұлы барда әліміз келмес құтылуга. Назарбаев жастарға назар аударуды енді үйреніп келе жатыр. Нұрсұлтан деп жүргенде құл сұлтанның күнін кешіп кетпейікші.

+0
19 қараша 2012, 23:17

Нурзия, құрбым! Сіз, жәй Нурзия емес, облыстық делегация қатарындағы үкілі жастар толқынынансыз. Бірді-екілі сын-пікір айтылды екен деп әлден-ақ, жасып қалғаныңызды мен кешіре алмай отырмын. Сіз, мынаны ескеріңіз: облыстың атынан түссеңіз де, ой толғанысыңызды мұнда білдірсеңіз де алды-артыңызды толық көре білуіңіз және қандай сынға, кімдердің талқысына түсіп отырғаныңызды топшылай білуіңіз аса қажет. Өз дүниеңізді өзіңіз қорғай алмасаңыз кімге тұлға болмақсыз? Бастап, қолға алдыңыз ба аяғына дейін шыдау керек. Жалғыз емессіз. Сізге келген сөз болса, мен-ақ көтеріп алайын. Істің жалғасын күтемін...

+0
21 қараша 2012, 22:34

Елбасының атқарып жатқан ісінің бәрі дұрыс шығар. Бірақ,ж алғыз өзі жасап жатқан жоққой,қасында нөкерлері бар,ұсыныс солардан түседі,қол қоятын бір адам. Елбасыны менде көргем,Ақтауда. Дәл қасында тұрдым. Шынымды айтайын,ешқандай сезім(толқу,қуаныш) болған емес. Қарапайым адам ретінде ғана қарадым. Қолын ұстап,суретке түсу- жақтырмайтын,жиіркенішті әрекеттер деп санайтын ісім. Бізде мынадай әзіл,шыны аралас сөз бар:"үй алғың келсе,өз мақсатыңа қол жеткізгің келсе - елбасымыздың арқасында деген сөзді көбірек айт" деген. Қазір жаңалық қарағымда келмейді. Себебі әр жаңалықта осы сөз қайталанып отырады. Жалықтырып жібереді. Осындай сөздерді дәл осы жерден оқимын деп ойламаппын. Жарайды,көп мыжымайыншы. Әркімнің өз жеке пікірі барғо,бұл менің пікірім, Көңілге алмаңыз
Сіздің атқарып жүрген ісіңіздің оң нәтижесі көп,пайдалы іс шығар. Шын жүректен өз ісіңізге табыс тілеймін. Сәттілік!

+0
22 қараша 2012, 17:29

рахмет, дұрыс әркімнің пікірі бар, мен жалғыз Елбасы емес, ТВ-дан жылт етіп көрген жақсы адамдармен суретке түспесем, өкініштен өртенетінімді білсеңіз ғой)..

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.