Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / ОҚШАУ ОЙ ШЫҒАР...

ОҚШАУ ОЙ ШЫҒАР...

ОҚШАУ ОЙ ШЫҒАР...

     «Тоны жоққа сәлем айт, етігі жоққа өзім барам» дейді екен «кәрі құда» қыс мезгілі. Бұл мақалды «Шуақты күндердің» (З.Ахметова) ішінен кездестірген едім ең алғаш рет. Он төрт жасымда. Ол кезде дұрыс түсінбегенмін. Жылдар өте келе әлгі мақалдың бекер айтылмағанына көзім жете түсті. Тонымды сайламасам да, етігімді ерте бастан қамдап қою әдетке айналды. Күн болса суытып, қыс та, қар мен аяз да иек астында тұр...

     Күні кеше ғана алған жап-жаңа етігімнің сыдырмағы сынып қалған болатын. Етікші іздеп, жақын жердегі аяқкиім жөндейтін дүңгіршекке бардым бүгін.  Ұйғыр жігіті етігімнің сыдырмағын бір сағатта тігіп беретінін айтқан соң, біраз күтуге тура келді. Қолы-қолына жұқпай жұмысын істеп отырған ұйғырдың баласына қарап отырып ойға қалдым. Қаладағы кәсіптің бірі – осы етікшілік. Бірақ бір қызығы, құбыр тазалайтын да, сағат жөндейтін де, етік тігетін де – өзге ұлттың баласы. Мейлі ғой, мәселе онда емес те шығар...

      Аядай дүңгіршектің ішін көзіммен бір сүзіп өттім. Тап-тұйнақтай. Кенет... Үстел шамының тұсындағы екі бүктелген газетке көзімнің түскені. «Уйгур авазидің» соңғы саны екен. «Бұл газет бұрын «Коммунизм туғи» деп аталды иә», – дедім етікшіні әңгімеге тартпақ болып. Ол осы апталық газетті тұрақты түрде оқитынын, бірде-бір санын жыртпай досына беретінін, оның дәрігер екенін, уақтылы алып оқуға қолы тимейтінін мақтанышпен айтты... Етігімді де дұрыстап тігіп берді...

      Дүңгіршектен шыққанда «келесі астановка Байтұрсынова» деген қазақ бауырымның дауысы естілді... Ең құрыса, қазақша хабарлағанда «келесі аялдама Байтұрсынов көшесі» деп дұрыс айтқанда ғой...

 

Р.S. Қазақтың кез келген баласы (ұлы – электр маманы, қолөнерші, дәнекерлеуші, етікші, т.б, қызы – шаштараз, аспаз, тігінші, т.с.с) қосымша кәсіпті меңгергеннің артық болмайтынын неге түсінбейді екен?!   

1671 13
Рейтинг: +5

Жазылған уақыты: 06 қараша 2012, 20:49
Тегтер: "өз ойым - өзімдікі", етікші, газет...
Пікірлер
+0
07 қараша 2012, 09:09

соны айтамын! әйтеуір бәрі бизнсмен, заңгер болуға құштар ғой

+0
07 қараша 2012, 09:26

)))))Заңгер де керек, бизнесмен де керек... Өкініштісі, ЖОО бітірген соң "диплом бар, сандықта жатыр" деп қойып, тәшке сүйреп жүргендер қаншама... Өз елінде жүріп!!!

+0
07 қараша 2012, 10:15

Айтар ойыңыз орынды. Өкінішке орай, қосымша кәсіпке бару ар-ұятты саналады. Себебі, ол қара жұмыс. Менің ойымша, онда тұрған ештеңе жоқ. Әрине, кез келген ата-ана өз баласының сапалы білім алып, жақсы жұмысқа орналасуын қалайды. Дипломы қалтада, жұмысы жоқ болып жүргенше біреудің етігін жөндеп, біреудің шашын тараған артық. Біле білсеңіз, ол да еңбек. Ол үшін де ақы алуға болады.

+0
07 қараша 2012, 10:20

мәселе "жігітке жеті өнер де аз"-да болып тұр ғой, айтпағым осы еді))))))))))

+0
07 қараша 2012, 16:27

Менің ойымша ол да бизнес! Мемелекеттік 9 дан 6 ға дейін тапжылмай отыратын, қала берсе ерте барып кеш қайтып жүргеннен, өзіңнің салоның, магазинің болғаны жақсы ғой! ;)

+0
07 қараша 2012, 10:17

Мен, бір жігітті білемін. Бес дипломы бар, оның үшеуін қызылға бітірген! Соңғы екі-үш жыл көлемінде жұмыссыз қалып, картоп егіп кетті. Дегенмен, ірі болмаса да тәуір қызметке қайта қол жеткізді. «Орайы келсе - орақ ор, кезі келсе - кетпен шап». Соған қарағанда қазақ жігіттері де намысты қолдан беріп, дүниеге есесін жібермейтін сияқты ). Мүмкін, Сіз, тағы бір байқап көрерсіз. Қанша дегенмен етіктің екінші сыңары бар ғой ).

+0
07 қараша 2012, 10:21

Бізде шет елде жүргенде асқан патриот болып кетеміз ғой, дәлел шет елде оқып жатқан балалардың жазбасынан көремін. Мүмкін оларда біздің елде жүргендіктен де солай істейтін шығар...

+0
07 қараша 2012, 10:26

Айкона, төмендегі пікір Бигелдіге арналған еді... Ол да мүмкін! Бірақ ұйғыр халқының 90-жылдары газеттерінің таралымы түсіп кеткенде әр отбасы 5-6 "Коммунизм туғиға" жазылып газеттерін сақтап қалғанының куәсі болғам.

+0
07 қараша 2012, 10:23

Еңбек етуден арланбау керек... бірақ соңғы сөйлемнің авторға қаншалықты қатысын түсіне алмадым))))))))))

+0
07 қараша 2012, 13:45

Дәл бағытталған дөп түсуі тиіс ). Жас баланы тәрбиелеп адам санатына қосу жылдарды сарп етсе, тұтас халықтың сана-сезімі, ғасырлар бойғы дағдысы мен тұрмыс тіршілігіне өзгеріс енгізу ғасырларды құрбан ететіні анық. Қанша дегенмен өз қазағың, өз бауырың; әрі, асыл текті, сері халықтың ұрпағы. Мүмкін, ұсақ-түйек, бақалшылықты бойына ар көрер. Бір қарағанда дәл қазір Сіздікі жөн болғанымен уақыт өте ол ойдан да айнырсыз. Салыстырмалы түрде етіктің екінші сыңарын қазаққа апардыңыз делік, дәп сол сәт: «Өкініштісі, ЖОО бітірген соң "диплом бар, сандықта жатыр" деп қойып, тәшке сүйреп, етік тігіп жүргендер қаншама... Өз елінде жүріп!!!» деген ойдың келмесіне кім кепіл?. Ақиқатында дәл қазір «Қазақтың кез келген баласы (ұлы – электр маманы, қолөнерші, дәнекерлеуші, етікші, т.б, қызы – шаштараз, аспаз, тігінші, т.с.с) қосымша кәсіптерді» біршама игеріп қалғаны тағы да жасырын емес. Тең басып, тең қарағанға, үмітпен сенім арта білгенге не жетсін!

+0
07 қараша 2012, 14:48

менікі тек ой салу... шыны керек, жаңалықтардан күнде еститін қылмыс жайлы жағымсыз жай шаршатады. Оны жасаушылар өз қандасың болса, оның жарасы өз алдына... Ал қылмыс не тойғаннан, не тоңғаннан жасалады... Жақында ғана Нұртөре ағаның мақаласы шығып еді. Сонда "Ататын да қазақ. Атқызатын да қазақ. Арам қатқызатын да қазақ. Сонда біз не болдық? Қандай ел болдық? Елміз бе өзі?!.
Мақтан мен мадаққа семіріп, майлы жілік кеміріп, кемел болашаққа қадам басып бара жатырмыз деп күмпілдейміз. Қандай болашаққа? Әркімнің атасын оқ тосып тұрған болашаққа ма?!" делінген. Өкініштісі де - осы...

+0
07 қараша 2012, 15:57

Сіздің көңіліңіз бен ойыңызды, шыныңыз бен өкінішіңізді бір кісідей-ақ түсініп отырмыз, түсінер деп жазып та отырмыз. Амал не, әзірге осылай. Бірақ, қол қусырып қарап, сөз сапырып санасып отырғанның жөні тағы келмейді. Осындай ой, жазар көбейсін. Бәріне болмаса да біреудің көңіліне сәуле түсірер, біреудің ісін алға сүйреп, игілігіне айналар, ал, біреудің отын жандырып бағын ашар. Не қылса да қам-қарекетсіз қалмайық. Қандай жағдай болса да еңсемізді тіктеп, алдағы күндерге үмітпен қарайық. Сіз болып, біз болып қолдассақ бір қауым ел болармыз. Бірлігі мен тірлігі, әні мен сәні жарасқан елді, топты көргенде қазақтың қаны қызбай, әруағы қозбай тұрмайды. Адасқанның алды жөн: адасқан үйіріне қосылар, алжасқан ниетін түзер. Осы жол тура, «Көш жүре түзеледі». Құдай ынтымағымызды, ауыз біршілігімізді жарастырсын. «Ырыс қайда барасың – ынтымаққа барамын!», - деген бабалар ізінен, замана көшінен жаңылыстырмасын!

+0
15 қараша 2012, 14:43

Мені мақал ойға қалдырды... және қосымша мамандықты игеру мәселесі де толғандырып қойды. Бұрын ол жайында ойламаушы едім, маған журналистика ғана керек дейтінмін... Рахмет, ойға қалдырдыңыз... Осындай астарлы, бір емес бірнеше ойға қалдыратын жазбаларды ұнатамын!!!!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев