Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Қолда бардың қадірі жоқ

Қолда бардың қадірі жоқ

Қолда бардың қадірі жоқ

Жатақханада көрші бөлмеде бір қыз тұрды. Күндіз әңгімеміз жарасады, ал түнде... Түнде ол менің әзірейілім іспетті мен үшін одан жаман адам жоқ. Жүрегі ауырғандықтан, қатты қорылдайтын. Оның қорылы қабырғаны тесіп өтіп, құлағымның түбінде тұратын да қоятын. 

Түнімен ұйықтай алмай дөңбекшіп шығатын ем. Ал қасымдағы қыздар қаннен қаперсіз тәтті ұйқының құшағында жатар еді. Содан бір күні таңғы шай үстінде сұрадым:

-Осы Айгүлдің қорылын естімейсіңдер ме?

Толқын сыңғырлап күліп жіберді:

-Менің әкем одан екі есе қорылдайтын, ондайға етім өліп кеткен!

-Маған да әсер етпейді.

Жаннұр да жайбарақат.

-Ал мен осы бөлмеге келгелі ұйқыдан айрылдым! Тіпті бар ғой... 

-Айтсайшы енді қорылдама деп. 

Жаннұр мен Толқын бір-біріне қарап күлісіп алды. Менің осы бір титтей нәрсені үлкен мәселе қылып көтеріп отырғаным жақпаса керек. 

Үлкен мәселе болмағанда ше?! Жөнді ұйқы көрмеу мәселе емес деп кім айтты?!

Бір күні шыдамай кеттім. Өзім құлағыма бірде мақта, бірде құлаққап киіп, "азапқа түсіп" әрең көз ілгем, түнгі 3-те оянып кетпесім бар ма... Айгүлдің қорылы үдеп барады. "Ааааа!" Жалпы адам таңертең оянғанда өкінетін істерді түнде жасайды ғой )) Түн сол үшін де қараңғы ма деп қалам кейде. Түннің түнегінен жанарлар тұмшаланып, көңіл ұйқыға кететіндей...

Жұлқи басып, көрші бөлменің есігін сілкілей аштым. Жарықты жарқ еткіздім, жарықпен бірге ашуым да жарқ етті. 

-Айгүл! Айгүл! Айгүл деймін!

...Есімді енді жидым. Үш қыз үш жерде үрпиіп отыр. Бәрінің көзінде бір сұрақ: "Мынаған не болған, жын қаққан ба?"

Айгүл мәселені бірден түсінді. Жанарын төмен тұқыртты да: "Кешір, менің қолымдағы нәрсе емес"-деді.

***

Түн. Бөлмеде бір өзім. Қыздардың бәрі үйлеріне демалысқа кеткен. Қорылдайтын Айгүл жоқ. Өлі тыныштық. Біртүрлі мазасызбын. Тұрып жарықты жақтым. Бос қалған кереуеттерге қарасам болды, жаным жүдейді. "Қыздарым қашан келер екен?" деп күн санап жүрмін. Олар келгенше, әлі көп бар. Кеткендері кеше ғана. 

Жаннұр мен Толқынның "түнімен ұйықтай алмаймын" деген шағымыма неге миықтарынан күліп қарайтындарын енді түсінгендеймін. Ех... Не деген ақымақ едім! Мазаңды алатын ешкім жоқ, ендеше нағып тұрсың жеті түнде? 

Шыным... Айгүлді сағындым.

14
Рейтинг: +6

Жазылған уақыты: 18 қазан 2012, 12:06
Тегтер: түн, Алматы, жатақхана, өмір, қадір

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.