Оқи отырыңыз

Мойындағы борышты білу – білімнің ісі, борышты төлеу – адамшылық ісі

Автор: Ахмет Байтұрсынұлы

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бала тілі - бал

Бала тілі - бал

Бала тілі - бал

Осыдан біраз уақыт бұрын кішкентай балақайлардың айтқандарын жиып-теріп жазған болатынмын. Кейін тағы шығарамын деп уәде еткенмін. Соның жалғасын жазу бүгінге бұйырып тұр екен.

Кішкентай бауырларым маған "сен" деп сөйлейтінін ескерте кетейін.

***

Іс-сапарда көп жүретін ағамның 5 жасар кіші қызы әкесі кезекті іс-сапардан оралғанда: "Папа, я тебя так долго ждала. Ждала, ждала. А тебя нет и нет. Я уже подумала, что ты умер" деген еді. Мұны естіген ағам есіктен кірген бойда шалқасынан түскен)))

***

Көршінің баласы менің шешемді "Көрші апа" дейтін. Бір күні шешесі оған "Көрші апа демей, құр апа десейші" деп үйретіпті. Сол күннен бастап менің шешем оған "Құр апа" болып кеткен)))

***

Осындай ұқсас оқиғаның тағы бір куәсі болдым. 2010 жылдың жазы. Пойызбен Астанаға кетіп барамын. Алматы-Екатеринбург бағытындағы пойыз купесіндегі жолсеріктерімнің бірі Қазақстаннан 90-жылдары Челябинск қабірден дос болып кеттік. Көздері көк 3 жасар балақайдың тілі "р", "ш" әріптеріне келе бермейді. Мен Астанаға жеткенше екеуміз ойнап, купе, вагон түгілі бүкіл пойызды басымызға көтеріп, ойнадық. Атымды айта алмай қиналып кеткен соң, бұл бала мені "Тетя" деп кетті. Ал әжесін "Баба Вея" дейді екен. Неге екені белгісіз, елуден енді асқан Вера тәте немересіне: "Мені "Баба Вера" демей, "Просто Вера" деп ата" деп үйрете бастады. Содан не керек Максим бүкіл пойызға "Пиосто Вея" деп айқайлай жөнелді. 

***

Екінші ағамның қызы Әсем кішірек кезінде барлығын "Досым" дейтін. Атасын көрсетіп, "бұл кісі саған кім болады?" дегенде, "Досым", көрші баланы көрсетіп, "Кирилл кім?" десең "Досым" деп жауап қататын. Содан бастап әлі күнге дейін Әсемнің мақамына салып, барлығын "досым" деп айтып кеткенбіз.

***

Кенже ағамның тұңғыш ұлын Айбекті кіші шешем "Кіші ата" деп кеткен. Себебі, сөйлей береді. Жай сөйлеп қана қоймай, ақылға қонатын, шалқаңнан түсіретіндей дүниелер  айтады. Айбектің мектепке дайындық класына барып жүрген кезі. Бір күні апайы қалың жемпір киіп келіпті. Шамасы, кішкентай бауырымның көзіне жаңағы жемпір жұпыны болып көрінсе керек. Сабақ бітіп, апайы: "Ал, балалар, сау болыңдар!" десе, біздің бала апайына: "Апай, ертең мына советский жемпіріңізді киіп келмей-ақ қойыңызшы" деп айтыпты. Кейін апайы жиналыста бұл әңгімені менің ағама айтып беріпті.

***

Айбек біздің үйде жүрген. 4 жасындағы кезі. Менің компьютер алдында отырғанымды көріп, жаныма келіп: "Не көріп отырсың?" деді. Мән-жайды айттым, содан компьютердегі суреттерді көрсеттім. Содан кейін бір папканы ашып, сол жақтағы той көйлегін киген модель қыздардың суретін отырып, бірге тамашаладық. Бір кезде: "Мұндай көйлекті менің де мамам киген" деді. Айбектің әке-шешесінің тойында билеген мен өзімше білмегенсіп: "Солай ма?!" деп едім, "Иә, солай. Ал сен қашан мұндай көйлек киесің?!" дегені.

***

Барлығын "досым" дейтін Әсемнің мектепке дайындық класына барып жүрген кезі. Сурет сабағында ұстаз мысық салыңдар деп тапсырма беріліпті. Барлығы қолдарына қарандаш алып, мысық сала бастайды. Біздің қыз болса, күнді, аспанды, әкесін, шешесін, өзін, ағаштарды, гүлдерді және үлкен үйді салған екен. Мұны байқаған мұғалім: "Әсем, біз мысық салып отырмыз ғой. Сен неге мысық салмай отырсың?" десе, менің сіңлім: "Мысық мына үйдің ішіне кіріп кеткен" деп жауап қатыпты. Мұндай жауапты күтпеген ұстаз Әсемге дәу "5" қойып беріпті. 

***

Кіші әкемнің кенже ұлы Жансеріктің мектепке дайындық класында оқитын кезі. Бірге оқитын, бір партада отыратын қызға ғашық болып қалыпты. Жазу-сызуды енді үйрене бастап, әріптерді танығанда қолына қалам мен қағаз алып: "Мен сені жақсы көремін, сен маған тұрмысқа шығасың ба?" деп хат жазыпты. Өзі ұқыпты, әр нәрсеге жауаппен қарайтыны тағы бар. Шешесіне барып: "Шеше, дұрыс жаздым ба? Қатесі жоқ па?" деп хатын көрсетіпті. Шешесі аң-таң кімге жаздың деп, мән-жайды сұрастырған. Біздің өжет бала барлығын жайып салған. "Үзілісте барлығы класстан шығып кетеді, сонда мен оның сумкасына білдіртпей хатты салып жіберемін" деп өз ойымен бөлісіпті. Шешесі: "Қой ұят болады, апайың көрсе, ұрсады" десе көнбейді екен. Содан не керек, кіші шешем алдап-сулап: "Хатты сандыққа салып қояйық, ертең мектеп бітіргенде бересің" деген екен. Шешесінің бұл сөзіне баласы тоқтапты. Бірақ, құдайдың құтты күні: "Хатым қайда? Сандықта жатыр ма? Жыртып қойған жоқсыз ба?" деп шешесіне сұрай береді. Қазір ол хатты өзі де ұмытып қалды. Бірақ, шешесі сертін бұзбай, хатты сақтап, сандыққа салып қойған. Ертең есейгенде көріп, өзі не дер екен деп біз мәз болып жүрміз. Неткен романтика десеңізші! Бауырымның осындай романтик екенін мен де білмеппін))))

4736 9
Рейтинг: +6

Жазылған уақыты: 08 қазан 2012, 23:35
Пікірлер
+0
08 қазан 2012, 23:55

О-о-о :) керемет сөзім жоқ

+0
09 қазан 2012, 00:09

Уау, күшті, мен де осындай бал оқиғаларды ұялыға жазып жинап жүруші ем, қаз ол ұялым жоқ менде. Кей оқиғалар бар ғой айтсаң/жазсаң дәмі кетіп қалатындай, тек көзбен көру керек... Жалпы қызық оқиғалардың ең тәттісі балалар жүрген жерде ғой... Мен де бір оқиға жазайыншы, нағыз заманауи оқиға десең да: Жақында 3 жасар Айзат сіңілім келген Ордадан, жасы 3те болғасын "неше?" деген сұрақтың бәріне "3!" деп жауап береді, сатушы, такси ойнадық та, содан "қанша тұрады?", "неше теңгеге апарасың?" десем "3!" дейді, содан "арзан айтпасай, 3 мың доллар деп айт!" дегем, сөйтсем ауылға барған кезде ата-әтежелерінің "неше күн демалдың?", "қанша балмұздақ жедің?", "неше теңге жұмсап қайттың?" дегендеріне "3 мың доллар" деп жауап беріп жүр екен :lol:
Әсем балақай нағыз бауырмал, досшыл боп өсіп келе жатқан шығар, ә?

+0
09 қазан 2012, 08:05

қандай күштіііі, сәби болғым келіп кетті)))

+0
09 қазан 2012, 16:49

Біздің әулеттің балалары да сөйлегенде өзің не айтарыңды білмей қаласың ғо, төбеңнен қойып қалғандай айта салады!

+0
09 қазан 2012, 17:33

Ulkender aitpakwi "Akirzamannyn baldari" sozderi tuieden tuskendei

+0
10 қазан 2012, 11:09

Әпкемнің екі қызы әке-шешесінің тойдағы суреттерін тауып алып, "Мама, сендер үйленген екенсіңдер ғой!" депті. Мамасы, иә, үйленгенбіз деген. Біраз уақыттан кейін екінші қызы "Мама, Кәмшат саған туфли әперсін, мен көйлек әперемін, папа екеуің тағы үйленіңдерші" депті )))

+0
10 қазан 2012, 11:40

Бiрде жиенiм мамасынын халатынын замогы бузылып,жондеп отканын корiп:"мама,сен семiрiп кеткенсiнгой,сол ушiн замогы бузылган. Арыктагын келсе,активиа iшшиш"дептi. Мама,папасынын уйленген кездерiндегi суретiн коргенде"мен неге жокпын,неге апармадындар тойга"деп жылаганы бар. Бала кайдан бiлсiн,ол кезде алi планда жок екенiн.

+0
10 қазан 2012, 11:47

Қызық екен:)) Ары қарай жалғастырып жаза бер. Естіген, көргендердің бәрін тізіп жазып жүрудің өзі - үлкен еңбек. ;)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев