Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Мен қалай ұстаз болдым?!

Мен қалай ұстаз болдым?!

Мен қалай ұстаз болдым?!

Бүгін Ұстаздар күні! Бүкіл мектептерде, оқу ордаларында бұл мерекені ерекше атап өтіп жатыр. Таңнан бері қолдарына шоқ-шоқ гүлдер алып мектепке қарай кетіп бара жатқан балақайларды көріп, өткен күнді еске алдым.

Бала күні менің арманым көп болатын. "Кім болам?" деген сұраққа әр кез әр қиыл жауап қататынмын. Бір жазбамда ол туралы кеңінен тоқталғанмын. Менің ұстаз болғым да келген. Ауладағы өзімнен кішкентай балаларды жинап алып, өзімше "апай" болып, оларға сабақ беретінмін. Есесіне, оған шеше-әжелері мәз болатын. Себебі, мен оларға әріптерді, сандарды үйрететінмін. Кейін ол қызығым басылды.

Бала-бақшаның жоғарғы тобында оқып жүргенде бізді кішкентай топтарға апарып, өзімізден кішкентайларға қамқор болуға үйрететін. Өзіміз кішкентай бола тұра, оларға кәдімгідей қамқор болушы едік.

Мектепте оқып жүргенде "Ұстаздар күні" немесе "Өз-өзіңді басқару күнінде" өзімізден төмен сыныптарға сабақ беретінбіз. Неге екенін білмеймін, мен "екі" не "үш" деген бағаларды қоймайтынмын. Өзім де, өзге мәз болатындай тек 4-5 қоятынмын. 

Есейе келе, студент кезімде репетитор болып жұмыс жасадым. Үйіме мектеп оқушылары келетін. Түске дейін өзім сабақтамын, түстен кейін үйде сабақ беремін. Қазір ол оқушыларым өсіп кетті. Бойлары да ұзын, мен кішкентай болып, кіндіктерінен келемін.

Биыл қыста педагогикалық тәжірибеден өттік. Сырттай оқитын студенттерге сабақ бердік. Кейбір студенттер өзіңнен үлкен. "Сен апай" деп бастағанда сөздерін не деріңді де білмей қалады екенсің. Кейбір студенттер: "Біз, негізі, сабақ оқып қана қоймай, жұмыс жасаймыз ғой" деп сүйінші сұрағанда, "Жалғыз сіз ғана емес, мына біз де күндіз жұмыс істеп, кешке оқимыз" деп жауап қайтарғанмын. Сол кезде маған, шыны керек, олардың сабаққа келуі бір міндет болып көрінді. Мектептегі бір апайым: "Оқу өздерің үшін керек. Біздің оқитын заман өткен. Қалтамызда қағазымыз бар, сендер кетесіңдер, орындарыңа басқа оқушылар келеді" деп айтушы еді. Расында, әркім өзі үшін оқиды емес пе?! 

Негізі, ұстаз болу оңай шаруа емес. Әр оқушының көңілінің кілтін тауып, олардың тұлға болып қалыптасуына сүбелі үлес қосатын жан болу екінің қолынан келе бермейтін дүние. Аса сабырлықты, шыдамдылықты, жылулықты қажет ететін үлкен кәсіп қой. Бірақ, менің ойымша, ұстаздардың зор еңбегі біздің заманда аса бағаланбайтын сияқты. Ешкім де ұстаз болуға аса ұмтылмайды. Ұстаздар да өз қызметін дұрыс атқара бермейді. Көпке топырақ шашудан аулақпын, бірақ, осы күнге дейін түйгенімді айтып отырмын. Пір тұтқан ұстаздарымыздың пара алып, ҰБТ жауаптарын сатып, кетік қылықтарын көргенде оған деген құрметің де, жылы сөзің де өшеді екен.

Бірақ, "осындай ұстазым бар менің" ауыз толтырып, үлкен мақтанышпен айтатын апайларым бар-ақ. Оларға деген сыйластығым да ерекше. Әр кез демеп, ақыл-кеңесін аямайтын сондай жандардың барына мың шүкір. Өз қызметін міндетсінбей, адал атқаратын олардың алдына бас ие бергің келеді.

Кәделі кәсіптің етегін ұстаған барлық жандарды төл мерекесімен құттықтаймын! Білім ғана бермей, үлкен өмірге дайындайтын ұстаздарымыз аман болсын!

5590 14
Рейтинг: +5

Жазылған уақыты: 05 қазан 2012, 15:42
Пікірлер
+0
05 қазан 2012, 15:51

Бірінші атаман дос қызымыз екеуміз сабағы онша емес дос қыздарды оқытып, есеп шығара алмаса тоқпақтап, тастай баняға қамап қоятынбыз, ұят-ай :oops:

+0
05 қазан 2012, 15:54

Неткен қатыгез едіңдер :shock:

+0
05 қазан 2012, 16:28

Сонда сен екінші атаман болдың ба? :)

+0
05 қазан 2012, 15:59

баламыз ғой), масқара тірлік жасаппыз, ол кезде сондай заман ғой дим тыныш, қазір біреуге сөйтші сені түрмеге қамап қойсын)

+0
05 қазан 2012, 16:03

Ұқсаң ұқтың, ұқпасағ өзің біл дейтін заман ғой бұл)))

+0
05 қазан 2012, 16:02

Мұғалімдердің еңбегі бағаланбайды меніңше, жалақылары аз, тексерулері, бітпейтін қағаздары көп. Біреудің баласы үшін сөз естіп, соның істеген қылығына кінәлі болады, көп ата-аналар түсіне бермейді оларды. Менің жаным ашиды мұғалімдерге!

+0
05 қазан 2012, 16:24

Ата-аналар бір күн сабақ беріп көрсінші, сонда мұғалімдердің жағдайын түсінер еді. Кейбір ата-аналар өздерінің 1-2 баласына ие бола алмайды, сөйте тұрып, отыз баланы тәрбиелеп жүрген мұғалімдерді кінә жапқыш.

+0
05 қазан 2012, 16:25

мұғалімдерге )))

+0
05 қазан 2012, 16:10

Мұғалім болғым келіп жүр. Таңнан кешке дейін төрт қабырғада қамалып отыратын кеңсе жұмысынан гөрі, мектептің атмосферасы ұнайды маған. Мектеп дәлізінде жүріп, сабақ өтіп жатқан әр сыныптағы дауыстарды есту қызық, ал оқушылар қоңырауға шығып, у-шу болғанда оқу ордасына жан біткендей болады.

+0
05 қазан 2012, 16:15

Мереке күндері сый-сыяпатқа қарық боласың))) Білім департаментінен тексеріс келгенде барлығын сығып алады))) Бітпейтін қағаз, бітпейтін есеп)))

+0
05 қазан 2012, 16:22

Бітпейтін қағаз, есеп дегендерді уақытымен жасап, әр құжатың өз орнында болса болды ғой. Ал мұғалімдер полкадағы шаң басқан папкілерін тек тексеріс кезінде ғана қолдарына алып, бір-біріне соқтығып, жанталасады. :D

+0
05 қазан 2012, 16:34

Жоқ, Арай қателесесіз! Тексеру келгенде ғана емес, күнде план жазу, тәрбие сағатын ашық сабақ, ата - ана жиналысы, келмей қалған баланың үйіне бару т.с.с.кезектен тыс неше түрлі тексерулері көп. Мұғалім болсаңыз көресіз.

+0
05 қазан 2012, 16:14

Ұстаздар күні құтты болсын!! Сапалы білім беріп, саналы шәкірт тәрбиелейтін ұстаздарымыз көп болғай. Ұстаздар қауымына денсаулық, бақыт, қайрат пен қажырлылық тілеймін.

+0
05 қазан 2012, 20:51

Ұстаздар күні құтты болсын. :) Әлі күнге дейін араласып, сыйласатын мұғалімдеріміз аз емес.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев