Оқи отырыңыз

Адам тек жаңа туған кезінде, содан соң тек өлер сәтінде ғана бар күнәһарлықтан таза, ақ, адал сезімнің айдынында жүзе алады

Автор: Оралхан Бөкей

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Сұраймын, жауабыңыз болса...

Сұраймын, жауабыңыз болса...

Сұраймын, жауабыңыз болса...

Көңіліме бір сұрақ ұяласа, біледі-ау деген кісілерден сұрауға қысылмаймын. Көп адамдардан сұрай беремін, жауаптарды салыстырып. Соңғы күндері мына бір жәйттің сұрағы мазалап жүр, айтайын:

Қашанда дастарханға қойылған үлкен асты қадір тұтып, киесін айтып, аталарымыз һәм ер ағаларымыз, болмаса шынашақтай болса да балаларға бата қайыртып, баталы сөзіне алғыстарын айтып жатады жұртымыз. Күні кеше көп емеспіз, аз ғана кісілермен дастархан басында жиналдық. Қазы-қартасы, жал-жаясы жайылған ет тартылған соң, батаны күттік үлкеннің аузынан. Бір кезде "тұра тұрыңдар, мен бата берейин"- деп бір апатайымыз соғып қалды. Алпыстың асқарындағы ағамыз да, апсадай өзімен жасты еріміз де аң-таң. Түсінемін, тілі мен жағына сүйенген, салмақты батасы болса, айтсын. Қазақша екі сөздің басын құрай алмай, шатып-пұтып отырған ол кісі мені кәдімгідей таңқалдырды. Түсінемін, үйінде берсін батасын, ер адам болмаса берсін. Ал, ата сақалы аузына түскен ерлерді құрмет тұтып, қол жаймағаны басынғандық болар.  "Әке тұрып, ұл сөйленгеннен без, шеше тұрып қыз сөйлегеннен без" дегеннен аспайтын ұрпақпыз ғой, о заманнан. Содан бері біраз адамдадан сұрадым. Сондағы отырған ағайлардан да сұрадым, кешегі бата бергені дұрыс па екендігін. "Жоқ" бәрінің айтары. "Неге, жөнін айтпайсыздар сол кезде" деп өзімнен-өзім шырылдап қоямын.( Нем бар ии, құрсыншы).

Біреуден сұрасам, "Қожаның (елі) әйелдері бата бере береді" дейді. Тағы аң-таңмын. Қазбалап сұрай бастап едім, мардымды жауап ала алмадым. Негізі мен ел, руға онша мән бермеймін. Кейбіреулер құсап, еліміз бір туысқанмын деп жабыса да бермеймін. Көп мән бере бермеймін. Бір досыммен сөйлесіп отырғанда:"руы кім болса, ол болсын, қазақ болса болды да" деп жауап бергенім бар. Қазіргі ойым, Қожалардың басқадан қандай артықшылығы бар? Білмегенім ұятты болса да, сұрамасам санада маза жоқ. 

Тағы бір сұрақ "Еркек тұрып, әйел сөйлегеннен без" деген мәтел ма, мақал ма, бірдеңе жоқ па?) Меніңше бар сияқты, сол кісінің баса көктеп бата бергені ойымды сан-саққа жіберді. Бірақ, кей жақтарда әйел бата қайыратын үрдіс болуы да бек мүмкін.

Сонымен сұрайын, Сіздер қалай ойлайсыздар, қазағымның қалың ойлы оқырмандары-ау, үн қосыңызшы! 

Рейтинг: +0

Жазылған уақыты: 17 қаңтар 2012, 22:04
Тегтер: бата, ер, әйел, қазақ, ас
Пікірлер
+0
17 қаңтар 2012, 22:24

негізі ер азаматтың болмаса өзің айтқандай шынашақтай болса да ер балларға бірауыз айтқызып бата жасатқан дұрыс дегенді қолдаймын, ал енді жоғарыдай жағдайда тура сол сәтте апайымызға жөнін айтып ер адамдарға жасату керек еді, онда тұрған түк те жоқ /жөнін айтқанда дегенім ғой)))/

+0
17 қаңтар 2012, 23:06

Меніңше, бұл жағдайдың астарында руға қатысты пәлендей еш нәрсе жоқ. Апамыздың түйсік-танымына байланысты болып тұр деп ойлаймын. Бірақ, сол жерде ер кісілер жөнін айтып жібергенде ғой.

+0
17 қаңтар 2012, 23:08

Қайтесің енді, гендерлік саясат )))

+0
18 қаңтар 2012, 09:26

)) мүмкін

+0
17 қаңтар 2012, 23:39

Анаркамен толықтай келісемін )))) Әйелдердің кіріспейтін жерлері қалмады ғой )))

+0
18 қаңтар 2012, 09:01

Бір аяғы жерде, бір аяғы көрде тұрған қарт әжем бар. Тоқсанның төрінде отырса да қазіргі жағдайдың барлығын бізден жақсы біледі. Бата бергенде сөздің түбін түсіреді. Небір сөздерді сол кісінің аузынан естимін. Ол кісі отырғанда ешкім бата бермейді біздің әулетте. Ол кісі болмаса, үйдің үлкені деп менің әкем береді.

+0
18 қаңтар 2012, 09:44

Ия, жасы үлкен, ақ шашты, сары тісті апаларымыздың орны бөлек, ол кісілердің батасын алғанда еш ерсілік байқамамаппын, мына кісі што то күйдіріп жіберді)

+0
18 қаңтар 2012, 09:19

батаны, әрине, руға қарап береді. хан, ақсүйек тұқымы, руға кірмейтін төрелер, сосын ұлы жүз, орта жүз, кіші жүз кезегіне келеді. Ал егер жалпы отырыста ең үлкен қария болса, егер аузынан шыққан сөз қадірлі, қастерлі болса соған береді. ӘЙел аналардың бата беруі түк ерсі емес, себебі тарихқа көз жүгіртсек Ұмай анадан Ұлпан анаға дейін, Жиреншенің Қарашашы сияқты талай аналар қасиетті болады. сондықтан бата береді. Жаңағы қожа дегендерін түсінбедім, олар руға жатпайды, бірақ қожа да төре тұқымы дегенге ойланып отырғаным. әр ауылдың айтқыштарынан сұрау керек. жалпы айтқанда анау әйел асығыстық жасаған сыңайлы. Немесе ештеме қарсы айта алмаған ел ағаларының да жөні м ен жосығы бар шығар. қайткенде де ауыл - асыл қазына...

+0
18 қаңтар 2012, 09:33

Ардақ, сенің айтып отырғаныңның орынды екеніне шүбә жоқ, менің айтқаным, ондай аналардың тырнағына да татымайтын қақпастың ісі ғой)).

+0
18 қаңтар 2012, 09:36

Әтте-е-ең, ол да біреудің анасы еді, ол да біреудің әпкесі, қарындасы еді... жалпы жұрттың ортасында жаманатты болуын амал жоқ, бұйыртты.

+0
18 қаңтар 2012, 09:46

сондай өзімшіл, менменшілдікке салынудың керегі қанша деймін да,

+0
18 қаңтар 2012, 11:23

рас-ау...

+0
18 қаңтар 2012, 11:14

Сенің ойың дұрыс! Ол әйелдің олай жасағаны дұрыс емес. Сен қалай ойласаң, солай дұрыс қой негізі, ешкімнен сұрамай-ақ:))

+0
18 қаңтар 2012, 11:37

толық ой қорытқан жоқпын сұрамай қоя салатын, "Қожалардың" аяғы аспаннан салбырап түсті ма деген де сұрақ болған, Ардақтың жауабына қанағаттануға болатын сияқты

+0
18 қаңтар 2012, 12:02

Қожалар - олардың түбі арабтар. Сондықтан бата беруді, құранды қожалардан артық ешкім білмеген дейді! Ал сенің айтқан апайың ондай емес сияқты. Ал Ардақтың айтқан ақсүйектерге, хан, төрелерге, жүзге, руға қарап береді дегенді бірінші рет біліп отырмын. Меніңше батаны - құранды жақсы білетін Қарилар немесе құрметіне қарай қариялар беру керек деп ойлаймын, руына қарамай. Олар болмаған жерде, жасына қарай ең үлкен адам немесе құранды, бата беруді жақсы білетін жас бала бере берсе де болатын сияқты.

+0
18 қаңтар 2012, 15:58

Назеркенің пікіріне қосыламын. Руға қатысы болмау керек сірә. Менің естуімше Арабиядағы арабтар ас қайыру батасын жасамайды екен ғой. Сонда барып, көрген кісі аузынан естігем.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.