Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Көңіл күнделігі. 7-ші жазба.

Көңіл күнделігі. 7-ші жазба.

Көңіл күнделігі. 7-ші жазба.

Есеп білмесең есең кетеді, есең кетсе еңсең кетеді. Халық даналығы.

 

Еңбек демалысына шығардың алдында «Есеп беруге» міндетті болғандықтан күні бойғы жұмысым сонымен өтті. Күн ілгері әзір болсам да «Қалай болар екен?» деумен сипақтап жүріп қалғаным. Мекеме – ішінара қызметке, қызмет бөлімдерге жіктелетіндіктен Менің «Есебім» бөлім атынан қызмет бастығына берілуі тиіс. Сипақтап жүргенімнің мәнісі – бастық мінезінің мыңқұбылғыштығы: кейде көл, кейде шөл, ал кейде көл мен шөлдегі елес сағым болып тұрса да таңқала қоюдың қажеті жоқ. Менің уақытым жұмыс барысына берілер есептен гөрі, болуы ықтимал ситуациялық жағдайларды пысықтаумен өткізілгені жасырын емес. Мұндайда менің ұстанатын басты қағидатым: «Қойшы болсаң бөркіңмен ақылдас!». Оның мәнісі былай: қазақтың, ата-бабаларымыздың тыныс-тіршілігі тікелей мал шаруашылығымен байланысты болып, көшпенді өмір салтын құрағаны, қалыптастырғаны әмбеге аян. Табиғаттың тосын құбылысы, өмірдің беймәлім қырларымен бетпе-бет келгенде олар іштей ойға шомып, ситуациядан шығу жолдарын бөркімен айтыса отырып талқылаған, шешім қабылдаған. Табиғат құбылыстарының тылсым сырларын танып білу қазақтардың бойына даналық қасиеттерін қалыптастырып қана қоймай, әлемдегі ең – қаны һәм жаны таза, ең асыл текті, ең асыл тұқымды халық дәрежесіне жеткізе білді. Міне, біздің ата-бабаларымыз, біздің қазақ осындай халық болған. Қасиеттілігі үшін ата-баба рухын қастерлеп, тағзым ете жүргеніміз орынды болар еді. Қойшылардың бөркін таяққа шаншып айтысуы кейіннен мықты ақын-жыраулар мен би-шешендерді, бертінірек академик Мұқтарбай Өтелбайұлы Өтелбаев сынды әлемдік математика корифейлерін дүниеге әкелді. Егерде, айтыс үстінде бөркінен жеңілсе аса бір тәуекелге бармай, амалына қарай әрекет еткен екен. Билердің қарсы дауды сатып алу дәстүрі де осы кезеңдерден бастау алған сыңайлы. Қарама-қарсы жағдаяттарды ойша саралау, сараптан өткізу процесі қойшы, малшылардың өте мықты математик, өте мықты программист болғанына шәк келтірмейді.

Сонымен не керек, ұрысқа әзірленген сарбаздарша сақадай-сай әзір тұрдым. Дегенмен, ісімді сынатып алғанды жөн көріп жанымдағы Ж. ағаға ойымды жеткіздім. Ол кісі өте білімді, терең ойлайтын, кең пішілген азамат қой, жазбаша есебіме көз жүгіртіп шықты да бірнеше сауалдар қойды. Көңілі толса керек, әлдебір орталықтың салалас жігіттерімен байланысқа шықты. Істі пысықтау, нәтиженің толымдылығына көз жеткізу үшін оларға жедел осында келіп-кетулерін өтінуді де ұмытпады. Шақырылған жігіттер 30-минуттың көлемінде кабинетте болып, іс барысымен танысуды жедел бастап жіберді. Тоқ етері бәрі дұрыс болып шықты! Жаныңда осындай – бар білгенін, қолынан келгенін аямайтын көпті көрген ағаларыңның болғаны қандай ғанибет. Әжептәуір арқаланып, көңілім жайланып қалды.

Рахметімді жаудырып болған соң маңғазданып жоғарыға, бастығымның кабинетіне барсам орнында жоқ екен. Ой, мұндай балаша қуанбаспын! Келдім бе келдім, жоқ па жоқ! Зу, етіп қайта өз кабинетіме келдім де Massaget.kz – ті іске қосып жібердім. Қарасам, Илхам Ибрагимнің «қысылу» диагнозы дау тудырып жатыр екен. Ибрагим мырза өзі қойған мәселенің мәнісі неде екенін аңғара алмай тұрған тәрізді. Оның шешімі ойын нөлге теңестіріп, жазғандарын кері бағытта оқыса табылып қалады...

Біршама уақыт оздырып бастығыма қайта барсам, әдеттегідей ысқырып қарсы алды. «Тапсырма неге кешіктірілді?» деген тәрізді адамды мезі ететін әдеттегі тым ресми сауалдар бірін-бірі жоқтатпай тізбектеліп өтіп жатыр. Жауап: Иә & Жоқ! Жазған басым «бас шұлғумен» бәйек боп мен тұрмын. Маған, қайткенде де «Есепті» өткізу керек. Жұмыстарымды қарап-қарап тұрып, бір кезде жібімейтін тас жүрегі елжіреп кеткені. Сұрақ-жауаптың арты пікірталасқа, пікірталас әріптестік қатынасқа, әріптестік сырлас дос-жаранға айналдырғаны сонша, соңғы жағында кәдімгідей ескерту, нұсқау беріп – «бастыққа» айналып шыға келгенім бар емес пе?! Сонша риза болғаны – бәйек болып жақсы ниет, жақсы тілекпен шығарып салғанынан да анық аңғарылып тұрды. Бұл жобаны демалыстан қайтып келгенше ешкімнің қолына ұстатпайтынын айтып, риза көңілмен қош айтысты.

Е, «Есеп берудің» мұндай да түрі болады екен ғой деп мен қайттым...

 

Күннің нүктесі:

«Ақылдыға қосылсаң бақытты боп өтесің,

Төрт құбылаң түгел боп, арманыңа жетесің.

Туыс досқа пейіліңмен берсең мәзір асыңды –

Олар сені құрметтеп сыйлап өтер басыңды». Ж. Баласағұн, «Құтты білік». 

2163 10
Рейтинг: +5

Жазылған уақыты: 21 қыркүйек 2012, 14:49
Тегтер: күнделік
Пікірлер
+0
21 қыркүйек 2012, 16:50

Сіз ойларыңызды тек блогқа жазасызба,әлде "қойын дәптеріңізде" барма? Күнделігіңізді оқыған сайын,әр кез әр түрлі ой түйіп отырамын. "Қойын дәптері" барма екен,оныда оқып шықса ғой,ақтарып деп ішімнен "арам" ойлар ойлап қоямын. :)

+0
21 қыркүйек 2012, 17:09

Осы Істі қолға алғанда: "Жас талап, бұрын кәсіп қылмаған іс болғандықтан артық-кемі байқалмай тұрмайды" деп жазған екенмін, "Қойын дәптер" туралы осы ойлардан аңғаруға болатын тәрізді )

+0
21 қыркүйек 2012, 17:32

ааааааааа,иә. ұмытшақ боп барамын кейінгі кезде,оны ұмытып кетіппінго. "Қойын дәптеріңіз" жоқ екен. Осында жазып тұрыңыз онда,жиірек. Жазбаңыз жаман емес!

+0
21 қыркүйек 2012, 17:35

"Жаман емес" болғаны үшін арнайы рахметімді жеткіземін. Рахмет! )

+0
21 қыркүйек 2012, 17:17

Илхам жазбаңызды оқыр деп сенеміз. )

+0
21 қыркүйек 2012, 17:27

Рахмет, құрбым! Пікір, сенімдеріңіз бен тілек, ниеттеріңіз орнын табар деген үміттемін.

+0
21 қыркүйек 2012, 21:17

тағы да әдемі жазба шығыпты Сізден, жақсылап демалыңыз енді!

+0
22 қыркүйек 2012, 19:52

Cәлематсыз ба, Нурзия құрбым! Жақсы ой, жақсы тілегіңіз періштенің құлағына шалынсын, қабыл болсын дегім келеді. Рахмет!

+0
22 қыркүйек 2012, 13:30

Мына жағдай маған да таныс... Бастықтардың бірде шөл, бірде көл болатыны қызық..Түсініп болмайсың. Жалпы әдемі жазба шығыпты. Еңбек демалысыңызды жақсы өткізіңіз)

+0
22 қыркүйек 2012, 19:59

Каспий Меруерті, атыңыз сыңғырлап әдемі естіледі екен! Ізгі ниетпен білдірген тілегіңіз қабыл болсын! Рахмет!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев