жеке
блог

Алма мен Алматының мерекесі (немесе Apple Fest)

Бір күн демалысымды пайдаланып, тәтті ұйқымнан таңертең «ерте» он бірде тұрдым. Ауа-райы тамаша. Бір түннің өзінде сағынып қалған ноутымды қостым, агентке кірсем, елдің бәрі шулап жатыр. Алматы күні екен!!!

Кеше ескі алаңда алма фестивальі болады, тегін алмалар мен тәтті бәліштер таратылады дегенді естігенмін. Таңғы асымды ішіп болып, қыздарға барып алма жеп қайтайық десем, ешкімнің барғысы жоқ. Әйтеуір, Айгерімді көндіріп алдым, екеуміз киіндік те,қайдасың алаң» деп тартып кеттік.


Барсақ, ығы-жығы халық. Алматының жақсысы да, жаманы да сонда екен.

Барғанымызға қуанып кеттік. Ең алдымен иісі мұрынды жарып жатқан бәліштердің айналасына жетіп бардық. Өзіміз тойып алдық та, қыздардың «заказдарын» сатып алдық.

Одан кейін Алматының ең үлкен 560 грамдық алмасын өсірген Ольга Васильеваның мараппаттауының куәгері болып, шын ризашылықпен қол соқтық.


Алма өсіруде аянбастан еңбек етіп жүрген көптеген еңбекқор адамдардың еңбектері еленіп, түрлі сыйлықтар тапсырылды. Олар өсірген алмаларды жеп жүрсек те есімдерін білмейдіі екенбіз ғой....

Сол сәтте «Жас отауда» некелерін дәл қала күнінде қиындырған отыз жұп жас-жұбайлар сахна төріне шақырылды.

Аппақ көйлектерін киген аруларымыз бен сымбатты серілерімізді күллі жұртшылық құттықтап, қол соғып, ақ баталарын берді.

Қысқасы, жас-жұбайларға қарап сүйсінбеген пенде болмады десем де болады. Әсіресе сахна төрінде «Той үстінде тәтті күндер» деп билеген ғашықтармен бірге қалай билеп кеткенімізді білмей де қалдық.


Айналамызға қарасақ, алмалар кәдімгідей азайып қалыпты.

Қой, таусылып қалмай тұрып алып алайық деп, түрлі сорттардың арасынан қайсысын сатып аларымызды білмей жүргенде, Еңбекшіқазақ» ауданынан келген апаймыз бір жәшік алманы Айгерім екеуміздің алдымызға қоя салды. «Қыздар, алыңдар!Мерекелеріңмен! Сыйлаймын!» дегенде екеуміздің қуанышымыз қойнымызға сыймай, таласып-тармасып өздері берген пакетке он келідей алманы толтырып алдық та үйге қайттық. Әкелген алмамызды жатақханаға кеп тараттық. Бәрі дән риза.



              

Кешке Орталық стадионда өтетін мерекелік конертке әртіс көйлегімізді даярлап жатырмыз)))) Сол жерде кездескенше, Алматылықтар!

Мереке құтты болсын! Бейбіт күндерде Алматының алмасын жеуден шаршамайық! Жасыма, жайқала бер Алматы!!!!

Бөлісу:
Пікір қалдыру үшін сайтқа кіріңіз
Өзгерту



ЕҢ ҚЫЗЫҚТЫ БЛОГТАР

«Тәртіпке бағынған ел құл болмайды».
Жайлауға атпен бардық // Екіаша, Көкбұлақ, Шет Меркі, Орта Меркі
Абайдың ғылым-білім туралы ойларының маңызы
Шет Меркі өзені, Тоғызбұлақ ауылының тамаша табиғаты
Шетелдегі қазақ полицей "Әлем батыры" атанды
«Тар заман» туындысында кездесетін афоризмдер

Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі