Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Ағаға хат

Ағаға хат

Ағаға хат

Ағатайым менің! Жо-жоқ! Енді сіз маған аға, мен сізге қарындас болуға жарамаспыз... Қызық...Сонда сізді қалай атамақпын?!

Қолыма қалам мен қағаз алып отырғаныма бір сағаттан асты. Ештеңе де жарытып жаза алар емеспін. Бірақ жазу керектігімді білемін. Бәрін басынан бастағаным дұрыс болар.

Осыдан екі жыл бұрын қиялымды қанатыма байлап, арманымды арқалап, алып қала, ару қала Алматыға алғаш келген күнім әлі де есімде. Жаңа қала, жаңа орта, жаңа адамдар... Бәрі де мен өскен ортаға еш ұқсамайды. Ауасы да тым ерекше. Көшеге жалғыз шықсам мәңгілікке адасып кететін шығармын деп қорқатынмын)))

Жападан Жалғыз қалғандай болдым, ата-анам да, бауырларым да, туыстарым да, тай құлындай тебісіп өскен құрдастарым да алыста. Жақындарымды сағынып, талай рет әжетхананың есігін құлттап алып та жылайтынмын, жастығым су болып оянған күндерім де қаншама еді?!...

Өмірімнің осындай ауыр кезеңінде Ертегідегі құтқарушы періште секілді менің өмірімде сіз пайда болдыңыз. Пайда болдыңыз да, бәрін бір сәтте өзгертіп жібердіңіз.

Күрең күздің алғашқы айлары болатын. Қоңыр салқын. Қалашықтың күзгі бағы – сізді алғаш көрген, сізбен танысқан орын. Сол сары мен жасыл түске боялған скамейка әлі күнге дейін көз алдымда.

Жанұямда үш қыз болып өскен соң ба, ұлдарға тым жақын болдым. Бала күнімде сыныптастарым ренжітсе, «шіркін, ағам болғанда ғой, көкелерін көрсетер еді» деп талай рет жылған да едім. Сондықтан өзім танысқан жігіттерден ағалық махаббат іздейтінмін, қарындастай құрмет, сыйластық көрсетуге асығатынмын. Сізбен де бәрі солай болды.

«Қарындас апай»... Сіздің маған ең алғашқы айтқан сөзіңіз дәл осындай еді. Сол күннен бері сізге еркелігіңізді көтеретін қарындас та болдым, сырыңызды тыңдап, ақыл қосатын апай да болдымӘрдайым көмектесіп жүретінсіз. Өзімде сізден көмек сұрауға асығатынмын. Құлап бара жатсам, сүйеп қалар қорғанымдай санайтынмын сізді. Сізде мені жас балаша еркелететінсіз. Әйеліңіз бен сүп-сүйкімді Ікәр, Кәусар есімді қызыңызбен таныстырдыңыз. Айман апайға қайынсіңілі, балапандарыңызға жақсы әпке болуға менде барынша тырысатынмын.

Осылайша таңдар атты, күндер батты. Екі көктем, екі күз өтті. Бәрі ойдағыдай болатын. Мен өз махаббатымды таптым. Сізден жасырынып жүріп, Айдосыммен талай рет кездестім. Сонда неге жасырынатынымды білмеймін, бірақ сіз ренжіп қалатындай көрінетін маған. Айдос маған үйлену туралы ұсыныс жасаған күні, сізге бәрін айтпақ болып бел будым. Кешке сізбен жолықпақшы да едім, кенет почтама хат келді. Сізден екен. Әдеттегідей, қал-жағдайымды білгісі келген кезекті хаты болар деп, аштым. Өз көзіме өзім сене алмаймын. «Аяулым, кешірші мені! Мен сені жанымнан да артық жақсы көремін. Мендік болшы. Сен үшін бәріне де дайынмын...». Иә, дәл осылай жазылған хат. Көзім шығып кете салдады. Сене алмаймын. Бәлкім қате кетіп қалған шығар деп өзімді алдап қоямын. Бірақ, есімім ап-анық жазылып тұр. Денем дірілдеп, не істеп не қойғанымды білмей, сыртқа жүгіріп шықтым. Сізбен алғаш танысқан баққа барып ұзақ отырдым. Көз алдымда алтыннан да ардақты Айман апай, былдырлаған қос қарлығаштарыңыз көз алдымнан өте шықты. Енді олардың бетіне қалай қарамақпын? Бөлмеме келдім де осы хатты жазуға кірістім.

Ағатайым менің! Мұның бәрі қалайша болды? Енді сізбен ешқашан жолықпағанымыз бәріміз үшін дұрыс болар. Айман апайға мені тұрмысқа шығып кетті дей салыңыз. Жоқ, бұл жай ғана сөз емес, мен расында да өз Төлегеніммен бірге кетпекпін. Айман апай екеуіңіздің тойымыздың төрінде отырғандарыңызды қатты көргім келіп еді. Әттең-ай! Тек айтарым,  кеш болмай тұрғанда өз бақытыңызды, өз алтындарыңыздың қадірін біліңізші...

 

(Ал сіздің отбасылы жігіттің осылайша ғашық болып қалуына айтарыңыз бар ма?)

24
Рейтинг: +6

Жазылған уақыты: 11 қыркүйек 2012, 18:40
Тегтер: аға, махаббат, сезім, отбасылы жігіт

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.