Блогерлер журналисттің орнын баса ала ма?
жеке
блог

Блогерлер журналисттің орнын баса ала ма?

Қазіргі таңда көптеген ақпараттық блогтар, әр түрлі желілік бағдарламалар, сайттар көбейіп келеді. Ең ықпалды ақпарат көздерінің бірі - видеоблог жүргізу. Оны онлайн ақпаратты таратудың ең жылдам тəсілі ретінде қарастыруға болады. Сондықтан да күн сайын блогерлер саны артып, медиа нарығында алға беттеп жатқаны сөзсіз. Көп жағдайда блогерлер мен журналистер бір жəне бірдей деп саналады. Бірақ, блогерлер журналист, журналистер блогер бола алады ма?

     Біздің қолымызда интернеттің болуы таңғаларлық нəрсе - бұрын- соңды қарапайым адамдар блог жүргізу арқылы ғаламдық аудиторияға мұндай оңай қол жеткізе алмаған. Желіде миллиондаған видеоблогтар бар жəне блогерлер күн сайын мыңдаған, тіпті жүздеген мың адамдармен байланысу мүмкіндігіне ие!

     Блог жүргізу тез арада ақпарат пен жаңалықтарды жеткізудің жəне таратудың ең танымал тəсілдерінің біріне айналды. Жеке пайдалану, бизнес, жаңалықтар жəне желілік байланыс үшін пайдалануға болады.Блог («weblog» сөзінің қысқартылған нұсқасы) – ақпаратты кері хронологиялық тəртіпте көрсететін, ең соңғы жазбалары жоғарыда бірінші болып шығатын онлайн журнал немесе ақпараттық веб-сайт. Бұл тек жеке көзқарастарға, сезімдерге жəне идеяларға негізделген шығармашылық алаң.Халықпен тікелей байланыста болғандықтан ақпаратты таратуда блогерлер шешуші рөл атқарады. Халықтың ақпаратты тұтыну тəсілін де өзгертеді. Ол дегеніміз журналистің дайындаған ақпаратын теледидардан көру мүмкіндігі қазіргі таңда аз. Себебі қолда тұрған телефон,медиа нарығында жоғары рейтингтегі бар Инстаграм желісі ақпарат таратудың басты көзі. Əлеуметтік желінің ақпараттық ресурс ретіндегі рөлін,оның күнделікті өмірдегі қолдануын,əлемдік деңгейіне дейін зерттеу болашақта тек ақпараттық мəселені ғана қарастырып қоймай,мемлекеттің экономикасына,дамуына жəне ақпараттық қауіпсіздігіне жол ашады. Қазiргi заманда барлық елдер саяси, экономикалық, əлеуметтiк жəне т.б. үрдiстердi дамытып əрi жеңiлдету үшiн жаңа технологияларды қолдана отырып, ақпараттық қоғам жағдайына жетудiң тиiмдi деген жолдарын iздестiруде.

     Тіпті жас сəбидің өзіне мəлім, қазіргі заман технология заманы, ал технология заманының негізі — ақпарат. Яғни, əлеуметтік желі арқылы ақпараттық ресурстарды қалай оңай, тез жəне қауіпсіз алуға болатыны ойластырылуда. Əлеуметтік желілердің ақпараттық ресурс ретінде қолданылуы XXI ғасырдың өзекті мəселесі болып табылады. Түрлі ақпаратты тарата алатындар – журналистер мен блогерлер. Сондықтан блог жүргізу мен журналистиканың қаншалықты ұқсас екенін білу өте маңызды. Сондағы мəні мынада: нағыз репортер болу бұрыннан бар ақпаратқа түсініктеме беруді ғана емес, жаңа ақпаратты табуды қамтиды.Оны тиімді қолдана отырып, болашақта табыс көзіне айналдыру, əлеуметтік жəне рухани байлыққа иемдену,мемлекет пен қоғамды жетілдіруге зор үлесін қосады.

     Ал екеуінің айырмашылығы, журналистер тек ресми ақпараттарды хабарлайды, ал блогерлер естіген нәрсесін нақты көзі жетпесе де, ақпаратты таратып жіберуі мүмкін.Алайда, елімізде соңғы болып жатқан жағдайларға байланысты блогерлердің халыққа тигізген пайдасы зор.Қаншама отбасыға баспаналы болуына көмектестескен, жағдайы төмен отбасылардың жағдайын жасауға ықпалын тигізіп отырған блогерлер болып табылады.

     Жалпы алғанда, блогер мен журналистің мақсаты халыққа ақпарат жеткізу болып табылғанымен, екеуі екі бөлек әлем деп есептеймін.Әрқайсысының қоғамдағы орны әр бөлек екенін ұмытпағанымыз жөн!