жеке
блог

Жолаушымен болған әңгімеден соң...

Автобуспен немесе поездбен жол жүре қалсам, жаңа адамдармен танысып, табысып, сыр шертіскенді қатты жақсы көремін. Өміріңде алғаш рет және соңғы рет көріп тұрған жанмен әңгіме-дүкен құру мен үшін қызықтың-қызығы. Түн бойы ешкімге айта алмай жүрген бар сырыңды ақтарып саласың да, таң ата өз жөніңмен кете бересің...

Менің осы жолғы «жолаушы құрбымның» есімі – Жұлдыз. Жұлдыз десе жұлдыз еді-ау, бал-бұл жанып тұр. Жұлдыз – үш баланың анасы, адал жар, сыйлы келін екен. Келін болғанда орыс ұлтының келіні...

Жасы отызды алқымдап қалғандығымен, сондай жас, сондай әдемі көрінеді. Қазақтың қара көз аруының бірі. Айтқандарына қарғанда бақытты секілді. Жарының есімі - Николай. Балаларының есімдері: Азамат, Салтанат(үшіншісі есімнен шығып қалыпты). Үшеуін де қазақша қойыпты. Мамандығы мұғалім болғандығымен, үлкен бір компанияда жұмыс істейтін көрінеді.

Оның бәрін айтып не қылайын?! Біреудің сыры ғой. Айтқым келгені басқа еді. Жалпы, осы екі түрлі ұлт өкілдерінің отбасын құрғандығы дұрыс па? Екі түрлі тіл, екі түрлі дін, екі түрлі діл, екі түрлі салт-дәстүр...

Сіздің берер жауабыңыз: арада махаббат болса, неге болмасқа!? Мен де солай ойлайтынмын. Бірақ «жолаушының» әңгімесі маған басқаша әсер етті. Бұл әрекеттен қаншама адам зардап шегеді екен: ел бетіне қарауға ұялатын қыздың ата-анасы... Құдалармен қалай араласуды білмей дал болатын жекжаттар... Бәрінен де, екеуіне ортақ бала-шаға... Анасы қазақша, әкесі орысша сөйлейді, екеуінің ұстанатын салт-дәстүрі мен сенімі екі түрлі. Қайсысының дұрыс екендігін біле алмай миы-ашып жүргендерін айтыңыз.

Жұлдыз ұлым: «Мен адаймын!» деп айтады дейді(атасы солай үйретіп қойыпты). Ру деген ұғымның орыстар да мүлде жоқ екенін ескерсек, ол байғұстар оның не екендігін қайдан білсін?!

Жұлдыз апай перзенттерін қазақтар секілді қырқынан шығарып, сүндетке отырғызғандығын айтып қалды.  Ата-тектері де өзгеше. Жұлдыздың жолдасының есімі – Николай болғандықатан, Азамат Николевич, Салтанат Николаевна... Және мұндай тектілердің қатары ортамызда қаншама?

Ал сіз екі түрлі ұлт өкілінің шаңырақ көтеруіне не дейсіз?

Бөлісу:
Пікір қалдыру үшін сайтқа кіріңіз
Өзгерту



ЕҢ ҚЫЗЫҚТЫ БЛОГТАР

«Тәртіпке бағынған ел құл болмайды».
Жайлауға атпен бардық // Екіаша, Көкбұлақ, Шет Меркі, Орта Меркі
Абайдың ғылым-білім туралы ойларының маңызы
Шет Меркі өзені, Тоғызбұлақ ауылының тамаша табиғаты
Шетелдегі қазақ полицей "Әлем батыры" атанды
«Тар заман» туындысында кездесетін афоризмдер

Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі