Қазақ газетінде өнер білімнің насихатталуы
жеке
блог

Қазақ газетінде өнер білімнің насихатталуы

 

 

   Қазақ газеті ертеден келе жатқан,көпшілік қауымға таныс газеттердің бірі.Алғашқы шығарылымдарынан-ақ кең қолданысқа ие бола бастаған.Оның бірден-бір себебі, көтерілген мәселелерінің өзекті әрі шыншыл болуында.

   Ең алғашқы басылымдары 1913 жылдан бастап шығып отырды.«Қазақ» газетінің негізін қалаушы Ахмет Байтұрсынұлы,ал өкілі М.Дулатұлы болған.Газеттің сыртқы мұқабасында киіз үйдің бейнесі символ ретінде қойылғандығы қазақ ұлты деген мағынамен егіз ұғымды білдіреді..Жоғарыда айтып өткендей,оқырмандардың оң көзбен қарауы,сұранысқа ие болуының бастауы өнер саласы болсын,білімнің өз деңгейінде өркендеп келе жатуының барлығы жалпақ тілмен,көпшілікке түсінікті түрде жеткізілгендігінде.Өнерге алғаш қадам басқан жас өркендерден бастап,әлемдік деңгейдегі қазақ жұлдыздарын қалт жібермей,көркем сөздермен көпшілік көңілінен шығатындай етіп баяндап отырған.Оған қарап бой түзеп,өз бойында бар қабілетті одан әрі шыңдайтындар саны өсе бастаған.Кем кеткен тұстарды,өнер саласының ақсап тұрған жерлерін жіпке тізгендей етіп айтқанының арқасында «Қазақ»елінің атын өзгелердің тани бастауына себепші болған.Өнерлі өнерпаздарды қадірлеп,қоғамда белгілі бір деңгейдегі дәрежелерінің болуына байланысты бірнеше мақалалар да жарық көрген.

   «Білімдінің күні жарық,білімсіздің күні кәріп»,-деген мақал бекер айтылмаса керек.Сонау заманнан бастап,білімді адамның белгілі бір ұлт үшін тигізер пайдасы мол екендігін түрлі дәйектермен дәріптеп отырған.Соған дәлел ретінде,қазақ мектептерінің салынуын,ана тілді қадірлеудің,ұлтқа жанашыр болуды айтсақ болады.Көзі ашық,көкірегінде жыр сәулесі маздап тұрған білімді ұрпақтардың көп болуы үшін,жан-жақты ізденіс үстінде жүрген.Газеттің әрбір мүшесінің өзіндік ойы,астарлы сырының болуы бүгінде біздей ұрпақтармен бірге үндесіп келеді.

   Тоқсан ауыз сөздің тобықтай түйінін түйіндейтін болсам,«Қазақ» газетінің қазақ ұлты үшін сіңірген еңбегі орасан зор.Газет оқу арқылы кемел келешекке нық қадам басқан адамдардың бүгінде елі сүйген азамат(азаматшаға)айналғанына еш күмәнім жоқ!