Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Жаскешу түні

Жаскешу түні

Жаскешу түні

Түн. Жаскешу түні. Жаскешу түні демекші, осы қысқы демалыста ауылда жүріп агентке кіретінмін. Сонда статусыма «Жаскешу түні» деп жазып қойғам  ғой. Оны оқыған бір жігіт Жаскешуді  тура мағынасында түсініп, мені сол түн бойы жылап шығады деп ойлап келген екен. Кейін айтады: «Сені жігіті тастап кеткен екен, сол үшін жылап жатады екен деп ойлағам», - деп... Онысын естіп күлдім-ау. Жоға, Жаскешу – менің ауылым ғой.

Бүгін келдім. Ауылды сағыныппын. Үйдегілер де аурушыл боп, әбіржіп кетіпті. Алматыдан аз күнге сұранып, ата-әжемнің көңілін аулайын деп келген жайым бар. Алматы да қимай шығарып салды... Үнемі мен ауылға жүргелі  жатсам жылайтын да тұратын. Кеше де көңілсіз... қабағын шытып қолын бұлғап қалды артымда бұртиып Алматы. Білмеймін, жылады ма, жоқ па? Әйтеуір жібергісі келмеген шығар деп жорыдым өзімше.  Жайлы орынға жайғасыппыз автобуста да. Алматы – Шымкент тас жолына түсіп ап, зымырай жөнелдім «Асфальт, мені қайда апарасың» деп.

Таң ата ауылға да келіп кірдім. Көзімнің қарашығындай болған, Жаскешуім-ай! Елжіреп кеттім-ау құшағыңа еніп! Соңғы рет бір ай бұрын-ақ келіп кеткем, негізі. Әр келген сайын сезінгенім – осы! Туған жерге деген махаббатымның құдіреті шығар, шіркін...

Мен өскен ауыл, сен бәріне куәсің ғой!

Көшенің оң бетіндегі  үш қабатты ғимаратты көрдің бе? Иә, сол сұр шатырлы ғимаратты айтам. Ол – менің мектебім ... Бұл жаққа мойын бұрмай өту мүмкін емес. Жасы келген жайсаң жанды мұғалім апай ренжіп қалатындай...

 - Міне, осы жерден тоқтаңыз!

Папам ба күтіп тұрған? Демек жазылғаны... Бала көңіл әкем деп шауып келгенде мынау деген тіпті жағымды көрініс болды-ау! Құшақтап, сүйіп жатыр...

-  Пап, бір-ақ ай болды ғой кеткеніме)

Үнсіз... Ол үшін бір жылдай! Үйге кіріп келдім. Жылы төсекте таңғы тәтті ұйқыны қимай бауырларым жатыр. Сіңілімді «Әпкесін күтіп алмай неге жатыр ей?» - деп бір түйреп алдым. 5 жасар ол маған қып-қызыл алма алып қойыпты. «Кеше Ақерке әпкеме тосын сый жасаймын деп, ешкімге бермей жүрген» - дейді мамам. Алтыным-ау, көңіліңе рахмет!

Үлкен үйде жатқан атам мен әжеме асықтым содан соң. Соңғы кездері денсаулықтары мазалап жүрген олар мені қорқытты. Атамды құшақтап көп отырдым. «Екеуінің құшағы жазылмай қалыпты ғой» - деп әжем де қызғанып қалды. Оны да құшағыма қыстым. Мұздай бетіме ыстық лебі келген әжемнің құшағында да ұзақ тұрдым. Ауырғандарын ұмытып, жайраңдап қалды өздері. Мен де ем екенмін ғой деп өзімді ата-апама дәрі санап дәрежем өскендей боп қалдым))) Сонымен осылайша күн өтті. Алла қаласа бәрі орнына келеді. Ұйықтап қалды үйдегілердің бәрі. Ал мен ұйқыммен «ұрысып» қалып отырмын массагетпен сырласып... Жастығым да жақтырып тұрғаны шамалы... Көрпем қайда өзі? Ә, әне жатыр екен ғой. Ол да... Ол да мынау қайдан пайда болған дей ме қайдам, әйтеуір жатырқап жатыр анау бұрышта. Құрысыншы, бастысы – үйімдемін! Ұйқысыздың әңгімесі созылып, қысырланып кетсе, ренжімессіздер! Айтпақшы, Света әпшенің АЛТЫНЫ құтты болсын, ҚАЗАҒЫМ!!!)))

Жаскешуден Ақерке Әбілхан, арнайы массагет үшін)

Сағат па? Сағат 04.08. Күн ба? Күн де 04.08))) 

26
Рейтинг: +3

Жазылған уақыты: 04 тамыз 2012, 03:41
Тегтер: ауыл, ата-ана, сағыныш, Алматы, Жаскешу
Пікірлер
+0
04 тамыз 2012, 21:27

Туған жер деген қашанда ыстық қой, тасы да, құсы да, ауасы да...Үйге барып келгеніме аз уақыт өтсе де жазбаңды оқым ауылды сағынып көз жасымды сығып алдым((((Үйіңдегілерге Аллаһ шипасын берсін!

+0
04 тамыз 2012, 22:46

Ақерке үйіңдегілер ауырмасын :cry:

+0
05 тамыз 2012, 00:28

Ауылға сәлем! Жақсы демалып қайт))

+0
05 тамыз 2012, 02:37

Әумин! Рахмет

+0
05 тамыз 2012, 03:02

Ауыл керемет қой! Жақсы демалып қайт Ақерке

+0
05 тамыз 2012, 03:27

И жаным!Алла амандығын берсін жақындардың!Бәрібір маған қымбатсың, күнім! Сені "Еркеш" деп айтатын адам.

+0
05 тамыз 2012, 12:47

рахмет

+0
05 тамыз 2012, 03:35

тақырыптан қорқып кіре алмай отырсам, әй, қазақтың ауылдарының аттарының өзі ерекше емес пе?! :lol: :lol: :lol:

+0
05 тамыз 2012, 03:38

Ауылға бүгін жеткенде, бәріңді сүйіп, қысамын. Аунаған сонау көк белге, Аунамай көптен құсамын деп балмұздақ кезде сыр шертуші едік

+0
05 тамыз 2012, 11:44

Амандық тілеймін ата-әжеңе, әнгімеңде ұнады))

+0
05 тамыз 2012, 12:47

Рахмет

+0
05 тамыз 2012, 14:58

жаскешудің түндерінен сыр шерте отыр, тынық мақпал түндеріндегі романтикалық кештерді

+0
06 тамыз 2012, 09:21

өте жылы сезім, әдемі түн

+0
06 тамыз 2012, 15:10

жұлдызы жымыңдаған түнін-ай шіркін ауылдың!!!!! қарап жата бергің келеді ғой. құдды сонда біреу бір ғажайып немесе сыр айтардай бірдеңені күтіп жатасың. хееееех менин де ауылым-ай! 8-)

+0
06 тамыз 2012, 17:24

Жаскешу деген аты сәтсіз қойылған сияқты. Күлкікешу болса тіптен керемет болар еді :)

+0
06 тамыз 2012, 17:31

:) негізі "Жазық кешу" болған ғой басында, сосын толық айтуға ерінген біздің жақтыкілер Жаскешу деп жасын ағызып жіберген ғой)) Содан бери осылай аталып, сақталып қалған деседі дейтіндер...

+0
06 тамыз 2012, 18:12

Таскешу деген ауыл бар біздің ауданда. Қазақ даласын бір аралап шықсаңыздар, естімегенді естіп жағаларыңызды ұстайсыздар. Қазақ ат қоюға шебер ғой.

+0
06 тамыз 2012, 18:38

әр аттардың өзіндің аңыздары бар

+0
06 тамыз 2012, 18:41

өзіндік

+0
08 тамыз 2012, 14:48

Таскешу тіпті қызық естіледі екен :)

+0
07 тамыз 2012, 16:14

Ата-әжеңізге денсаулық тілеймін! Жақсы демалып қайтыңыз!

+0
08 тамыз 2012, 14:49

Рахмет, Ақжелен

+0
09 тамыз 2012, 16:54

Уақытыңды жақсы өткіз. Ақтаудан сәлем ;)

+0
10 тамыз 2012, 00:12

Рахмет, бізден де сәлем сіздің өңірге)

+0
05 мамыр 2013, 19:45

эхх, Түркістанымды сағындым қаттыыыы...

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.