Оқи отырыңыз

Мойындағы борышты білу – білімнің ісі, борышты төлеу – адамшылық ісі

Автор: Ахмет Байтұрсынұлы

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Мұражайлар сөйлейді

Мұражайлар сөйлейді

Мұражайлар сөйлейді

Мұражай аралауды бұрыннан жақсы көргенмен, Алматы мұражайларын саяхаттау "Екпінге" шолу жасағаннан бері басталды. Біздің қаламызда кітап, қуғын-сүргін тарихы, теміржол көлігінің мұражайы сияқты көптеген қызықты мұражайлар бар екен. Оларға кіргеннен, уақыт пен кеңістік жойылып, басқа заманға, басқа тереңдікке жүзіп кететін сияқтысың. Шулы қала өмірінен, зымыраған мегаполистен қашып осы бір өзгеріссіз мұражайларға келіп дем алу, меніңше, жақсы хоббиге айналмақ:)

Мысалы, Республикалық кітап мұражайында  алғашқы тас жазуларынан бастап, алғашқы баспа құралдарына дейін, атақты жазушылардың түпнұсқа кітаптары мен ең кішкентай кітаптарға дейін көріп шықтық. 

Ал Республикалық музыка аспаптар мұражайында бұрын естіп-білмеген аспаптар мен Абай, Жамбыл, Құрманғазы, Дина сынды көптеген атақтылардың домбыраларын көрдік. Маған домбыраның қайдан шыққаны, кім ойлап тапқаны әрдайым қызық болатын, оның жауабын аз болса да осы жақтан біліп қалдым. Тағы да барып, зерттеп келу керек екен)


Барлық мұражайлар бірақ бізді құшақтарын ашып қарсы ала берген жоқ:) Біразы суретке түсіруге болмайды немесе суретке түсірудің прайс-листі бар деген сияқты қарсы алу сөздерін айтты. Сондай қызықты мұражайдың ішіндегісін кішкене болса да оқырмандарға жеткізе алмау өкінішті әрине. 

Мысалы, Сәбит Мұқанов атындағы әдеби-мемориалдық мұражай-үйінде көптеген асылдар жатқанына күмән келтірмеймін. Алайда бізге тек 4 кадр тегін түсіруге рұқсат берілді:) 


Дінмұхамед Қонаев мұражайында да түсірушілердің арасында ғана қалатын қызықты сәттер болды. Бұл мұражайда Қонаев атамыздың жеке заттары, қарулары, сыйлықтары сынды құнды дүниелер жинастырылған екен. 

Байқағанымыздай, мұражайлардың тұрақты келушілері - арнайы мамандықтарына сай келетін студенттер, оқушылар, жазғы лагерьлердегі демалушы балалар. 

Алматы қаласы тарихының мұражайында сүйікті қаламыздың алғаш қалануы, Верный болған кезі, алғашқы ғимараттары, атақты тұрғындары сияқты қызықты ақпараттар жиналған екен. 

Мен үшін ең танымдық мұражай мемлекеттік геологиялық мұражай болды. Жер асты шахтасы сияқталып жасалған мұражайда Қазақстанның әрдайым айтып жүретін байлықтарын өз көзімізбен көрдік. Расында біз небір асылдардың, небір сирек тастардың үстінде жүр екенбіз. 

Ал Ахмет Байтұрсынұлының мұражайында біз тек ұлы ағартушының өмірбаянын ғана емес, Алматыда тұрған кезіндегі қолданған заттарын, сол жылдардағы оқиғаларды да білдік. Пайдалы ақпаратты бізге жеткізген мұражай-үйдің жетекшісі Райхан Сахыбекқызына алғыс:) Бұл әңгімеден кейін көптеген заттар жайлы ойланып, рухтанып қайттық. 

Ал Теміржол көлігінің орталық мұражайы тек теміржолшыларға емес біздерге де өте қызықты болды. Қазақстандағы алғашқы теміржолының салынуына атсалысқан қоғам қайраткерлері жайлы, алғашқы стансалардың келбеті, атақты теміржолшылар жайында баяндайды бұл мұражай. 

 Мұражайларға барыңыздар, танымдарыңызды кеңейтіңіздер, алдағы болатын шолуларымызды да жіберіп алмаңыздар:) 

5944 0
Рейтинг: +0

Жазылған уақыты: 03 тамыз 2012, 13:25
Тегтер: мұражай, алматы, екпін, алматы қаласы тарихы, Ахмет Байтұрсынұлы, Қонаев, теміржол тарихы, домбыра тарихы
Пікірлер
+0
03 тамыз 2012, 14:30

Музыка аспаптар мұражайында ғана болған екенмин :oops:

+0
03 тамыз 2012, 14:51

күшті!!!

+0
03 тамыз 2012, 14:57

Өткенге сапар шегесің)

+0
03 тамыз 2012, 15:00

Теміржолшылар мұражайын барып көргім келіп кетті

+0
04 тамыз 2012, 13:34

неге дәл соны?)

+0
04 тамыз 2012, 16:56

мамандыгыма байланысты. Суреттерiнен коп жадiгерлер барын байкадым

+0
05 тамыз 2012, 15:41

Жанат, кәсіби мерекең құтты болсын! ))

+0
05 тамыз 2012, 16:00

рахмет Анар!)

+0
03 тамыз 2012, 18:41

жалпы мұражай атаулыға бас сұғып көрмегем, болашақ жоспарда бірінші тізімді тұр)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев