Жыл сайын Қасиетті Рамазан айы төрімізден орын алып, мұсылман қауымы қуанышқа кенеліп жатқанда есіме балалық шағымдағы бір оқиға есіме түседі де тұрады.
Рамазан деген ұғыммен қатар жүретін Жарамазан деген дәстүр бар қазақта. Сіз де кезінде бала болып көрдіңіз, демек Жарамазан айттыңыз деген сөз. Немесе күн батып, қараңғы түскенде тереземізге
Ақ тауық, қызыл тауық құрман шашар-ей!
Осы үйде бір жеңгем бар теңге шашар-ей!
Теңгемді шашпай-ақ қолыма бер...(есімнен шығып та қалыпты)
Алып шық, алып шық, сары табаққа салып шық
Сары табаққа сыймаса, етегің салып шық, -деп Жарамазан айтатындарға тыйын-тебен, тәтті тағамдар беріп, батасын алғанда боларсыз.
Мен де Жарапазан айтып көргенмін. Есімде әкем өзімнен бір жас үлкен әпкем екеумізді екі иығына мінгізіп алып, көршілердің үйіне Жарапазан айтуға апаратын. Әпкем екеуміз атамыз үйреткен Жарамазынымызды айтып тәтті мен тиынға қарқ болатын да қалатынбыз.
Бірде Бейсенкүл деген көрші апаның үйіне Жарамазан айтып барғанбыз. Ұзақ айттық. Күн суық(Ол кезде Ораза қыс айларында болатын). Әлі айтып тұрмыз, әлі айтып тұрмыз...Ешкім шықпады. Әкем тоңып қаларсыңдар, қайтайық деп жатқанда, апа үйінен шықты. Біз екеуміз жарысып тұрып батамызды бердік, апам қолымызға екі тілік бөлке нан ұстатты. Аң-таңбыз! Тиын-тебен жинап жүретін, небір тәтті тағамдарды жеп үйрегенген аталарының ерке қыздарына әлі ешкім нан беріп көрмеген екен. Әкем Жарапазанда алғанды жеп қою керек деген соң, нанды үйге жеткенше жеп алдық. Сол нан да, нанның дәмі де әлі күнге дейін жадымнан кетпейді...
Кәусар Мұң 
ой, жарапазан айтудан шаршамаушы ек қой)
сөздері есімнен шығып қалыпты, сенің есіңдн ме?
Жарапазан айту дәстүрін естігенім болмаса, тыңдап, айтып көрмеген екем.
үйіңізге жарамазан айтып барсақ қалай болады? ;)
мен де :)
менің де есімде қалмапты онша. Батам, батам, батпасын, батам жерде жатпасын деуші ек қой қолды жайып жіберіп :D
Үйің-үйің үй екен деп бастаушы едік
:) ондайды естімеген екенмін
Ал сыбағаңды дайында. Мен айтып жіберейін))))
Осында Қалқаман жақта да айтады екен. Бірақ жарапазан айтушыларды сыйламайды екен, мүмкін өздері сенімнен шыққан болар. Осындағы көршілеріміз "бұлар тонап кетеді" деп айтып отырғанын естіп ем кеше. Әп-әдемі қып домбырамен бастап келе жатыр ед, көршіміз қуып жіберді. Бұрын соңды естімеген әуезбен бастап келе жатыр ед, тыңдағым келіп ед...
қазіргі заманда жарамазанды агентпен де айтатын болыпты))))
:) "жарапазан айта келдік үйіңізге" деп талай айтушы едік. өкініштісі,сөздерін ұмытып қалғанымыз.әрі қазіргі кезде ол салт ұмытылып бара жатыр :(
Қазіргінің балалары мүлдем басқа...Қайтсін олар Жармазан айтып...
Қаланың нанына үйреніп алдық қой. Дегенмен, осындайда пештің шоғына қызарып піскен ауылдың нанын аңсаймын))
әттен сол балалық шақты айтсайшы
Бала кезімде үйдің терезе тұсына келіп ауыл балалары жарапазан айтатын. Тиын-тебен берсек қайта-қайта келе беруші еді. :)
жарапазанды өскен соң ғана білдім..әйтпесе мен де айтқан болар ем!!!
жарамазан айту дәстүрі ауыл-ауылдарда әлі де жалғасын тауып келуде. Біздің үйге күніге балғын балалар келіп айтады, менің де қосылып айтқым келіп кетеді))
айтсаңыз, әлі де кеш емес қой))))біз жақта сіз қатарлы, тіпті сізден үлкен агалар домбырамен айтушы еди