Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Иманымыз мешітке барып, суретке түсумен ғана шектеле ме?..

Иманымыз мешітке барып, суретке түсумен ғана шектеле ме?..

Иманымыз мешітке барып, суретке түсумен ғана шектеле ме?..

Бүгін жұма, мешіттер туралы сөз болғасын, ойымда қалған күйткіл есіме түскені. Осы Астана күнінде елордада керемет мешіттің тұсауы кесілді деген қуанышымыз әлі де басылмай жүр. Тек, сол күні мешітке келушілерге қарап құлазып қайттым. Олардың басым бөлігі дерлік, мешітке - Алланың үйіне деп емес, бейне бір жаңа мұражайға келгендей әсерде жүргендей болды. Басты мақсаттары - әдемі "фонда" сәтті суретке түсу секілді. Әсіресе, қыз-келіншектер... Бастарында орамал жоқ, кигендері қысқа етек, ашық желең. Тым болмаса, мешіт қызметкерлерінен орамал сұрағандары да некен саяқ болғаны қынжылтты. Ал, мешітте келушілердің амалдарын дұрыс жасауы үшін барлық жағдайлар жасалған, орамалдар да, арнайы ұзын жамылғылар да бар. Тек ілуде біреулері ғана сол жамылғыларды сұрап, киіп жатты. Мешіттің бірінші залында кішігірім ғана субұрқақ орнатылыпты. Соның жанында суретке түсуші адамдардан көз сүрінді. Сорақысы сол, субұрқақтың ішіндегі әдемі ақ тастарды ырымдап па, әйтеуір сөмкелеріне салып кетіп жатқандар да болыпты. Мешіт қызметкерлері микрофонмен "қолдарыңызды фонтанға салмаңыздар! Ішіндегі тастарды алмаңыздар! Сөрелердегі Құран кітаптарын алып кетпеңіздер!" деп айтудан танбады. Бұл не сұмдық, Алланың үйінен қасиетті Құранды алып кетіп жатқан да қандастарымыздың болғаны ғой, демек?! Халқымды сүйетіндіктен, іштей "алғашқы күн болғандықтан ғана осылай болып жатқан шығар. Алда мұндай қайталанбас", деген үмітпен шықтым. Қалай болғанда да, "мешіт ашылыпты!" деп арнайы барған бар мүміндерге Алла мықты иман беріп, тілектерін қайырлы еткей!
2282 6
Рейтинг: +1

Жазылған уақыты: 13 шілде 2012, 14:27
Пікірлер
+0
13 шілде 2012, 14:50

"Басты мақсаттары - әдемі "фонда" сәтті суретке түсу секілді. Әсіресе, қыз-келіншектер..." Астағфирулла

+0
13 шілде 2012, 15:30

Жабайы ғой, жабайы. Мәдениеттен бейхабар. Қанша әдемі болса да ол әуелі Құдай үйі. Мұражай, көрме емес.

+0
13 шілде 2012, 15:45

Біртүрлі... мешітті "Алланың үйі", "Құдай үйі" дегенмен келіскім келмейді... Ғаламды жаратқан, телегей теңіз бен мұхитты, асқар тау мен ұлан-ғайыр даланы жаратқан Алла тағала пендесінің салған үйіне мұқтаж дейсің бе?! Бұл адамдардың бір уақыт өзіне өзі келіп, жақсылығына тәубе деп, сабырлы болуға, тазаруға ұмтылатын жері деген дұрыс шығар... Әрине, өз пікірім.

+0
13 шілде 2012, 15:59

Алланың үйі дегенге тікелей түсінбеген дұрыс, Алланың тұратын жері деп ойламау керек, Аллаға құлшылық ететін жер болғандықтан Алла мешітті жердегі үйім деген

+0
13 шілде 2012, 16:04

әрине, тікелей түсінуге себеп те жоқ қой))))))))

+0
14 шілде 2012, 10:57

Ассалаумағалейкум, ағайын! Аллаға шексіз шүкір, қазіргі таңда елімізде мұнаралары азанмен әуенделіп, күмбездері көкке ұмтылған мешіттеріміз көбейіп келеді. Тәуелсіздік алған күннен бері еліміздің барлық дерлік басты қалаларында жаңадан зәулім-зәулім мешіттер бой көтерді. Мұның барлығы да Алланың қалауымен жүрегіне иман үйірілген жомарт азаматтардың көмегімен халық игілігі үшін жүзеге асуда.
Мешіт – Алла Тағаланың жердегі үйі, адамдардың бір Аллаға құлшылық ететін орны. Ал, кімде-кім Алланы жақсы көрсе, оның үйлерін де жақсы көреді. Сондай-ақ, оған көп барып тұрады.
Абдураззақ Амр бин Маймун әл-Әудиден баян етеді: Мен Мұхаммедтің (с.а.у) сахабаларын көргенмін. Олар: Расында мешіттер Алланың жердегі үйі. Алла тағала өзін үйіне барып зиярат еткенді құрмет етеді, - деген.
Алла тағала Құранда:
«Расында мешіттер Алланікі. Алла тағаламен бірге еш біреуге құлшылық етпеңдер», - дейді (Жын сүресі, 18).
Егер қонақ жомарттың үйіне түссе, оның қонақжайлығы мен сый-сияпатына кенеледі. Ал, енді әлемнің Раббысына және жомарттардың Жомартына қонақ болып барған кісіге берілетін сыйлықты елестетіп көріңіз.
Әбу Сағид әл-Худри (р.а.) Алла елшісінен (с.а.у) мына Қудси хадисті риуаят етеді:
Мағынасы: «Расында Менің жерімдегі үйлерім мешіттер. Мені зиярат етушілер сол мешітті салушылар. Үйінен дәрет алып (тазаланып) Мені үйіме зиярат етіп келгенге жәннат болғай. Үй иесі қонағына құрмет етуі міндет», - деген.
Әрине, пендеге берілген ең үлкен құрмет пен ең үлкен сыйлық Жаратқанның жақындығын сезінуі, құлшылық ләззатын татуы және шынайы иман.
Әбу Сағид әл-Худри риуаят етеді:
«Егер мешітке үнемі келетін кісіні көрсеңіздер, оның иманды екеніне куә болыңыздар. Алла тағала: расында Алланың мешіттерін Аллаға иман еткен және ақырет күніне сенгендер тұрғызады», - деген. (Тирмизи риуаяты)
Ендігі жерде мешіт ішіндегі олқылық жағдайларға тоқталатын болсақ: «Адам баласы - білмеген нәрсесінің жауы» деген мақал бар емес пе? Мешітке қалай болса солай киініп келулері – олардың білместігі, ал олардың білместігін айыптау біздің – сабырсыз әбестігіміз емес пе?
Әбу Хурәйрә риуаят етеді:
Бір бәдәуи мешіт ішінде кіші дәретін сындырады. Адамдар оның бұл әрекетіне қарсы шығып, тоқтатпақ болғанда, Пайғамбарымыз (с.а.у) «Оған тиіспеңдер! Дәрет сындырған дерге бір шелек су төгіңдер. Сіз күш көрсету үшін емес, жеңілдік көрсету үшін жіберілдіңіз» деген. (Бухари риуаяты)
Көріп отырғанымыздай, үлгі тұтарымыз - екі дүние сардары, Рақым пайғамбары (с.а.у) осындай әрекетке барған адамды да айыптамайды, тіпті оны ренжітпейді де. Ренжітетін болса, ренжіген, көңілі қалған адам екінші рет ол жерге баруы екіталай. Сондықтан, ағайын! Мейлі, баста қателікпен олқы-солқы киініп барсын, кейінірек, көш жүре келе түзеледі демекші, жүріс тұрысы түзеледі, иншалла. Бүгін суретке түсуге барған адам, ертең садақа беруге, одан соң Құран оқытуға, сосын намаз оқуға барар! Баршамыздан Алла Тағала разы болғай!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев